Teach Me, Sir (Teach Series #1)

Kabanata 7

Kabanata 7:

Nang dumating ang lunes ay hindi pa rin kami nag-uusap ni Travis. Madalas ko siyang nahuhuling nakatingin sa akin sa bahay pero lagi ko siyang iniiwasan. Naiirita ako sa kaniya saka baka sabihin na naman niya desperada akong makuha ang atensyon niya.

Nakangiting nilapit ko ang mga kaibigan ko.

"Absent si Alice?" tanong ko kay Lisa ng mapansin wala si Alice. Tumango siya.

"Ihahatid daw 'yong daddy niya sa airport ngayon araw."

Tumango na lang ako, si Kevin naman ay nakikipagdaldalan sa isa pa namin kaklase sa kabilang dulo kaya halos magsigawan sila.

Napalingon ako kay Daryl na nakadukmo sa armrest niya habang may earphone. Naalala ko 'yong nakita ko, nagtatrabaho siya sa gabi. Ang hirap siguro no'n. Pagod na sa school tapos pagod pa sa gabi.

Nang dumating ang professor namin sa unang subject ay kinalabit ko si Daryl.

Mapungay ang matang umangat ang tingin niya sa akin. "Hmm?"

"May teacher na," nginuso ko ang harap.

Doon niya lang napansin ang prof namin kaya umayos siya ng upo. Nasa kalagitnaan kami ng klase ay umalis si Lisa at Kevin at ilang kaklase ko na sasali sa sportfest.

Napalingon ako kay Daryl habang nagsusulat ako dahil napansin kong hindi siya nagsusulat.

Nakakrus ang mga braso niya sa dibdib habang nakatunganga.

"Huy!" tinapik ko ang braso niya.

Gulat siyang napalingon sa akin at kumurap-kurap.

"Ha?"

"Natutulog ka ng dilat?" takang tanong ko.

Bumuntong-hininga siya. "I'm tired," umayos siya ng upo bago magsimula magsulat.

Nang matapos ako ay napansin kong tulala na naman siya. Hindi ko alam pero naaawa talaga ako sa kaniya.

Napaigtad siya ng agawin ko ang notebook at ballpen niya.

"Ako na," bulong ko para hindi marinig ng prof. namin.

Hindi ko na pinansin ang pagtitig niya sa akin at itinuloy ang sinusulat niya. Iche-check kasi ang notes namin. Laging nagche-check siguradong mapapagalitan siya kapag nakitang hindi niya natapos, sasabihin nakikipagdaldalan lang at sino ang katabi niya? Ako malamang. Kami lang naman naiwan magkatabi. Baka sabihin pa ako ang kadaldalan.

Nagmatapos ko ang lecture niya ay napalingon ako kay Daryl na nakasandal ang ulo sa pader habang nakapikit.

Napailing na tumayo ako at pinacheck ang notes namin. Mabuti na lang at hindi halata ang pagkaiba ng sulat namin.

Gising na si Daryl ng makabalik ako sa upuan. "Thanks." nahihiyng wika niya.

Ngumiti ako, "Ayos lang, nakapagpahinga ka." Ayokong sabihin nakita ko siya. Bumaba ang tingin ko sa kamay niyang may mga band aid.

"Napano 'yan?"

Kaagad niyang itingo iyon. "Wala 'to."

"Patingin nga."

Kinuha ko ang kamay ni Daryl, may higit tatlong band aid ang nasa iba't-ibang parte mg kamay niya. Napano kaya 'to? Sa trabaho niya?

Nang dumating si Travis ay naabutan niya kami sa gano'n puwesto. Kaagad kong binitawan ang kamay ni Daryl at umayos ng upo.

Pagpasok pa lang niya ay sinalubong na siya ng mga haliparot kong kaklase sa harap. Ang isa pa ay nagpresintang siya na lang ang mag attendance.

Nagpa-activity si Travis, by partner. May isang story at gagawan ng essay tungkol sa naintindihan namin.