Teach Me, Sir (Teach Series #1)

Kabanata 16

Good evening! Enjoy Reading!

Kabanata 16

Sinamaan ko ng tingin ang lamesa ni Travis habang nakatitig ako roon. Akala ko'y magiging madali ang maghintay doon pero habang nililibot ko ang paningin sa buong kwarto ay kumukulo ang aking ulo.

Bawat sulok ay naiisip ko ang ginagawa nila.

Naikuyom ko ang aking palad. Gusto ko na magtanong kay Travis pero natatakot ako sa isasagot niya.

Is it possible? To feel urge to know something and feel fear at the same time. Fear to be hurt because you expected too much. You trust too much.

Napakamot ako sa aking ulo habang nakatayo, ayokong umupo sa sofa dahil baka nadumihan ko ang kulay gray nitong balot.

Napalingon ako sa pintuan ng may kumatok doon. Hindi ako nagsalita, kahit pa sirain ang pinto na iyan ay hindi ako magsasalita. Baka mamaya ay hindi naman si Travis.

"Sascha, it's me."

Napabuga ako ng hangin dahil siya na iyon, mabilis akong lumapit at binuksan ang pintuan. Kaagad pumasok si Travis, halos wala pang sampong minuto simula umalis siya. Masyado atang pinaharurot nito ang kotse.

Iniabot niya sa akin ang isang brown na paperbag. Binuklat ko iyon, kinagat ko ang ibabang labi nang makita ang kulay blue na bulaklaking panty ko. Napakunot ang aking noo ng makitang isang balot na whisper na violet ang nandoon.

Nang lumingon ako sa kaniya ay napakamot siya sa batok.

"I-I didn't find your sanitary napkin at home, I was about to ask Manang but she's sleeping. S-So uhm... I went to store..." naputol-putol na kwento niya.

Napakurap-kurap ko habang kinagat naman niya ang ibabang labi. Naimagine ko siya na pumipili ng napkin sa isang store. Damn!

"Is it right baby?" nag-aalang tanong niya.

Kumabog ang puso ko sa tawag niya sa akin pero kaagad ko rin nilabahan ang karupukan ko. Dapat ay kahit gaano ko kagusto si Travis ay hindi ako masyadong magpahalata.

"O-Oo ayos naman 'to. Thank you, Travis." Tumikhim ako.

Tumango siya animong nakahinga ng maluwag sa aking sinabi. "Welcome. Wala akong banyo rito pero meron doon sa dulo bago bumaba ng hagdan, I'll go with you."

Umiling ako, baka may makakita pa sa amin. "Huwag na. A-Ah ako na lang."

Bumukas ang kaniyang bibig animong may sasabihin pa pero tumalikod na ako para makapagpalit na.

Mabilis ang kilos ko na naglinis at nagpalit. Hindi ko maiwasan mangiti habang binubuksan ang biniling isang balot ni Travis. Siguro ay halos pagtinginan siya no'n bumibili siya. Kay gwapog lalaki ay utusan ng asawa.

Nang makalabas ako ay bumalik ako sa office ni Travis para pasalamatan siya saka para itabi muna doon ang hinubad kong gamit. Huwag lang sanang makita ng iba.

Pagkapasok ko ay naabutan ko siyang nakaupo na swivel chair niya habang nakasandal ang ulo sa sandalan nito. Tulala siya animong malalim ang inisip. Nang mapansin niyang pumasok ako ay nilingon niya ako.

Seryoso ko siyang tiningnan.

"Iiwan ko muna rito ito, kukunin ko mamayang uwian. Saan ko ba pwedeng ilagay?" wika ko.

Tumango siya animong pinapalapit ako sa kaniya. Napabuntong-hininga ako bago maglakad papalapit kung nasaan siya. Para bang pagod na pagod ang kaniyang mga mata habang pinapanuod akong lumapit sa kaniya.

Nang makalapit ako sa kaniyang gilid ay inikot niya ang swivel chair para mapaharap siya sa akin. Kinuha niya ang paper bag ko't inilagay iyon sa ilalim ng kaniyang lamesa.