اصبح الصباح اخيرا ، داليا نايمة لحد الساعة ٩خالتا جات صحتا فقامت مخلوعة
خالة ايمان: مااا عوايدك تصحي متأخرة يابتي قومي حاتتأخري الترحيل بفوتك كان جا
قامت داليا بسرعة وجرت الحمام كانت مساهرة ماقدرت تنوم ،و حسي الوقت مابسعفا لازم تجهز بسرعة
في بيت ناصر كانت سلمي قاعدة بتكب لي ناصر كباية الشاي لما سليم جا نازل ولسه بي هدوم النوم
سلمي: يا سيتا اعملي كباية النسكافي لي سليم
ناصر: شنو ياافندي ماشايفك جاهز يعني حاتجي متين يابطل
سليم: مانمت غير وش الصبح فحلمك علي واحمد ربك اني قمتا اصلا
سلمي: طبعا ماحتنوم وانت بتتونس مع السنيورا في التلفون لي وش الصبح اكيد مش كانت معاك الليل كلو ماشبعت؟
سليم: خلاص حاتبدي موشحك ده؟ اطمني ماكنت بتكلم معاها وحتى لو كنت فده شي بخصني
سلمى: ينفع كده ياخي سودتا وشنا قدام الناس بي طلعتك ونزلتك معاها ماهو ياإما تعرسا ونخلص ياإما تختشي علي دمك وتتلم وبعدين هي ماتخجل علي دمها الليل كلو لاصقين في بعض بدون خجل ؟
سليم: ناصر سكت مرتك مني
ناصر : هي عندها حق ومع ذلك سلمي سيبيهو هو كبير وواعي لي تصرفاتو ومسؤول
سلمى: ماعلينا ، المهم زي ماكنت بقول ليك عايزه داليا تجي بكرة تنظم الخدم عشان بكرة يوم اللعب لي محمد واصحابو الجاين يلعبو وجاين ١٠ اطفال ومحمد معجب بي داليا طول الوقت يحكي لي بيها هههههههههه
ناصر: حااااضر تأمر ام محمد ويأمر محمد
سليم ابتسم علي الحظ اللي هو فيهو داليا حاتجي عندو تاني وماحيسيبا هو اصلا الليلة ناوي علي نية تخليهو ينفرد بيها تاني
ناصر: يلا انا ماشي وانت ياسيد اوعي تتأخر
سليم : فُريرة
************
في الشركة
ناصر في المكتب قاعد لما سارة بلغتو انو سليم عايزو قال ليها دخليهو
سليم: سلملمات ياابو النسب
ناصر: اهلا اهلا بي سليم باشا
سليم: شوف انا حااكون دغري معاك وحااخش في الموضوع، انا عندي غداء عمل بخصوص شغل مهم وانا لازم اخدو وحااستعير منك داليا في الطلعة دي لانها حاتلفت نظر الزبون وحايتحمس لينا اكيد
ناصر: نعم؟ عايزني اسمح ليك تستغل البت ؟ انت اكيد ماجادي
سليم: استغلها شنو هو انا قلت ليك حااسوقا اشغلا في الدعارة؟
ناصر: سليم فهمني مالك انت خاتي داليا في راسك مالك بيها البت ما من النوع الانت ماشي معاهم سيبا في حالا انا برجوك
سليم : حسي الجلبة دي كلها لزوما شنو انا بقول ليك شغل شغل ماحااسوقا اضبحا ولاحااسوقا ابيعا في السوق الاسود ماعايزني اسوقا معاي ؟ خلاص جدا وانا اسف لكن اتزكر اني خليت ليك هاني كتير لما ماكان عندك مساعدة
سليم قام وطلع وهو زعلان كان عارف انو ناصر حايوافق بس حب يديهو دفعة عشان يوافق بدون نقاش واتصنع الزعل عشان يرقق قلب ناصر
مشا مكتبو وقعد مستني النتيجة بعد نص ساعة ناصر اتصل ووافق علي طلبو وقال ليهو: سليم ارجوك خلي علاقتك بي داليا في حدود الشغل وبس وماتحاول تضايقا
سليم: كده انا حاابتدي اشك فيك ماتكون بتحبها وبتغير عليها
ناصر :صدق انك حيوان؟ انا غلطان اني معتبرك زول كبير وبتعامل معاك
سليم: خلاص خلاص بنهظر ياسيدي
ناصر: عموما انا وريت داليا ولما تجي تمشي رسل خبر وهي حاتمشي معاك
سليم قفل الخط وكان سعيد انو نفذ الفي راسو اخيرا ، لما جات الساعة ٣ الا ربع كان سليم تحت في مدخل الشركة وداليا جات لاحقاهو بسرعة وركبو العربية واتحركو ، داليا طول الوقت كانت بتعاين بي الشباك حاولت تتجنب سليم تماما بس ويين صاحبنا ماسابا في حالا وبدا يقول : شنو يعني عاملة فيها مامعبراني ؟ على فكرة حركتك واضحة مابتخفى علي انا قلت ليك موافق تاني شنو
داليا ساكتة وبرضو بتعاين بي الشباك
سليم: زعلانة عشان ماقعدتا معاك في الحفلة بعد اتفقنا ؟
داليا: في احلامك ياسيد، انت مابتعني لي شي اصلا انت مجرد مدير في الشركة الانا موظفة فيها ومافي شي بربطنا انا اصلا ماشغالة تحت يدك انت 😐 ولو سمحت شيل الاوهام دي من راسك
سليم : طيب خلينا نفترض انك ماقصدتي تلفتي نظري بس ده الحصل وانا جد حابي نتصاحب
داليا: لا شكرا انا ماعايزة نتصاحب انت عندك حبيبة عايز شنو تاني
سليم: افهم انك غايرة
داليا : كفاية غرورك ده خنقني وانا ماغايرة لاني مامهتمه قلت ليك
سليم: انتي عايزة تلعبي معاي وانا موافق حاالعب معاك بس حاتخسري يا كتكوتة وحاتعترفي انك معجبة بي ودايراني
داليا: ماتتحداني عشان انت اللي حتخسر وبعدين انت الباين في تصرفاتك انك المعجب وعايز 😏 مش انا
سليم: تمام سجلتي إسكور المرة دي بس لسه نحن في البداية وانا اللي حاكسب في الاخر
داليا: فليكن وانا مستعدة
٪٪٪٪٪٪٪٪٪٪٪٪٪٪٪
