معشوقة الزين.
الفصل الثالث.
كانت واقفة منتظرة سيارة لتستقلها، و لكن قاطع أنتظارها وقوفه بالسيارة أمامها.
زين:أركبي.
عشق :يووه مش راكبة مش راكبة.
زين:أنتِ بتعندي معايا.
عشق:اه.
زين:طيب.
ثم نزل من سيارته و أتجه نحوها و كان النصيب الأكثر من الصدمة قد حازت عليه هي بعد فعلته الوقحة تلك فهي لم تشعر سوا بأن قدمها أصبحت بعيدة عن الأرض.
زين و هو يحملها:أنتِ الي بتحبي بتعملي في نفسك كدا.
_إيه قلة الأدب دي.
ألقتها سيدة مُسنة تمر من أمامهم.
زين ببرود: دي مراتي حضرتك عندك مانع.
المرأة:قلة أدب.
زين بحدة:ما قولتلك مراتي اوريكي القسيمة يعني.
عشق بعصبية:نزلني أنتَ أزاي تعمل كدا إزاي تلمسني، و كمان جبتلي التهزيق، أنا علي أخرة الزمن واحدة تقولي قليلة الأدب، نزلني يلا نزلني بقولك.
زين و هو ما زال يحملها:أخرسي أنتِ مبتتعبيش من كتر الكلام.
ظلت تلكمه في صدره و تردد كلمة"نزلني"
أتجه هو ناحية سيارته أنزلها ثم دفعها بداخل السيارة و مثل عادته أسرع بإغلاق الباب.
عشق:لا كدا كتير أفتح الباب.
كان الصمت هو جوابه لها.
عشق :أنتَ رايح فين.
قام بتجاهلها مرة أخري.
بينما كانت قصيرة القامة تلك 'شاهندة' تسير بإهمال و إسراع.
كان هو يلحقها فكلما شعرت هي بملاحقته لها كانت تركض حتي توقفت في مكان مملوء بالناس و صرخت بأعلى صوتها.
ألحقوني هيخطفني.
أجتمع الكثير من الأشخاص حولها.
شخص:فيه إيه.
شاهنده و هي تشير نحوه:كان ماشي ورايا من الصبح و شكله عاوز يخطفني.
شخص أخر:مش عيب عليك تعمل كدا و في نص النهار.
مازن بصدمة:استنوا بس فيه أي و كمان هو أنتَ المشكلة عندك أني هخطفها بالنهار يعني لو بالليل عادي.
سيدة:يا أخي أتقي الله مش حرام عليك.
مازن:ياااني يماا دي أخرتها يا مازن يا هواري يتقال عليك حرامي، ثم عاد ليوجه كلامه لهم:الأنسة وقع منها المفاتيح دي و بنادي عليها من الصبح علشان أديها ليها بس هي مش راضية تقف.
شاهنده و هي تأخد من يده المفاتيح:اه صح دي مفاتيحي.
مازن بصوت عالي:لا يا شيخة.
شاهندة:خلاص يا جماعة أتفضت، ثم وجهت حديثها له:أنا أسفة.
مازن:أسفة أسفة اي أدي أخرت الي يعمل خير.
ثم تركها و رحل.
عودة للثنائي العنيد مرة أخري.
أوقف زين سيارته عندما وصل لمكان معزول.
عشق بقلق:احنا فين.
زين و هو ينزع نظاراته:لو سكتي هروحك.
عشق بضيق:اووف أهو سكت.
زين:و تتلمي.
عشق و هي تضع يدها علي خصرها:لي شايفني متبعطره.
زين ببرود:مش ماشي.
عشق يتوسل:بالله عليك يا زين وصلني الشغل أتأخرت.
كان شعور غريب إجتاح جسده فتلك أول مرة تقوم بنطق اسمه.
زين و هو يجمع شتات نفسه:هتسكتي.
عشق و هي تحرك أصابعها علي فمها و كأنها تغلق سحاب"بمعني الصمت".
عاد لقيادة السيارة مرة أخري.
