في نفس اليوم ده الدكتور كتب خروج لي نعمه،،،،ياسمين قالت لي شادي انا عاوزه امشي مع امي،،،،وليد قال ليها لا انتي لازم ترجعي البيت كلها كم يوم وخالتو ح تكون معانه هناك قالت لي بس انا،،،،شادي قال ليها بكره انا ح اجيبك تقعدي معاها طول اليوم كاليا ح تمشي معانه م عاوزين زول يشك في الموضوع،،،،نعمه قالت ليها اسمعي كلام اخوك وامشي معاهم البيت وم تخافي علي انا كويسه،،،،،وليد قال لي شادي انت سوق ياسمين وانا ح اوصل خالتو نعمه البيت،،،،،شادي قال لي تمام قرب منها وسلم عليها في راسه قال ليها انتبهي لي نفسك وح اتصل علي شهد اطمن عليك،،،،،قالت لي كويس ي ولدي بس كمان عاوزاك توعدني ي ولدي انو تبعد من بدريه وم تدخل نفسك معاها في مشاكل انت في غنه عنها،،،،قال ليها امي انا م شادي الكان صغير زمان لمن كنتي بتخافي على انا كبرته وبقدر احمي نفسي كويس قالت لي مهما كبرته برضو في نظري صغير وبدريه دي منها مخافه ،،،قال ليها خليك مطمنه انو م حيحصل لي شي طول م انتي جنبي ف م تشيلي هم،،،،بعدها طلعو من المستشفي شهد ركبت مع امها وكلتوم مع وليد ب قدام،،، وليد كان طول الطريق بعاين لي شهد ب المرايه لحدي م حصلو البيت وليد سند نعمه علي كتفو لحدي م دخله غرفته وهو طالع قال لي شهد ممكن احكي معاك كلمتين.
انا لمن قال لي كدا استقربته لانو مافي شي بينا نحكي قلت لي تمام طلعته معه برا الحوش قلت لي اتفضل احكي قال لي شهد انتي لسه زعلانه مني وم عاوزه تسامحيني قلت لي وانت عملت شي بزعل يخليني ازعل منك قال لي شهد اي انسان بغلط و صدقيني انا يومها كنته بتعزب الف مره وم كنته عتوز الامور تصل بينا لحدي هنا قلت لي تتعزب اممم دي جديده دي اذا انت صحي بتتعزب ذي م بتقول لي عملت فيني كدا طيب خليك من ده مخطر على بالك انا حسيت بشنو او شعوري كان شنو وانت بتتهمني قدام كل الناس انو انا واحده حراميه وهمي الوحيد القرش انت خنته ثقتي فيك ي وليد عارف يعني شنو تفقد الثقه ف زول بس ده الحصل ووليد الحبيتو مات وحاليا شايفه واحد تاني نفس الشكل بس م نفس القلب الحبيتو و ياريت تقفل السيره دي لانو انا قفلتها وبنسبه لي صفحه وانطوت م عاوزه ارجع ليها تاني اها وكمان ح اقول ليك شي تاني نسيتو م تفكر عشان اكتشفته انك ود عمي ح اوافق ارجع ليك لا مستحيل لانو انت حاليا بنسبه لي زي اي واحد غريب قابلتو في حياتي فاهم،،، دخلته الغرفه و خليتو واقف في مكانو.
شادي وصل ياسمين البيت لقاء عمتو بثينه شايله شنطه وواقفه في الباب قال ليها علي وين ي عمتي قالت لي منتظره مازن لازم نمشي المطار قال ليها مطار،،،،قالت لي انت م عارف انو انا حجزته قبل يومين قال ليها اي عارف بس م كنته متخيل انك ح تسافري اليوم قالت لي انت عارف محمد براهو وكمان لازم نجدد الاقامه وحضورنه مهم هناك ،،،،قال ليها طيب ي عمتي ممكن تقعدي كمان يومين قالت لي يومين لي شنو قال ليها من غير لي قالت لي شادي في شنو خوفتني قال ليها ح تعرفي كل حاجه في وقتها بس انتي اقعدي عشان خاطري ي عمتو قالت لي طيب ح اقعد لاني انا عارفاك كويس لمن تصر علي حاجه معناها في مصيبه ،،،،بدريه جات نازله وهي بتتقدل قالت لي بثينه انتي لسه م مشيتي ولاناويه تستقري هنا،،،شادي عاين لي بدريه و اتمنه في الحظه دي يمسكه يخنقه ويكتله ويرتاح من شرها بس اتمالك نفسو،،،،قال ليها الست بدريه افتكر دي حاجه عائليه م تدخلي فيها و م بتخصك وبعدين عمتي هي حره تمشي او تقعد في النهايه القرار قراره وده بيته علي حد علمي بس الكلام علي الناس الساكنه هنا وم فكره انو البيت ده ملكهم وبتاعهم وهم م عارفين انهم مجرد ناس ابوي لماهم من الشارع،،،،قالت لي تقصد شنو ي ود عبدالله قال ليها ولاشي بس م تكوني اتحسستي ي مرت ابوي لانو دايما علي راسو ريشه بتحسسه ولا مكده ي عمتي،،،بثينه ضحكت وده الخله بدريه تنغلي وتطلع غرفته بثينه قالت لي والله انت ي شادي الوحيد البتقدر علي مره ابوك دي قال ليها هي لسه شافت حاجه انا ح اوريها ود نعمه ح يعمل فيها شنو،،،،بثينه قالت لي ياريت لو امك عايشه م كان المره الخبيثه دي جات وهدمت حياتكم وفرقتكم من بعض قال ليها انتظري ي عمتي كل شي ح يظهر وح يبان وكل ظالم ح ياخد جزاتو،،،،وليد طلع علي غرفه ابوه دخل علي لقاهو نايم،،،قرب منو لقاء خاتي صوره نعمه امو جنبوه شاله وبقاء يعاين فيها وهو ببتسم وقال في نفسو ح يكون شعورك شنو ي ابوي لمن تعرف انو مرتك حبيبتك لسه عايشه انا متاكد انو يومها ح يكون اسعد يوم في حياتك وح يكون ب مثابه حياه جديده ب النسبه ليك وانا ح اوعدك ب انو ح اجمعك بيها في اقرب وقت بس اتخلص من المراه الاسمها بدريه دي نهاي لانو هي السبب في الحصل ليك ده كلو بعدها طلع من الغرفه ودخل غرفتو.
