Teach Me, Sir (Teach Series #1)

Kabanata 12

Kabanata 12

Ilang beses akong kumurap dahil sa sinabi ni Travis. Bigla akong nanigas, ramdam ko ang pagtuwid ng aking tayo. Dahan-dahan kong ibinaba ang cellphone ko. Siya naman ay kinalas ang pagkakapalupot ng braso sa aking beywang saka tumabi ng tayo sa akin gilid.

I couldn't look at the people around us. He's completely conquered my senses. Ipinatong niya ang kaniyang siko sa barandilya at tumanaw sa malawak na mga puno sa ibaba.

His biceps are firm. Bahagyang gumalaw rin ang kaniyang adams apple.

Hindi ako makapagsalita! I can't compose even a simple sentence.

Basta nakatayo lang ako doon at nakatingin sa kaniya, naghihintay kung duduktungan ba niya. Narinig ko ang sinabi niya. Rinig na rinig ko at talaga naman kakaiba ang epekto ng tatlong salita na iyon sa akin.

I want to say that I feel something for him too! That I'm attracted to him.

Bahagya niyang kinamot ang batok saka niya ako sinulyapan. Nang magtagpo ang mata namin ay ibig ko na lang lumuhod sa pagkalata ng tuhod ko, humawak ako sa barandilya para hindi iyon mangyari.

"You don't have to answer that," gagad na usal niya.

Tipid siyang ngumiti pero alam kong pilit iyon. Ibinalik niya ang atensyon sa kaniyang harapan.

"I just want to tell you my feelings, that's all. Hindi mo naman kailangan sumagot," malamig na wika niya.

Parang may kung anong kuryente sa batok ko na naglakbay sa aking likod ng ilahad niya ang kamay sa akin.

Magkatabi lang kami ngunit may distansya. Parang mas gustong niyang mas lumapit pa ako, matangkad siya kaya bahagyang naka-angat ang aking tingin sa kaniya.

His eyes were dancing with a familiar emotion. My heart pounded and my hand began to sweat.

Wala sa sariling tinanggap ko ang kaniyang kanan kamay. Pinagsiklob niya ang aming mga kamay. Malaki ang kaniyang palad pero pakiramdam ko ay saktong-sakto ang aming mga palad.

He pulled me slightly to get close to him. Nagpakawala ako ng malalim na buntong-hininga dahil hindi na ako makahinga. Kinakabahan ako.

Umihip ulit ang malakas na hangin. Maingay sa paligid namin pero parang kabog lang ng puso ko ang naririnig ko. Ngumuso ako bago tumanaw sa tinitingnan niya sa aming harap.

He caressed my fingers. Nang matagpuan niya ang aking daliri na may singsing ay doon siya namalagi. Bahagya niyang hinihimas ang singsing ko doon.

Pwede pala 'yon, ang maging masaya ka kasabay ng sakit at takot. Hindi ko maipaliwanag ang saya ko ng sabihin niyang mahal niya ako, masakit kasi hindi ko maramdaman. Parang kulang na kulang pa 'yong mga pagsasama namin. Hindi ko alam kung paano niya nasabing mahal niya ako gano'n pinagkasundo lang kami.

Natatakot akong baka, baka madali lang para sa kaniya bitawan ang salita na 'yon. Nakakatakot magtiwala kaagad.

Gusto ko man suklian ang sinabi niya kanina ay nanaig pa rin ang kagustuhan kong bigyan pa ng mas mahabang panahon ito.

Para kung dumating ang araw na bawiin niya ang sinabi niya at sabihin nabigla lang siya, ay hindi ako masasaktan ng husto.

Ayoko magpadalos-dalos sa aking nararamdaman. Paano kung dumating ang araw na naisip niyang hindi pala niya ako kayang pakisamahan dahil mas bata ako, na mas gusto niya ang mas matured.

"Did you know why your ring has a three diamonds?" pagbasag niya sa katahimikan.

Doon bumaba ang tingin ko sa aking singsing na sinuot ko ngayon dahil aalis kami. Hindi ko maiwasan pamatingin sa daliri niyang may singsing din. Napangiti ako.