Teach Me, Sir (Teach Series #1)

Kabanata 9

Kabanata 9

Deretsyo ang tingin ko sa harap habang tahimik na nagda-drive si Travis. Ang ilang minuto papasok sa iskwelahan ay parang naging kalahating oras sa bagal niyang pagpatakbo.

Kung anong kinabagal namin ay iyon din kinabilis ng kabog ng dibdib ko.

Hindi ako sumagot sa kaniya kanina, I don't like flirting. I want to hear that he likes me too. Not for flirting.

Nang isang liko na lang kami bago makarating sa iskwelahan ay tinuro ko ang isang store. "Dyan mo na lang ako ibaba," usal ko.

Bahagya niya akong sinulyapan. Imbes na bagalan niya ang andar ng kaniyang kotse ay bahagya niya iyon binilisan.

Nanlaki ang mata ko ng ideretsyo niya iyon sa parking lot ng school. Kinabahan ako dahil madami na rin istudyante na dumadating.

Hinampas ko siya sa braso ng mai-park niya ang sasakyan sa isang gilid, mabilis kong tinanggal ang seatbelt at inis na hinarap siya. "Paano ako bababa nyan?!"

"Open the door, tsk."

"Nagbibiro ka ba Travis? May makakakita sa akin na bababa ng kotse mo!"

"Who says I'm kidding? Just fucking open the door and walk naturally. You're just over thinking. What if they see you? May mata sila natural na makikita nila Sascha," wika niya.

Bahagya niya pang inayos ang uniform niya at akmang bubuksan ng pinto ng hawakan ko ang braso niya, bumaba ang kaniyang mata doon kaya kaagad ko iyon binitawan.

"Hindi nila alam na---"

"That we're married?" taas kilay na tanong niya.

Tumango ako. "I'm handsome, I'm a professor, anong kinakahiya mo na asawa mo ako?" napaawang ang aking bibig sa biglaan tanong niya.

Hindi ko alam pero kakaiba ang tono niya nang sabihin niya iyon.

"Hindi sa gano'n." Umiling pa ako.

"So what?"

"Teacher ka, istudenyante ako. Kahit pa sabibin na legal na tayo hindi pa rin maganda, may mag-iisip at mag-iisip pa rin ng hindi maganda," paliwanag ko.

Sandali niya akong tinitigan bago bumuntong-hininga. "Stop worrying about what other people think of you."

Hindi ako nakasagot. "Fine, mauna ka ng bumaba, after five minutes bababa ako kung 'yon ang mas kampante sa'yo," napipilitang aniya.

Napangiti naman ako, mukhang mabait ata si Travis ngayon. "Thanks!"

Mabilis akong lumabas sa kotse niya, may sinasabi pa siya pero hindi ko na narinig dahil mabilis akong naglakad papasok. Nang makarating ako sa room ay kaunti pa lang ang mga kaklase ko, naabutan ko si Daryl na kausap si Nade sa dulo. Bahagya akong ngumiti dahil kahit papaano ay may nakakausap na siya.

"Good morning," bati ko sa kanila.

"Ang aga mo ata ah," komento ni Nade bago tumayo at humarap kay Daryl. "Sige Daryl, thank you ha," anito saka bumalik sa upuan niya sa harap.

Nakataas ang kilay na bumaling ako kay Daryl. Ano kayang pinag-usapan nila? "Uy, ano 'yon?" usisa ko.

Ngumiti siya saka umiling. Tama nga ang sinabi niya noon una kaming nagkausap. Mukha nga siyang malibog ngumingiti ng gano'n. Natawa ako sa naisip ko, "Huwag ka ngang ngingiti ng ganyan," natatawang usal ko habang inaayos ang bag ko.

Napasimangot siya.

"Do I really look a pervert man?" takang tanong niya saka ngumiti ulit para bang pina-practice niya kung paano ba dapat ang tamang pagngiti kaya mas lalo akong natawa.