Teach Me, Sir (Teach Series #1)

Kabanata 19

Kabanata 19

Napasinghap ako dahil kay Daryl. Kalmado lang ang kaniyang mukha habang nakatingin kay Travis na nakayakap sa akin. Hinawakan ko ang braso ni Travis na nakayakap sa akin upang kalasin iyon.

"Please believe in me, don't come with him," he said, shaking his head on back of my neck.

"T-Travis bitawan mo na ako, m-mamaya na tayo mag-usap. M-May klase kami," pakiramdam ko ay wala siyang balak na pakawalan ako. "T-Travis, nasasaktan ako sa hawak mo." I lied.

Dahan-dahan lumuwag ang hawak niya sa akin, kinuha ko ang pagkakataon na iyon para kumalas sa kaniya. I can see fear and anger in his eyes. His jaw clenched.

"Let's talk, sandali lang..." he mumbled.

Napailing ako, naniniwala ako sayo Travis at naiinis ako sa sarili ko dahil kahit ano atang gawin mo ay sayo pa rin ako maniniwala. Gusto ko lang talaga umalis, lumayo muna sa kaniya. Pakiramdam ko kasi mawawala ko ang sarili ko kapag nagpatuloy ako sa tabi niya.

"M-Mamaya na."

Mabilis akong lumabas doon, narinig ko pang tinawag niya ako pero tuloy-tuloy lang ako sa paglakad. Pinunasan ko ang luha ko sa pisngi, I can't believe that I love him so much. I trust him so much.

Dederetsyo sana ako sa field pero mainit at maraming tao, kailangan ko mapag-isa. Habang nililibot ko ang paningin ko sa paligid ay naramdaman kong may tumabi sa aking gilid.

"Let's go somewhere," I turned my gaze to Daryl.

Nasa kaniyang bulsa ang dalawa niyang palad. Hindi siya sa akin nakatingin kundi sa mga nagpapractice sa field. Para bang wala lang nangyari, alam kong madami siyang tanong. He saw us, I can't hide the truth to him now.

Tumalikod si Daryl, sumunod ako sa kaniya.

Tahimik kaming naglakad hanggang makarating sa likod ng school. Akala ko ay hihinto kami sa garden sa likod ng school pero nagtuloy-tuloy siya sa dulo, madami ng matataas na damo doon kaya napatigil ako sa paglalakad at pagsunod sa kaniya.

"Anong gagawin natin dyan?" tanong ko sa kaniya, bahagyang kumunot ang aking noo.

Nilingon niya ako. "Gusto mo ng tahimik 'di ba? I'll guide you," kalmadong wika niya.

Lumingon ako sa pinanggalingan namin, kapag bumalik ako doon saan ako tatambay? Ayoko pang pumunta sa room. Paniguradong hahanapin naman ako ni Travis.

Napabuntong-hininga ako bago sumunod kay Daryl.

Dumaan nga kami sa matataas na damuhan. Napatigil kami sa paglalakad ng maabot namin ang hindi kataasan bakod, lalabas na kami ng school. Ngayon lang ako nagawi rito, ngayon ko nga lang nalaman na may ganito rito. "Aakyat tayo dyan?" takang tanong ko sa kaniya.

"Yup," ang bakod na sa tingin ko'y hanggang dibdib niya.

Umiling ako, gusto ko mapag-isa pero grabe naman 'to! Baka bigla niya ako iwan sa kabilang bakod hindi na ako makabalik. Baka mamatay pa ako at mabalian ng buto dyan.

"B-Bumalik na lang tayo," tanggi ko.

Lumuhod siya at hindi pinansin ang sinabi ko. Hinabad niya ang uniform niya kaya natira ay ang sando niyang puti, gulat akong lumingon sa kaniya.

"Hoy! Anong ginagawa mo?"

"Tumungtong ka sa balikat ko para makaakyat ka, dali."

Nag-aalinlangan akong sumunod sa kaniya. Hindi ko maiwasan sa batak niyang katawan, kita ko ang matigas niyang braso siguro ay dahil sa pagta-trabaho niya.