تاني يوم كان يوم الجمعة وناصر كلم داليا من بدري تجي الساعه ٤ لحد السعة ٧ وبلغا انو هو وسلمى طالعين مع بعض وانو لقاها فرصة يرجعو لي ايام الحب القديمة طلب منها تستنى مع دودي بعد الاولاد يمشو لي ساعة زياده لحد مايرجعو هم ،داليا وافقت وكلمت خالتا الكانت ماراضية انها تشتغل يوم اجازتا بس خلتا على راحتا ومشت داليا قبل الموعد بنص ساعة وبدت تنظم الامور وتجهز مع الخدم كل المطلوب ، وصلو الاطفال والبرنامج مشا زي مااتخطط ولما جات الساعة ٧ اتأكدت من انو كل طفل مشا مع اهلو وقعدت مع محمد هو يحكي ليها وهي قاعدة ترتاح وفجأة قلبها بدا يدق حست بي وجودو في المكان وانو واقف في مكان براقب فيها عيونا لاشعوريا بقت تفتش فيهو وشافتو واقف بعيد وقفتو البقت حافظاها واقف ومكتف يدينو وبعاين ليها حست انها عايزة تهرب بقت ماقادرة تواجهو نزلت عيونا وبلعت ريقا وحضنت محمد عليها كأنو درع حماية بالنسبة ليها ، قرب عليهم سليم وابتسم لي الولد بحب خلا داليا مدهوشه من الابتسامه الطبيعية دي قال لي محمد: يلا ياشطور حاتمشي مع سيتا عشان تتحمم وتغير هدومك
محمد بي زعل: لا لا انا بقعد هنا ماداليا
سليم: داليا حاتنتظرك هنا وانت خلص حمام وغيار وتعال تاني
ونادى سليم علي الشغالة تجي تسوق الولد فوق، داليا حست بي مغص في معدتا ماكانت حابة تتواجه معاهو تاني ، وفي لحظة لقت روحا معاهو براها حاولت تبين انها عادية وما بشكل ليها سليم اي تهديد وفضلت ساكتة ، سليم قعد جمبها بدون مايتكلم بس بعاين ليها وهي تقول مسحورة عيونا مابترضى غير انها تعاين ليهو وبترتبك وبتكون زي الهبلة متنحة ، سليم بدا يتكلم وبي اسلوب هادي زي التقول بهمس : ازيك
داليا بهزت راس : تمام الحمدلله
سليم بي نفس الاسلوب: ماقلتي لي انا ازيك
داليا حست انو بمارس عليها الحرب الباردة ردت بي همس لانو صوتا راح : كيفك انت
سليم : تمام
بعدها سكت وهو بعاين ليها بس ، هي كانت بتعاين بعيد بتحاول ماتعاين ليهو وحاسة بي المغص بزيد في معدتا وحاسة بي نظراتو بتحرق في وشها قال ليها : حابب نفتح صفحة جديدة انسي كل القلناهو امبارح
داليا بي نبرة باردة : ده اعتزارك لي يعني
سليم: اعتزر لييه انا ماغلطتا على فكرة
داليا : اممممممم صاح ماانت منزه حاشاك
سليم: حاتنسي الحصل ياداليا وماحنفتح السيرة تاني
داليا : ابعد عني احسن والصفحة ماحنقلبا يستحسن تشرط الكتاب كلو ونخلص من السيرة كلها
سليم بي سخرية : لي حاسس انك عايزة تعلني استسلامك
داليا: ماحتقدر تستفذني على فكرة
سليم : عيني في عينك وقولي انك مامشغولة بي
داليا: الاعيبك دي مابتمشي فيني
سليم: بحب تمردك جدا بشدني ، بخلي اللعبة تكون مسلية
تلفون داليا ضرب وقطع الكلام شالتو وردت سريع حبت تهرب عن طريقو : الو ... هاني اهلا اهلا ........ ايوا انا في بيت استاذ ناصر.......... فقدتك والله كان وجودك حيساعدني ........ هههههههههههههههه متشكرة ياصحبي ده انت اأ... ماحست غير سليم جرا منها التلفون وضرب بيهو الحيطة كسرو ليها ، كانت مذهولة وخشما فاتح وقامت تنهر فيهو : انت مجنون ده شنو العملتو لييه كسرتو ليييه
سليم قرب منها قامت رجعت لي ورا قال ليها بغضب : ماتستعملي هاني عشان تغيظيني انتي لو حابة تستفذيني فأنت نجحتي لكن خليك قدر استفذاذك
داليا : هاني مادخلو هاني صديقي من اول يوم جيت فيهو الشركه قبل حتى اشوفك
سليم: وانا مابنفع كصديق ؟
داليا: انت وانا من عالم مختلف انت مابتقدر تنزل من علاك عشاني
سليم: يعني ماممكن نكون اصدقاء ابدا
داليا: ممكن لو انت بطلتا تشوف حالك علي ولو نسيت موضوع اللعبة السخيفة
سليم: موافق بشرط
داليا: شرط؟
سليم : تلبسي لي فستان ازرق اختارو ليك انا
داليا: شنو ؟
قبل داليا تزيد حرف محمد جا جاري من فوق وجرا حضنا وقال ليها : بحبك لانك استنيتيني
وقعد الولد معاها حاضنا وهي مذهولة لسه من كلام سليم اللي باس الولد وابتسم ليها وطلع خلاها في حالتا ، كان محمد بتكلم وبضحك وهي بتهز بي راسا وعقلها في مكان تاني وقلبها بدق بعنف
بعد رجع ناصر وزوجتو داليا استأذن عشان تمشي ناصر كان حايكلم السواق يوصلا فظهر سليم فجأة وقال انا حااوصلا
*****************
