Teach Me, Sir (Teach Series #1)

Kabanata 23

Kabanata 23

Nang matapos ang laro ay kaniya-kaniya na ang mga kaklase ko sa pagpunta sa kwarto nila. Halos hindi ko na nasundan ang laro dahil lutang na ako. Masakit ang dibdib ko. Gusto ko makausap si Travis pero hindi ko na siya nakita.

Malakas akong napabuntong-hininga ng tapikin ni Daryl ang braso ko. Seryoso niya akong tiningnan habang nakapamulsa.

"Why did you do that?" mababang tanong niya.

Naibaba ko ang aking ulo. Hindi ko alam. Natakot ako na kapag sumagot ako ng totoo ay hanapin nila kung sino, natakot ako sa paraan ng pagtanong ni Alice. Nabigla ako.

Umiling si Daryl na para bang maling-mali ang nagawa ko.

"Hindi mo naman kailangan itago, para saan? Sa sasabihin ng iba, that is selfish reason. Sa tingin mo naililigtas mo ang relasyon niyo dyan?" pakiramdam ko ay nanliit ako sa sinabi niya dahil alam kong tama siya.

Hindi ako nakapagsalita. Ginulo niya ang buhok ko. "Go on and sleep. Kausapin mo na lang siya bukas."

Tumango ako at tipid na ngumiti, umalis na si Daryl dumeretsyo siya kay Nade bago sila lumayo. Pumunta na ako kila Lisa at Alice na naghihintay sa akin para makapunta na kami sa kwarto na ibinigay sa amin.

Sabay silang kumapit sa braso ko. Hinimas ni Alice ang braso ko habang naglalakad kami, si Lisa naman ay isinandal ang ulo sa aking balikat.

"Ayos ka lang ba?" tanong ni Lisa ramdam ko ang pag-aalala sa kaniyang boses.

Tumango ako saka umiling. "May nagawa akong mali." Parang sumisikip na naman ang dibdib ko habang naiisip ang reaksyon ni Travis.

"Minsan, ayos lang maging mali. Ayos lang maging iba. Ayos lang," seryosong wika ni Alice.

Sabay kaming lumingon sa kaniya.

Humalakhak si Lisa, sakto naman ay nasa harap na kami ng room namin. "Ang seryoso ha? May pinaghuhugatan ba kayo?"

Pumasok na kami sa loob. May kasama rin iba namin kaklase, may limang double deck sa kwarto. Ang pinaka dulo ang natira sa amin.

Kaagad dumeretsyo si Lisa sa ibaba, ngayon iniisip ko kung sino ang katabi niya, ako o si Alice. Tiningnan ko ang nasa itaas niya, nandoon ang bag ni Nade.

"Sino katabi ko?" tanong Lisa habang inaayos ang unan niya.

Nagkatinginan kami ni Alice.

"Sa taas ka na lang Lisa, tabi kami ni Sascha," mabilis na wika ni Alice habang nagsusuklay ng buhok.

Ngumiwi naman si Lisa, "Ayoko nga! Malikot akong matulog, mahuhulog ako," tanggi niya.

"A-Ah ako na lang sa itaas."

Bago pa maka-angal si Alice ay umakyat na ako. Siguro ay dahil hindi sila ayos ni Nade ay ayaw niya itong katabi? Magka-ayaw ba sila? Kasi kanina hindi naman sila nag-uusap. Si Kevin naman ay ayaw kay Nade dahil inaagaw raw si Daryl, si Lisa naman ay ayos lang normal lang ang pakikitungo kay Nade at gano'n din naman ako. I don't see any problem about Nade.

Binuksan ko ang cellphone ko upang itext si Travis.

Mister ko:
Nasan ka?