رجعت داليا لي سارة وقالت ليها: سارة منو الجاب لي علبة الشوكولاتة اللقيتا في مكتبي؟
سارة: احم احم طلعتي ماهينة ياالسهتانة وعندك معجبين 😉
داليا:معجبين ، قولي ياخ بطلي بياخة
سارة: واحد اسمو عاطف قال ورسلا مع السكيوريتي وقال ليك هدية عيد ميلادك ماحب يدخل يعطلك عن شغلك ، لكن الا توريني ده منو 😍
داليا: ده عريس😊
سارة: اجش اجش سنة ياانا
داليا: واحد عبيط لازق لي مع اني رفضتو
سارة:طال مامتزكر عيدميلادك يبقي رومانسي
داليا😫:دي حجة عشان يعمل فيها ظريف لكن اصلا صحبتي هي الورتو وهي السبب شبكتو فيني 😒
سارة : ههههههههههههه غايتو نحن بنات غريبة العايزنا مابنعوزو
داليا: يلا انا مشغولة سي يو
سارة: اوكيييز
طبعا سارة وهاني عشقهم للشمار رهيب طوالي شالت التلفون كلمتو بي الخبر وطبعا هاني بتكلم بي صوت عالي وهو بقول :لا يااااخ صحي ؟ هههههههههه داليا دي مزة ياخ ماقليل عليها ههههههههه............ عريس ظريف لكن مهتمي شديد باين بس مايكون رافض تشتغل ولا تبقي كارثة .......ياخ انا والله ماشبعتا منها .......... والله؟ يعني رافضاهو ............. بلاقيكم بعدين وبسمع منها الرصة....... ههههههههه يلا باي ياظريفة هههههههه
ظهر سليم في وش هاني وقال ليهو : مابتبطل ترغي في التلفون؟ ومنو الحيعرسوها دي يااستاذ وحتوحشك
هاني قعد يضحك: مافي شي دي داليا بس ماحتعرس ده انزار كازب
سليم😒: تمام تمام تعال لي عايزك
داليا اتصلت علي ربا وزفتا وقالت ليها ترجع ليهو هديتو مادايراها وقفلت منها وحست انها ارتاحت شوية وقعدت واصلت شغلا
ناصر بتكلم مع سلمى زوجتو : حبيبتي اجهزي عشان تمشي مشوارك وانا رسلتا ليك السواق لبسي محمد معاك ورسليهو مع السواق يجيبو لي هنا في المكتب حاسوقو الملاهي لحد ماترجعي
سلمي: خلاص تمام حبيبي يلا الحق اجهز عشان مااوقف السواق باي اشوفك بعدين
ناصر : سلام
بعد ساعة محمد جابوهو الشركة وياالله علي الولد ده حلو حلو حلو يتاكل اكل وبشبه خالو شديد
ناصر وكل داليا تمسكو معاها في مكتبا لحد مايخلص هو من الفي يدو ومحمد اتقبل داليا وقعد معاها ، سليم عرف انو ود اختو موجود فقرر يمشي يشوفو وعرف من سارة انو مع داليا
فمشا دخل ليهم ولقا الولد قاعد في حضن داليا وبضحك معاها وهي شغالة تقول ليهو حاجات مضحكة وتغني ليهو وهو مبسوط وقف يراقب الموقف
محمد: داليا انا عايز حلاوة تاني
داليا: كده اسنانك بتجيها السوسة تاكلا
محمد: انتي اقتليها اذا جات
داليا: اووف قتل عديل كدة؟ هههههههههه خلاص واحدة بس عشان ماتمنعك من الاكل مع بابا بعدين
محمد: انا بحبك انتي سحبتي 😊
داليا: عسل ده ياناس طالع حلو كده لي منو
سليم قال ليها بي سخرية : طالع لي خالو اكيد😏
داليا اتخلعت من الزول الجا ظهر فجأة حست انو بتقصد يعمل فيها كده رجعت لي هدوءا تاني وابتسمت ليهو ابتسامة صفرا زي المتعود هو يرسما علي وشو
الولد الصغير نزل جرا ليهو وهو بصرخ: خاااااالو انا جيييت شفت سحبتي؟ ادتني حلاوة وانا بحبها موس يا داليا
داليا: اكيييد يادودي
سليم شالو رفعو وقال ليهو : ده شنوووو انت بقيت تصاحب البنات
محمد: اي وانت بردو ممكن تبقى ساحبا موس ياداليا
داليا اتحرجت وصبت فيها مطرة : ايوا
سليم بي سخرية: لكن داليا عندها صاحب تاني يمكن مايرضي انا اصاحبا
محمد: ساحب تاني ؟ منو ده ياداليا
سليم: جاب ليها هدية حلوة وانت اكلت منها وبشاكلنا لو صاحبناها
داليا نططت عيونا معقول الخبر وصلو😯
محمد: داليا قالت لي هي سحبتي موس ياداليا
داليا:طبعا انا صحبتك
محمد: طيب ممكن تساحبي خالو بردو
سليم بي خباثة: ممكن نتصاحب ياداليا😉
داليا: بس انا مصاحبة دودي مابقدر اصاحب اتنين
محمد بي براءة : لا ياداليا ممكن تساحبيهو بردو انا بحب خالو
داليا: خلاص حااضر ياصحبي انا موافقة
ناصر دخل وقاطعهم وولدو نط ليهو وقال لي سليم نحن ماسين نلعب في الالعاب ارح معانا سليم طبعا لقاها فرصة وقال لي محمد: وسحبتك داليا ماعزمتها ؟
محمد:ارح انتي بردو ياداليا معانا
داليا: انا ماشة البيت يادودي عشان امي بتبكي لو مارجعتا سريع
محمد: خلاص المرة الجاية تمسي معاي
داليا:طيب ياحلو انت
ناصر: نوصلك في طريقنا؟
داليا : لا امشو انتو وانا بخلص اول وبطلع
فات ناصر وولدو وسليم وراهم بس اول قال لي داليا : بقينا اسحاب ماتنسي😎😄 وفات طلع، داليا ضحكت رغم انها كرهانة سليم وشوفتو بس الموقف جد مضحك بالنسبة ليها، معقول بت في وضعها البسيط تلفت نظر سليم بس خلي تصاحبو كمان ؛ ده شي خيالي اصلا ، قررت تشيلو من راسا وماتفكر فيهو وفي مضايقتو ليها وسخريتو وتهكمو الدايم ورجعت تكمل الفي يدها قبال ماتطلع كانت الساعة٥ ،خلصت وقامت مشت البيت ولقت خالتا مستنياها بي الغدا غيرت واستحمت وقعدت اتغدت ودخلت ترقد شوية
خالة ايمان جاتا: يابتي الحكاية شنو الشغلانة دي بقت ماخدة وقتك وماقادرة تدي نفسك فرصة تقعدي مع ود الناس العايز يتقدم ليك ده
داليا😒 : يعني ربا ماعايزة تقتنع ونقلت ليك الموضوع؟ انا كلمتها اني رافضاهو
خالة ايمان: لي بس دي قالت انو ولد كويس ومحترم وبقدر يفتح بيت
داليا: انا مابلعتو وماممكن اوافق عليهو ؛ ياخالتي ارجوك اقفلي السيرة دي ممكن؟
خالة ايمان: الله يهديك يابتي والله انك معيونة
طلعت خالتا وسابتا راقدة في سريرا وغمضت داليا عيونا وقررت تنوم وفجأة لاح ليها خيال سليم فتحت عيونا وقعدت علي حيلا بسرعة وقالت في روحا: وااااااااااي انا ده حتي داير يطاردني في احلامي 😵 انا ليه بشوفو حتى في خيالي😩 كده ماممكن ياداليا تستسلمي لي خوفك منو وتخليهو يسيطر على افكارك
رقدت تاني واستغفرت ربها وغمضت تاني
###############
