داليا كانت قاعدة بدل سارة في مكتبا لانو سارة استأذنت في مشوار ساعة وراجعة وداليا قاعدة بدلا لحد ماترجع كان مطلوب منها بس ترد على التلفون او تدخل اي زول جاي ضروري
كانت قاعدة في الكرسي وماخدة جمبة وبتتكلم في تلفونا
ومندمجة فما لاحظت لي سليم الجا ووقف في الباب وكان بعاين فيها بي سخرية ووقف يسمع في كلاما
داليا: خلاص طيب طيب فهمتا ............ ياخ انتي السبب انتي الشبكتيهو فيني ياربا فحلي الموضوع ده ........... يعني عشان هو صاحب عبدالحميد حايطلع زيو؟.............. ياخ اختيني انا مادايرة انشبك معاهو ............. هههههههههه حيوانة يلا اقطعي وشك............ يابت انا في المكتب وخالك كدة حايطردني.......... انتي عارفاهو زول منضبط.......... الله كانت احلي هدية وشكرا مرة تانية............. حبي للشوكولاتة مرضي انتي عارفه ههههههههههه فكانت احلي هدية وابشرك اني جبتها معاي المكتب.............خلاص يلااااااا بكلمك بعدين بعد ارجع............ جد؟ لو جيتي عند خالتو نفيسة يبقي بمر عليكم المسا ونرغي ونحكي في المحكي .......... هههههه خلاص يلا سلام.
قفلت داليا من ربا وقبل تتلفت سليم دق الباب قبال تشوفو واقف ، اول مادق داليا اتخلعت لما شافتو وقلبها وقع في رجولا وقامت علي حيلا😥 وقالت ليهو : اهلا اهلا استاذ سليم اتفضل
سليم بي نظرتو الساخرة وابتسامتو الصفرة قال ليها: داليا صاح؟ وين سارة ولا شلتي مكانا برضو 😏
داليا الغضب ملاها بس مسكت نفسا وقالت بي برود : سارة في مشوار وانا بدلها مؤقت ، اتفضل وانا حااكلم استاذ ناصر انك موجود،معليش هو مع زبونة حاليا فما حاتدخل ليهو طوالي
سليم بي عنجهية وغرور: والله مافي زول بقدر يمنعني ادخل ولا حتي انتي الكلام ده مابمشي عليا ياشاطرة
داليا خلاص فقدت صبرها وقالت ليهو بي اصرار: دي اوامر الاستاذ ناصر ومافيها شي لو انتظرت لحد مااكلمو بي وجودك وبعدها ادخل
سليم بي برود: اتفضلي ياستي وكلميهو بسرعة يلا
داليا اتصلت وكلمت ناصر بي وجود سليم، ناصر مااستبشر خير من الزيارة وقال ليها اديني اكلمو وادتو ليهو
ناصر: كيف ياسليم
سليم: كويس تمام
ناصر :ممكن تقعد تستناني عشرة دقايق ولو مستعجل امشي وانا بجيك بعد اخلص
سليم لاوي بوزو : لا بستناك ماوراي شي
ناصر ختا في حسابو انو حايضايق داليا فكر يلطف الجو وقال لي سليم اديني داليا لو سمحتا، مدا ليها السماعة وبعاين ليها بسخرية ، اتناولت داليا السماعة
ناصر : داليا شوفي سليم يشرب شنو واطلبيهو ليهو
داليا: حاضر
قفلت داليا وبقت متضايقة ماقادرة تعاين في سليم اكتر لانها خلاص بقت بتكرهو ومامتحملة مع انو لسة مابدا الخطة الفي بالو
داليا: تشرب شنو يااستاذ؟
سليم بجفاف:ماعايز اشرب
داليا: اوكي كيفك ، وهزت اكتافا وخلاص
قبل سليم يقول حاجة رجعت سارة وسلمت عليهم داليا طوالي قامت ليها وقالت انا ماشة مكتبي اشوفك بعدين
سليم اتغاظ منها وقرر يعزبا لحد ماتندم انها قادرتو
