Wonders Of Poetry

▫️33▫️

Kung alam mo lamang makailang beses akong namatay
Nanghihina ang katawan, bawat araw ko'y matamlay
Libo-libong saksak sa dibdib kong may hukay
Puso ang iaalay ng nanginginig kong kamay

Sa lakas ng tangis mo'y sa hina ng hagulhol ko
Di porket nang-iwan ay masaya na ako
Luha ko'y nilihim sa buong mundo
Na kahit sayo ay nanatiling sikreto

Musang dinakila mo'y nagtataglay rin ng pintas
Nasindak sa utak kong sinungaling na ahas
Diyosang pinugay mo'y tinanggap ang katas
Mata'y sayo nakatutok ngunit dila'y napigtas

Ngiti mo'y gamot sa lason kong lungkot
Sa mga tanong ko'y ikaw ang siguradong sagot
Liligaya ba kung sayo'y di sangkot?
Ano ba ang paroroonan? Panibagong poot?

Taksil kong isip laban sa umiibig na puso
Mga boses sa aking ulo ay pinapatay ang himig mo
Kamay mo'y inilantad upang abutin ko
Sa huli'y ako ang talo dahil ikaw, sinubukan mo