Teach Me, Sir (Teach Series #1)

Special Chapter

Special Chapter

"Good bye class, have a good day," wika ko saka inayos ang aking mga dala.

Nagsi-labasan ang aking mga istudyante, ngumiti ako sa kanila. Lumapit ang isa kong istudyante. "Ma'am kami na po magdala sa faculty ng mga notebooks," ani ng isa.

Ngumiti ako saka tumango. "Sige, pakilapag na lang doon sa may lamesa sa gilid ha, tapos umuwi na kayo pagkatapos. Thank you."

Lumabas na ako sa classroom saka hinawakan ang medyo kalakihan ko ng tiyan. Hmm, nagugutom na ako. Naglakad ako, may ilang istudyanteng binabati ako, binabati ko rin sila pabalik.

I wonder if I can buy a mango shake.

Mang makarating ako sa Principal office ay kumatok ako bago pumasok. Kaagad akong napangiti ng makita ang aking asawa na may kausap sa cellphone. Nang makita ako ay kaagad siyang lumapit saka kinuha ang aking bag bago ako halikan sa labi ng mabilis.

"Yes, maybe next week. Thanks," usal niya sa kausap bago patayin ang tawag.

"Tired?" tanong ni Travis.

Niyakap niya ako mula sa likod dahil takot siyang maipit ang baby namin. Hinalikan niya ang aking leeg. "Hindi naman, masyado. Nagpa-lecture lang ako kanina."

"I told you baby, mag leave ka na. Kabuwanan muna sa susunod na buwan," mahinahong aniya.

Hinimas ko ang pisngi niya habang nasa ganoon kaming posisyon. "Ayos lang naman ako, saka mababagot lang ako sa bahay kaya ko pa naman magturo."

He groaned on my neck. Hindi na siya nakipagtalo pa, lagi na namin itong pinag-uusapan. Noong nalaman namin na buntis ako ay gusto na nga niyang huminto ako sa pagtuturo kahit na hindi pa man malaki ang aking tiyan noon.

Pero ayoko talaga, pakiramdam ko'y kapag nasa bahay ako ay manghihina ako saka kilala ko naman ang aking katawan. Alam ko kung nahihirapan ako o hindi.

"Gusto ko ng mango shake," usal ko.

Naramdaman kong pag-angat ng sulok ng labi niya sa aking pisngi. "Sure baby, let's go home?" malambing na aniya.

Hawak kamay kaming lumabas sa office niya. Hindi ko maiwasan hindi siya hangaan. Nakaka-proud lang na asawa ko siya, na masasabi kong sa akin siya.

"Don't look at me like that baby," aniya ng mapansin ang pagtitig ko sa kaniya habang naglalakad kami.

Ngumisi ako. "I love you Sir." wika ko.

Naitikom niya ang bibig, kitang-kita ko kung paano niya pigilan ang pagngiti niya.

"Ayieh, kinikilig ang asawa ko oh," humagalpak ako ng tawa.

Ngumuso siya saka ipinalibot ang braso sa akin.

"Sa'yo lang naman ako kinikilig, Ma'am."

Kinindatan pa niya ako bago inalalayan pumasok sa kotse.

NANG SUMAPIT ang sumunod na linggo ay isinama ako ni Travis sa Nueva Ecija, Bulacan dahil may seminar siya doon ng ilang araw. Kahit gusto kong magpa-iwan ay hindi siya pumayag.

Hindi raw siya mapapakali na malayo ako lalo't buntis ako.

Humigop ako ng buko juice na nasa aking baso habang nanunuod ng tv. Ako lang mag-isa sa tinutuluyan namin bahay dito. Hindi namin inaasahan na aakyat ng bundok ang seminar nila, magseseminar sila sa mga nakatira doon sa itaas ng bundok. Medyo liblib na ang lugar kung nasaan kami.

Sabi ni Travis ay babalik siya kaagad. Pangalawang araw na namin dito, hanggang apat na araw lang kami rito.

Hinimas ko ang tiyan ko saka ako napangiwi dahil biglang kumirot ang aking tiyan.