Teach Me, Sir (Teach Series #1)

Kabanata 20

Kabanata 20

"Kung tayo ay matanda na
Sana'y di tayo magbago
Kailan man, Nasaan ma'y ito ang pangarap ko..." napailing ako ng marinig na kumakanta si Kevin sa likod namin. Sinabayan pa ni Lisa na kunwari ay may gitara. Si Alice ay napapailing na lang sa dalawa. Nasa unahan namin silang dalawa at pauwi na kami.

Simula ng bumalik kami kanina ay inaasar na nila kami, wala naman iyon sa akin. Kabisado ko na sila Kevin, hindi ko lang alam kay Daryl kung sineseryoso niya ang mga tukso ng mga ito.

"Tama na 'yan Kevs," awat ni Alice.

"Ang KJ naman ni Alice e, bagay kaya si Daryl saka si Sascha, tingnan mo oh," humalakhak si Lisa at Kevin.

"I said stop it!" inis na wika ni Alice saka nagkabit ng earphone saka nagpati-unang maglakad nagkatinginan kaming apat.

"Hala galit?"

"Ang ingay mo raw kasi," natatawang usal ni Daryl.

"Huwag mo akong ngitian dyan Daryl, baka hindi ako makapag pigil nako!" maarteng hinawi pa ni Kevin ang imaginary hair niya't hinabol si Alice.

Bumaling naman si Lisa sa amin, "Sa bahay tayo magpapractice ha," aniya saka tumalikod na.

Napabuntong-hininga ako, nakalimutan kong ngayon nga pala kami magme-meeting para sa group project namin. Kanina pa pinapa-alala ni Lisa na sa bahay nila kami ngayon baka raw kasi bigla na lang kaming mawala ni Daryl at kung saan pumunta.

Kung alam lang nila.

Papunta na kami sa parking lot, tanaw namin ang tatlo. Nakabusangot pa rin si Alice habang inaasar ni Kevin at Lisa. Bahagya akong tinunggo ni Daryl.

"You should text your husband," mahinang aniya.

May mga nakakasabay kasi kaming maglakad. Tumango ako saka ko kinuha ang aking cellphone. Napanguso ako ng makitang palowbat na ako. Ibang klase rin ang cellphone na 'to, kahit hindi ginagamit laging nalo-lowbat.

Tatay T:
Mamaya pa ako uuwi, may practice kami. Mag tricycle na lang ako pauwi. Kumain ka na.

Mabilis kong itinago ang phone ko. Saktong pag-angat ng tingin ko sa daan ay nahagip ko ng tingin si Nade na nakatayo lang doon, siguro ay hinihintay niya ang sundo niya.

Nang mapansin niyang nakita ko siya ay bahagya niya akong nginitian, ngingiti sana ako pabalik pero tumalikod na siya.

Gusto ko sanang ituro kay Daryl pero baka mamaya may something sila, may gusto kaya siya kay Daryl? Madalas silang nag-uusap ng sila lang. Hanggang ngayon ay hindi namin alam kung bakit.

Mabilis kaming nakaalis sa school. Dumating ang sundo ni Lisa, lahat kami ay sumakay doon sa van nila.

Nang nasa bahay na nila kami ay nag meeting lang kami, pinaghati-hatian namin ang mga dapat namin gawin. Sa susunod na meeting ay doon naman kami kila Kevin. Nagdinner pa kami kila Lisa bago maghiwa-hiwalay.

Mag-aalas nuwebe na ng makaalis kami kila Lisa. Si Kevin ay nagpasundo sinama na niya si Alice. Hinatid naman ako ni Daryl sa sakayan ng tricycle.

Natawa pa ako dahil pinicturan pa niya ang driver, kung sakali raw hindi ako makauwi ng maayos.

Pagod na pagod ako ng dumating sa bahay. Pagod sa meeting pati na rin sa dami ng nangyari buong araw.

Dahan-dahan kong binuksan ang pintuan. Madilim na sa buong sala, dahil ilaw na lang galing sa kusina ang bukas. Tulog na kaagad si Travis?

Nilock ko muna ang pinto ng dahan-dahan humarap. Halos mapatalon ako sa gulat dahil nakaupo si Travis sa sala, sa carpet habang may mga bote sa gilid niya't isa sa kamay na pinapaikot-ikot pa niya habang pungay ang matang nakatingin lang sa itaas ng lamesa.