معشوقة الزين.
الفصل السابع.
بدأت تلك الأجراس بالرنين داخل أذنها و كان الفراشات بدأت بالتحليق حولها.
عشق بصدمة:ايه.
زين:بحبك.
ثم أقترب منها و قبل خدها ثم خرج من الشرفة مثلما دخل تاركها خلفه مصدومه من فعلته تلك قشعر بدنها لحظت أقترابه منها تلك اللحظة شعرت بإحساس لم تعهده من قبل أصبح قلبها يخفق بشدة من أثر تلك الكلمة التي ما زالت تتردد بأذنها.
عشق بصدمة و هي تنظر للفراغ:أنا بحلم صح انا بحلم.
ثم قامت بضرب نفسها برفق.
لا أنا مش بحلم أنا مش بحلم.
طب أنا كنت صح ولا غلط يا رب أستغفر الله العظيم، منك لله يا زين،
بس الحلم الي حلمت بيه قبل ما أصحب كان جميل جدا يااه لو أنام و أكمله بس خلاص كدا يا خساره طب أنا هنام.
ثم وقفت أمام المرأة وقتها حدث لها الإنفصام الذي يحدث دائمًا في تلك المواقف.
كان إنعكاس مرأتها يحدثها و كأنه شخص أخر غريب عنها.
انعكاسها: أنتِ بتحبيه.
إبتسمت عشق:أنا بموت فيه.
انعكاسها:يااه أنتِ للدرجة دي بتحبيه.
عشق بهيام:اه.
انعكاسها:ليه و نسيتي مبادئك.
عشق:لا منستهاش بس أنا بحبه و هو بيحبني.
انعكاسها:و عرفتي إزاي أنه بيحبك.
عشق و عينها أوشكت علي البكاء:أنتِ مشفتيش هو كان عامل إزاي علي شاني.
انعكاسها:لا و الله.
عشق:أنا عارفه أن دا كله من عقلي أساسًا أنتِ خيال مش حقيقة، أنتِ خيال من عقلي أنا أقدر أتحكم فيكي لكن أنتِ متقدريش.
انعكاسها بخبث:بس أنا حذرتك و مترجعيش تندمي.
عشق بعند:لا مش هندم.
ثم توجهت لتغفو.
في اليوم الثاني قررت البقاء في المنزل بعذر مرضها، و لكنها في الحقيقة كانت تخشي مقابلته بعد موقف أمس.
كانت تسير بالطريق متجهه ناحية عملها و لكن توقفت سيارة أمامها أنزل صاحبها زجاج النافذة.
مازن:شاهنده واقفه كدا لي.
شاهنده:مازن واقفه مستنيه تاكسي.
مازن:تعالي أنا هوصلك.
شاهنده:لا شكراً ملهوش لزوم مش عاوزه أتعبك.
مازن:لا تعب ولا حاجة تعالي بس اركبي.
شاهنده:اوكي شكراً.
صعدت لسيارته و قاد هو السيارة حتي أوصلها لمحل عملها.
شاهنده: شكراً بجد ليك.
مازن:لا شكر على واجب.
شاهنده:بجد تعبتك معايا.
مازن:تعبك راحه، ثم أكمل ،هنتقابل تاني.
شاهنده:اه اكيد.
مازن:طب ممكن رقم فونك.
شاهنده:اه اتفضل ٠١............
شاهنده:سلام.
مازن: سلام.
عند شهد.
كانت تحدث إياد بالهاتف.
إياد بحب:كلها كام يوم و نكتب الكتاب.
شهد:إن شاء الله.
اياد:أنا مش قادر استني نفسي نتجوز النهارده قبل بكره.
خجلت هي من كلماته أكتفت بالصمت.
إياد:بحبك.
شهد بخجل:بحبك.
إياد بخبث:بتقولي ايه مسمعتش.
شهد:اياد.
إياد:لا بجد مسمعتش قولتي اي.
شهد:بحبك.
إياد:و أنا بعشق أمك.
شهد:لم نفسك.
إياد:خلاص يا ستي بعشقك أنتِ.
و بتلك اللحظة دخلت شاهنده.
شاهنده بضحك:اوبا اوبا شهوده بتتكلم مع زوجها المستقبلي.
أخرجت لها الأخري لسانها.
شهد:سلام يا إياد.
إياد:سلام يا روح إياد.
أغلقت معه الهاتف ثم نظرت لصديقتها.
شهد:أنتِ مالك يا حشريه.
شاهنده:ماشي يا عباس أنتِ انا مش هتكلم دلوقتي علي تهزيقي دا.
شهد:ماشي يا حجه أومال عشق أتاخرت ليه.
شاهنده:عشق مش جايه النهارده اصلها تعبانه شويه.
شهد:طب هنروح لها بعد ما نخلص شغل.
شاهنده: ماشي.
بعدها أتجهت كل واحده منهم لعيادتها.
بمنزل عشق.
كانت تجلس مع أسرتها تتناول وجبة الإفطار.
حمزة:بت يا عشق هاتي العيش من جنبك.
عشق:لم نفسك ياض أنتَ و جيبه لنفسك.
حمزه يقرف:دا أنتِ بارده يا بت.
عشق:أهو أنتِ.
حمزه: صبرني يا رب انا همشي علشان متأخرش.
بعد انتهائها من تناول إفطارها توجهت لغرفتها، ثم أمسكت هاتفها لتجد رسائل مبعوثة من زين.
أول رسالة((بحبك يا عشقي )).
الثانية((أنتِ مردتش عليا إمبارح بس أنا مستني ردك))
الثالثة ((أنتِ مبترديش ليه و الله هجيلك ))
الرابعة((طب أنتِ زعلانه لو زعلانه من الي أنا قولته أنا أسف و اعتبري أني مقولتش حاجة ))
الخامسة ((بلاش تقطعي علاقتك بيا و خلينا نفضل أصحاب))
السادسة ((خلاص يا عشق لو زعلانه للدرجه دي بلاش نتكلم ولو عاوزه تمسحي رقمي امسحيه و أنا أوعدك مش هكلمك تاني بس خليكي عارفه اني هفضل أحبك))
كانت تقرأ الرسائل و علامات الصدمة مرتسمة علي وجهها.
عشق:و الله شم عارفه أعمل اي أضحك علي هبلك دا ولا اي.
ثم قامت بالإتصال به.
عشق:زين.
زين:كنت عارف أنك هتتصلي.
عشق:أنا و الله لسه شايفه المسدجات دلوقتي.
زين:كان قلبي حاسس.
عشق.........
زين:بحبك يا عشق هو أنتِ بتحبيني.
عشق.......
زين :طب بصي يا بنت الناس أنا بحبك وبموت فيكي ولو وافقتي هجيب اهلي واجي اتقدم.
عشق.......
زين:انت مبترديش فيبقي تمم انا جي يا عشق
عشق:زين
زين:عيونه
عشق: بحبك.
ثم أسرعت بغلق الهاتف دون سماع رد منه.
كان حمزه يسير يحادث صديقه بالهاتف.
حمزه: خلاص بقي أنا جاي في السكه سلام.
و من ثم أصطدم بفتاة جعل أغراضها تتبعثر علي الطريق.
منه:مش تحاسب.
حمزه:أنا أسف.
ثم أخفض مستواه ليجمع أشيائها.
حمزه ومنه :انت.
حمزه: أنا أسف من الي حصل المره الي فاتت بس كان عندي مشاكل و كنت متعصب.
منه بعصبية: واظن يا استاذ طالما حضرتك متعصب دا مش معناه أنك تمشي تبهدل في خلق الله.
حمزه بإستفزاز:تصدقي أنا غلطان أني أتكلمت معاكي و أنتِ يا حلوة بعد كده أتاكدي من الي هتتخنقي معاه مش اي حد كده تروحي ترمي بلاكي عليه، أنا مش عارف البلاوي دي بتتحدف ازاي.
منه؛احترم نفسك أنا مسمحلكش أنك تغلط فيا.
حمزه: ليه بغلط في الأميرة ديانا.
منه:أنتَ شكلك حابب تستظرف.
حمزه:و منكم نستفيد.
منه:اووووووف.
ثم تركته وغادرت.
حمزه:استغفر الله العظيم.
ثم تحرك هو الأخر.
(منه: 21 سنة بيضاء البشرة، بشعر بني قصير و بأعين زرقاء))
بمكان أخر.
مجهول ١:كله تمم والخطه ماشيه زي ما رسمنا ليها.
مجهول٢:تمم وهنشوف ايه الي هيحصل.
مجهول١:انا عمري ما بغلط.
مجهول٢:طبعا بس اللعبه كدا تمام اوي.
مجهول١:و أحسن من التمام كمان.
مجهول ٢:حد شاكك في حاجه.
مجهول١:لا محدش شاكك ولا هيشوك .
مجهول٢:يبقي كدا اللعبه احلوت خالص د.
مجهول١:دا حصل...........
مجهول٢:كده احلوت خالص.
مجهول١:يلا سلام.
مجهول ٢:سلام.
يتبع.....
