قالي بظبط كدا المرأة حدها بيته وبس وما برضه مرتي تمشي تستعرض كل يوم قدام الرجال ده زميلي وده مديري وده غيرو،،،،انا راجل ما برضه مرتي تكون وسط الرجال فاهمه،،،،قلت لي مع الاسف نظرتك وفهمك لي المراة غلط المراة ذيها ذي الراجل عندها حق في الحياه مافي فرق بيناتهم والشغل م عيب ولاحرام الواحده بتشتغل عشان تثبت ذاته تثبت لي نفسها انها قادره تحقيق الحاجات الراجل عاجز عنها،،،قادره انها توري العالم قدر شنو هي عندها وجؤد م اله بتشتغل عشان ترضي قرور راجل ويتحكم فيها ذي م عاوز يمين يمين شمال شمال ،،،وبعد ده كلو م بقدر تعبه ولامجهوده البتعملو ويجي يقول ليها بكل بساطه انتي م قايمه بواجبات علي اكمل وجه عايني لي نفسك بقيتي ذي المراه العجوز وبعد يومين يمشي يتزوج عليها،،،بس عشان قررت تنفز كلامو ده جزاته،،،بس لمن تكون مستقله فيها تفرض رايه كمان ده غلط وده صاح،،،انت عارف انا كمان كنته بسمع كلامك وبنفزو م تصاحبي اولاد ي شهد بقول ليك حاضر،،،،ابعدي من البنات الفاسدات ي شهد وانا بقول ليك حاضر الاولاد في الجامعه قليلين ادب م عاوزك تصاحبي او تخلي ولد يشرح ليك او يقرب منك ويقول عاوز يصاحبك لاني بغير عليك وانا ذي الهبله شغاله اقول ليك حاضر،،،،انا زهجته وكرهته حياتي بسببك انت عارف انا اكتشفته انو انت الغلط ونظرتك لي المجتمع كلها غلط،،،بسببك رسبته في الامتحان بسببك كنته وحيده في الجامعه وم عندي اصحاب بسببك كل الناس فاكراني معقده بس لمن خالفته رايك عرفته قدر شنو انو الحياه حلو لمن بقاء عندي راي قدام الناس بقاء عندي اصحاب ومعارف بحمد ربنا علي وجودهم جنبي م ذيك وقبل م اكمل كلامو قفلته في الخط (لحظته اتزكرته كلام وليد لمن كنته ببكي تحت الشجره لمن قال لي م تخلي كلام الناس يسيطر عليك لانو لو تابعتي كلامهم لحظته حتحسي بالفشل الحقيقي الحياه دي قصيره شديد عيشيها صاح وذي م انتي عاوزه وذي م انتي بتحبي لانك مستقله بذاتك وتستحقي تكوني في مكان افضل،،، صاحبي الناس الصاح الممكن يوديك لي المكان البتتمني بس انتي ركزي لانو م كل الناس بتتمنى ليك الخير)،بعد اتزكرته كلامو ده حسيت ب احساس غريب احساس اداني القوه وخلاني اطلع كل الجواي احساس خلاني اقول كل الكلام ده قدام الشخص البحبو م كنته حابه اقول كدا قدامو بس كان مستفيز في كلامو كان شخص اناني بحب نفسو وعايزني اعيش تحت سيطرتو اي نعم انا بحبو بس كمان م قادره استحمل تصرفاتو،،،،لحظته بكيت لمن الله غفر لي تاني يوم كنته قافله علي نفسي طول اليوم محمد كان بتصل علي كتير بس انا م كان عندي نفس ارد علي لحدي م جاتني امي قالت لي شهد افتحي الله يرضه عليك في شنو يابنتي الحاصل عليك شنو قافله علي نفسك كدا،،،، قشيت دموعي وفتحت ليها الباب قلت ليها مافي شي ي امي،،،قالت لي كيفن مافي شي وانتي حابسه نفسك في الاوضه كنتي بتبكي صاح اتشاكلتي مع خطيبك سكته م رديت عليها م عاوزه اكذب عليها،،،،قالت لي كدي امشي غسلي وشك وتعالي اكلي ليك حاجه من الصباح م مياكله شي بعد غسلته وشي وجيت دخلته المطبخ لقيت عدس هبشته منو وغلبني اكمل وانا طالعه من المطبخ شفته محمد في الصالون بس اتخطيتو ودخلته غرفتي جاتني امي قالت لي خطيبك ده منتظرك برا من قبيل قاعد منتظرك قلت لي شهد دي من الصباح م طلعت من الاوضه م عارفه الحاصل عليها شنو بس حتو كمان م وراني شي واسع طلب مني اناديك قلت ليها امي صدقيني مافي شي طمني بالك انا ح امشي اشوفو،،،،، دخلته الصالون قلت لي نعم عاوز شنو قال لي م بتردي علي مكالماتي لي قلت لي انت امس وصلته لي المعلومه،،،، ووصلتني قال لي شهد انتي م كدا الغيرك شنو ضحكت وقلت لي جاي اسع تعرف الغيرني شنو السبب الغيرني انو انا كنته مغمضه واسع فتحته يعني بقيت واعيه ومدركه تماما مصلحتي شنو و الما مصلحتي شنو،،،،قال لي افهم من كلامك شنو قلت لي افهم اني م ح اتخله عن حلمي وح اشتغل واثبت نفسي،،،قال لي وانتي عارفه كويس راي في الموضوع ده قلت لي وانا رايك م بهمني لانو دي حياتي م حياتك،،،،قال لي انتي شايفه كدا قلت لي ايوه قال لي تمام يشهد وطلع خلاني،،،،امي سمعت كلامنا قالت لي ده كلام شنو يابنتي قلت ليها امي انا عارفه كويس قدر شنو انتي تعبتي بس عشان تقريني وتعلميني احسن تعليم ونفسك تشوفيني في احسن مكان،،،م عشان راجل يسيطر علي ويخليني جاريه عندو مافي فرق بيني وبين الاله انتي عارفه ي امي انا كنته بعمل اي شي بقولو لي محمد وكنته فاكره انو لازم ارضي وانفز اي شي بقولو لي لانو حيكون راجلي في يوم من الايام،،،بس زول اثبت لي انو انا م عندي دور في الحياه دي وم عندي راي في المجتمع ح اعيش معه كيف ي امي صدقيني م ح اقدر،،،،انتي عارفه انا لحدي الحظه كان م حيكون لي راي بس في شخص غير لي نظرتي لي الحياه وانو انا انسانه من حقي اعيش حياتي ذي م عاوزه وانو انا حره في اني اخد اي قرار بخص حياتي ،،،،اي نعم انا م بعرف عنو شي غير اني شفتو مره واحده بس كلامو غير كل شي فيني حسسني انو انا بجد انسانه وعندي حريه الاختيار،،،،،،،قالت لي الله يكملك ب فهمك وربنا يحفظك وينور دربك وتلاقي السعاده في كل خطوه تخطيها،،،،، بس كمان ي بنتي محمد ده قام معاك من وانتي صغيره احتمال بكون غيران انتي اقعدي واتفاهمي معه اكيد ح يتقبل قرارك بس م تستعجلي وتحكمي علي كدا من الاول،،،،قلت ليها شفتي دعاك ده ي امي عندي ب الدنيا اما بخصوصي انا ومحمد م تشيلي هم،،،،وانا كنته بجواي م عارفه اذا هو ح يوافق اولا بس البعرفو انو انا مستحيل اغير قراري حته لو اطريت افسخ خطوبتي واتخله عنو.
بعد يومين وانا طالعه اجيب لي فول عشان نفطور بي لاقاني محمد في الشارع قال لي شهد .دقيقه قلت لي عاوز شنو قال لي داير احكي معاك في موضوع قلت لي موضوع شنو بس م يكون موضوع شغلي لانو انت عارف راي كويس،،،قال لي انا م ح امنعك تشتغلي وح اقيف معاك وح اكون سند ليك،،،مش انتي عاوزه تشتغلي اشتغلي م عندي مانع بس العرس حيكون قايم في مواعيدو،،،انتي قايله انو انا بتخله عنك عشان سبب تافه تبقي غلطانه لانو م محمد البخلي حاجه حقتو لي غيرو وغمز لي وفات خلاني ،،،انا لحظته استغربته في كلامو الغير رايو شنو كدا اول مره يوافق علي شي هو م مقتنع بي،،،شلته الفول ودخلته البيت وانا لسه م مستوعبه الكلام القالو لي محمد.
كدي اعرفكم علي شويه انا شهد مدثر من ضواحي الخرطوم قريت اداره اعمال واتخرجته بمعدل امتياز وحيده عند امي فيكم تقولو من م طلعته علي الدنيا لقيته هي وعرفته انو ابوي مات قبل م يلدوني يعني م شفتو حتقولو لي وين اهل ابوك ح اقول ليكم م بعرف سالته امي كتير قالت لي انو ابوي عندو اختين بس ساكنات العاصمه بس م حصل شفتهن في حياتي غير كدا م بعرف وامي م ادتني تفاصيل كتيره عنهن امي بعد وفات ابوي م اتزوجت وااشتغلت فراشيه في المدرسه وكرست حياته كلها عشاني وعشان تعلمني احسن تعليم ،،،،اما معرفتي ب محمد بدت من اول يوم رحلو في جنبنا وقتها كان عمري سبعه سنه وهو كان اكبر مني ب سته سنه ومن هنا قصتي بدت معاهو كان دايما بفرض علي قراراتو وانا كنته مبسوطه لانو بهتم ب ادق تفاصيلي كل الفي الحله عارفين انو نحن بنحب بعض وبشهدو علي حبنا،،،بس لمن كبرته حسيت ب انو قراراتو دي بتخنقني حسيت اني ذي الطير لمن يكون جو القفص وبتمنى حريتو ومن وقتها قررته اني اكتب قصتي ذي م عاوزه انا،،،،،،،،لانو حياتي بتخصني ولاني انثي عندي دور في الحياه والمجتمع وفيني افرض اي قرار بخص حياتي،،،،اما من ناحيه الشكل وسط لاطويله ولاقصيره دايما امي بتقول لي انو انتي بتشبهي ابوك ب العيون الكبيره والرموش الطويله وب الغماذات وب السمار (يعني عرفتو صفاتي شنو ايوه ذي م فكرتو كدا دقيقه نسيت حاجه اما الصفه الشلتها من امي الشعر الاسود الطويل والطيبه والحنيه) .
#يتبع
