Teach Me, Sir (Teach Series #1)

Kabanata 21

Kabanata 21

"Anong bus number tayo?" tanong ko kay Kevin na nasa kabilang linya. Hawak ko ang aking backpack habang naglalakad papunta sa maraming nakaparadang bus.

"Bus number eight sis, bilisan mo dali may upuan ka rito," narinig ko pa ang tawanan sa kabilang linya.

Napailing na pinatay ko ang tawag at hinanap ang bus na tinutukoy niya. Ngayon ay may seminar kaming dadaluhan sa Iba Zambales.

Dalawang linggo na simula ng ipahiya ko ang sarili ko sa meeting sa school, mabuti na lang at hindi naman naging big deal iyon. Alas-kwatro pa lang ngayon, kailangan kasi ay makaalis kami ng maaga. Ayoko sanang sumama kaso ay sayang din naman, bukod sa matutunan namin sa seminar ay habol ko rin ang certificate na ibibigay.

Kasama ang ilang teacher panigurado lalo na iyong mga adviser. Kaya hindi kasama si Travis dahil wala naman siyang hawak na klase, baka nandoon lang sila sa school nyan.

Nang mataman ko ang bus ay kaagad kong nakita si Lisa at Kevin na kumakaway sa akin.

Sabay-sabay kaming dumating ni Nade at Alice. Napanguso ako ng makita ang jacket na may pusang tenga ni Alice. Nang makita ako ni Nade ay tipid siyang ngumiti na sinuklian ko kaagad.

"Alice, good morning." bati ko kay Alice.

"Good morning," paos na aniya.

Sabay-sabay kaming umakyat sa bus. Sila Kevin ay nasa gawing likod, todo kaway sa amin. Ako ang nauunang maglakad. Sa katapat na upuan nila Kevin ay si Daryl na naka-earphone at nakatingin sa binatana, akala ata niya nasa music video siya. Nang mahagip ako ng mata niya ay kaagad siyang ngumiti.

Saka iminuwestra ang katabi niyang upuan, tatluhan doon at siya ang nasa gitna. Pwede kaming tatlo nila Alice, lalakad na sana ako papalapit ng lagpasan ako ni Alice at Nade. Muntik pa akong masubsob sa isa kong kaklase dahil mukhang nagmamadali sila.

Napataas ang aking kilay ng parehas silang tumabi kay Daryl. Pinapagitnaan nila si Daryl.

"U-Uhm, sa likod na lang ako." Tipid akong ngumiti saka doon naupo sa likod nila Kevin.

Ayos lang naman sa akin. Bali ako na ang pinaka nasa dulo, sa katapat kong tatluhan ay bakante na. Sa likod ko naman ay ang pinaka dulong mahabang upuan na, puro bag na nakalagay.

Bahagya akong nilingon ni Daryl at sinenyasan kung okay lang ako doon, siguro ay gusto niyang tabi kami ang kaso ay katabi na niya sila Alice at Nade.

Ayos lang naman sa akin, kaya tumango ako saka tipid na ngumiti. Sa harapan ko ay dumungaw sa akin si Kevin.

"Ayos ka lang dyan sis?" lumapit pa siya at kunwaring tinakpan pa ang gilid ng labi para walang makakita ng bukas ng bibig niya. "Dapat kumandong ka na lang kay Fafa Daryl, bakit ba nakipag-unahan si Nade doon?" intrimitidang aniya.

"Hayaan mo na, puno na rin naman sa harap, mas ma-out place siya kapag dito siya sa likod, wala siyang makakausap e ako pwede ko kayong kalabitin," wika ko.

Inismidan ako ni Lisa na nakadungaw rin saka ako inabutan ng chichiria. "Dadating pa si Ma'am, baka siya makatabi mo dyan," aniya.

Tumango ako, umayos naman sila ng upo.

Tumingin na lang ako sa labas ng bintana, madilim pa sa labas. Ang ilang bus ay umaalis na. Napaayos ako ng upo ng binuhay na ang makina ng bus, aalis na kami!

Pumikit ako.

Ilang minuto akong nakapikit ay may naramdaman akong umupo sa aking tabi. Kaagad akong napadilat ng makilala ko ang amoy na iyon.