قلت ليها لي م بتحبي هناء،،،،،قالت لي مدام سالتيني ح اجاوبك نحن ي شهد كنا احلا اسره فيك تقولي اننا اسره مترابطه عندي عم وعمه توام بس عمتي اتزوجت و عايشه في كندا هي واولاده،،،،ابوي اتوفى وخلانا صغار وليد وقتها كان عمرو 7 سنين وانا كنته اصغر منو ب سنتين واخر العنقود كان وائل ابوي خلاهو كان عمرو تلاته سنين،،،لمن ابوي مات عمي عبدالله اتكفل بينا كان عندو مره زي الملاك عاملتنا بكل حب حتي انها كانت بتعامل امي زي أختها وواحد و بتعاملنا ذي اولاده واكتر عمي عندو منها ولدين شادي وكان في عمر وليد وياسمين كانت عمرها سنه،،،،في يوم مره عمي اغمه عليها ودوها الدكتور طلعت حامل عمي كان مبسوط بس كانت خالتو نعمه شايله هم لانو حملت سريع في ياسمين ومرت ايام وخالتو نعمه الحمل بتاعه كان تاعبه والدكتور منعه من الحركه بس في يوم جات نازله من السلم مستعجله ووقعت لحظته جرو بيها المستشفي الدكتور قال انو لازم يعمل ليها عمليه وانها خطيره ممكن يفقده هي او الطفل وقتها كانت في الشهر السادس عمي وافق انو ينقذ حياته هي م ضروري الطفل لانو بتعوض بس هي لا وفعلا دخلوها عمليه بس بعدها الدكتور طلع وقال لي عمي انو فقد المرضيه والطفل،،،،عمي وقتها م قدر اتحمل الصدمه ووقع من طولو مره شهر علي وفاته وعمي م كان بتفاهم او بتخاطب مع زول لحدي مافي يوم جات مره ومعاها بنات اتنين وطلبت تشوف عمي،،،،بس م عارفه قالت لي شنو او حكت معه شنو خلتو يغير رايو لحدي م تاني يوم عقد عليها،،،،،وجابت بناته وعاشت معانه،،، السنين العشناها معاها شفنا الويل والعزاب كان لمن عمي يطلع من الشغل بتعاملنا معامله الخدم بس قدام عمي عامله الشريف الرضي ولا المراه الحنونه،،،،ومرت الايام لحدي م امي طلبت من عمي انو نحن نرجع بيتنا بس هو اصر انو نعيش معاه لحدي مافي يوم جاء من الشغل ولاقاء امي شغاله بتمسح في السراميك وانا بتمر في الكراسي لحظته عرف معامله مرتو لينا وطرده من البيت بس بعد يومين رجعت وطلبت السماح من عمي وسامحه بس هي كانت مصره علي انها تزلنا وتهينا كانت بتحرش بناته يجن يقلعن مننا اللعاب انا وياسمين وبجرننا من شعرنا وعادي طول اليوم نكون جعانين في يوم هناء جابت الموس وقالت الاتحلق لي شعري انا لحظته مسكتها دقيته بس جات امها ومسكت الموس وقطعت لي شعري لحدي الحظه انا متزكره الموقف ده وكانو حصل معاي امس وفضلت تعزبنا اشد انواع العزاب واسواء من الاول وده كلو وانحن صابرين،،، لحدي مافي يوم عمتي بثينه جات زياره هي واولاده وشافت معاملته معانا وقررت انو نحن نسافر معاها وفعلا كلمت عمي وسافرنا،،،، عمي كان علي طول بتصل علينا وبعرف اخبارنا وانا كنته بسالو عن ياسمين لاني عارفه انو مستحيل تكون سعيده في حياته وفعلا ده كان الحاصل انتي عارفه انها اكتر واحده عانت معاها كانت بتضربه وبتستغلها وبتقول ليها لو حكيتي لي ابوك انا ممكن اتشك ب النار المسكينه كانت بتسكت شادي يوم شافه وهي بدق فيها ف م رضه وضرب مرت ابوهو بس هي كانت حربايه وحرشت عمي عبدالله عليهو وانو هو م مربه وانو ضربه وانو صايع مع شكله كلها فاسده وقتها كانت اول مره عمي يمد يدو علي بس هو م استحمل واتصل علي عمتي وطلب منها انو تطلب من ابوهو انو يخلي يسافر كندا عشان يقرا هناك وفعلا عمتي بعد اقناع مع عمي وافق وقال ليها احسن لي لانو هنا غير المشاكل م عامل شي ،،،وفعلا جاء كندا عمتي كانت حنينا علينا و بتحبنا ووفرت لينا كل شي نحن بنتمناهو اي نعم هي عندها ولد وبنت بس م حسستنا انو نحن غريبين او ايتام بالعكس ودخلنا احسن المدارس ومرت السنين وقتها وليد قرر انو ينزل ويقرا الجامعه هناك وفعلا قدم في جامعه الخرطوم وشالو اداره اعمال بعد خلص رجع كندا وقدم لي الماجستير والدكتوره في جامعه اكسفورد،،،،وشادي قرا هندسه وانا قدمته في نفس الجامعه الكان بقرا فيها وقتها هو كان في تالت وانا كنته برلومه بس قسمي كان محاسبه اما وائل قدم وشالو هندسه مدنيه في جامعه المشرق م كان عاوز ينزل السودان بس وليد اصر علي،،،،في يوم جانا اتصال انو عمي عمل حادث ودخل في غيبوبه،،،كلنا نزلنا السودان بس العرفنا انو عمي بعد الحادث بقاء مشلول،،،بعد صحى من الغيبوبه عرفنا منو انو الشركه ادهورت واسهمو نزلت وانو الشركه اوشكت علي الافلاس،،،،وليد قرر انو نحن لازم نستقر هنا وفعلا استقرينا بعدها وليد قرر انو يمسك الشركه بدل عمي وقتها انا كنته خريجه ياداب م بفهم في الشغل واصريت علي وليد اني انزل معه وفعلا نزلتا قدرنا خلال سنه نرجع الشركه ذي م كانت واحسن من الاول وحاليا الشركه ليها تلاته سنين ارباحها زايده والفضل برجع لي وليد،،،،اما بخصوص رجعتنا البيت الوضع م كان ذي الاول مرت عمي كنته متخطياها وكأنها م موجوده بس ياسمين كانت مبسوطه ب وجودنا جنبها لانها ضاقت شتى انواع العذاب معاها وكانو كنا طوق النجاة بالنسبه ليها بس مع ذلك مجتهده وبتقرا في نفس الجامعه البقرا فيها وائل وفي نفس القسم
لحدي م اتخرجت بدرجه الشرف وحاليا عاطله في البيت رافضه انها تشتغل ووائل متخرج قبالها وخاتي فكره السفر في راسو ورافص انو يجي يشتغل معانا في الشركه،،،،،اما هناء وهند كان كل يوم بشوفهن في،،،،، بستحقرن وبحس اني عاوزه اتفشه فيهن في العملنو فيني وفي ياسمين المسكينه،،،،والمشكله انو امهن مؤيداهن علي الغلط وفعلا الافعى بتلد افعى اخطر منها كل يوم طالعات ب موامره جديده،،،،،وحاليا شايفه انها راسمه علي اخوي وليد بس وين ده لو كان دواء فيها م حتاخدو والمشكله انو وليد م عارف ب موامراتهن والاعيبهن بس نفسي اكشفن ومالاقيه طريقه،،،،،ودي كل الحكايه عرفتي انو انا بكرها لي قلت ليها وشادي مش ولدو لي م جاء ومسك شغل ابوهو قالت لي شادي بكره مرة ابوهو ومن اليوم الابوهو كفتو فيه وهو مقرر انو م يرجع السودان الاهي تطلع من البيت حتي لمن عرف ابوهو عمل حادث نزل عشان ابوهو واجر شقه وكل يوم بجي بشوفو لحدي م صحى من الغيبوبه واطمن علي بعدها رجع كندا،،،،،قلت ليها م قادره اتصور انو في واحده خبيثه ذي مرت عمك دي قالت لي وبناته اخبث منها قلت ليها البشوف بلاوي الناس تهون علي بلوتو،،،فجاء جات هناء داخله ومعاها واحده دخلين من ماشافننا قاعدين جننا ،،،هناء قالت ليها واو وعد بزات نفسها قاعده ومع منو مع الناس البيئه مع انو م من مقامك بس بصراحه بشبهوك الناس الشراشيح الزيها كدا ،،،،انا بعد السمعتو ده م قدرته امسك نفسي وقلت ليها علي الاقل نحن ناس بيئه وعارفين روحنا بس بنجتهد في حياتنا عشان نكسب لقمة عيشنا بعرق جبينا بس الكلام علي الناس العايشين علي خير غيرها وعاملين نفسهم واو وهم م بملكو غير نفسهم ،،،،،،قالت لي تقصدي شنو بكلامك ده،،،،وعد ضحكت وقالت ليها بس م تكوني اتحسستي ي حرام دايما الحقيقه المره بتوجع ودي حقيقتك انتي وامك المفكره انها سلطانه زمانه يلا ي شهد نمشي لانو في ناس هنا خربو لي مزاجي،،،،،طلعنا وخلينا وشه ذي الطماطم من الغضب وعد قالت لي م كنته قايلاك كدا ي شهد اديتيها كلام عجزته اني انطق ذيو،،،،قلت ليها الزيها كدا م بنفع معاهم غير الاسلوب ده،،،،،،،رجعنا المكتب واي واحده مسكت شغله بس فجاء جاء وليد داخل ووشو م بتفسر من الغضب قال لي شهد تعالي وراي وعد قالت لي في شنو ي وليد قال ليها عاوز شهد في كلمتين مشيت وراهو وانا محتاره دايرني في شنو لقيت هناء في مكتبو وقاعده في الكرسي وبتبكي.
⚘الأمر لا يتعلق بالسقوط لأنه لا مفر منه ، الأمر يتعلق بقدرتك على النهوض كي لا تصبح أحلامك سجادة لأحذية الشامتين . . ⚘
#يتبع
