وانا راقده في غرفتي وبفكر في السبب الغير راي محمد فجاء كدا بجد بقيت محتاره وم عارفه لانو مستحيل يغير رايو الا اذا كان في سببب وسبب قوي خلاهو يوافق بسهوله دي،،،علي تفكيري ده تلفوني ضرب عاينت في الشاشه لقيتو محمد رديت علي قال لي حياتي م تكوني نمتي وصحيتك ب مكالمتي زحيت التلفون من اضاني يا ربي ده محمد ولاغيرو قال لي شهد مشيتي وين قلت لي معاك بس محتاره في التغير المفاجئ الحصل ليك ده مع انو قبل يومين م كنته موافق على كلامي ممكن اعرف السبب الغير رايك فجاء كده شنو ،،،،ضحك وقال لي انتي زوله طموحه وعاوزه تحقيقي احلامك منو انا عشان امنعك واقف عارض في وشك قلت لي م فهمته قال لي افهمي انو انا ح اكون داعمك في كل قرار بتتخذي لاني م عاوز اخسرك ولاني عارف اذا عانتك ح تكرهيني وم حتوافقي تتزوجيني وح تبعدي مني وانا م عاوز كدا لاني بحبك،،،اثناء كلامنا ده دخلت علي مكالمه في الانتظار قلت لي محمد دقيقه في مكالمه ارد عليها وارجع ليك رديت عليها جاني صوت بنت قالت لي انتي شهد مدثر قلت ليها اي منو معاي سكتت م ردت علي وقفلت الخط استغربته رجعته لي محمد قال لي ده منو البتصل ليك في الوقت ده قلت لي دي واحده شكلها متصله غلط،،،،قال لي تمام شهد عاوز اقول ليك انو مافي داعي ناجل عرسنا اكتر من كدا وانا شايف انو شهر ده بعيد انا قررته انو العرس حيكون بعد اسبوعين وخير البر عاجلو قلت لي شنو بعد اسبوعين لا مستحيل قال لي،،،، لي مستحيل حبيبتي قلت لي لاني انا بعد اسبوعين ح انزل شغل قال لي حبيبتي العرس م ح يمنعك تشتغلي اذا م اشتغلتي في الشركه دي ح تلقي شغل في الغيره قلت لي بس انا بعد تعب لقيت الوظيفه دي وم عاوزه اضيعه من ايدي،،،،قال لي شهد طاوعيني ولو مره واحده واوعدك م حتندمي،،،،قلت لي طيب افكر واديك خبر قفلت منو وانا تايهه ومحتاره بين اوافق وبين لا،،،تاني يوم وانا طالعه من غرفتي لقيت امي مجهزه حاجته و طالعه علي المدرسه قالت لي شهد بنتي الشاي جاهز و عملت ليك الفطور انا ماشاء بعده قلت ليها امي م كفاياك شغل بعدا كفايه السنين القضيتيها وانتي بتشتغلي عشاني خليني انا اشتغل بدالك واعوضك سنين الشقه القضيتيها امي انا م بستحمل اشوفك كدا،،،،جات قعدت جنبي قالت لي يبتي انا لو م اشتغلته ح نعيش كيف وناكل من وين انا اشتغلت عشانك عشان م تحتاجي لي حاجه وعشان م ينقصيك شي انتي بنتي الوحيده المرقته بيها من الدنيا وياكي سندي في الحياه دي قلت ليها اكيد سندك عشان كدا ي ست الكل م عاوزاك تشتغلي تاني انا الحا اشتغل وانتي بس ارتاحي من التعب والشقه ده،،،، انا اسع كبرته وبقيت قادره اني اشيل مسؤليتك ذي م شيلتي مسؤليتي من وانا صغيره علي الاقل ارد ليك ولو شي بسيط من العملتي لي مع اني عارفه اني لو اشتغلته العمر كلو م بقدر اوافيك جزو من العملتي عشاني،،، قالت لي كلامك ده براهو عندي ب الدنيا الله يحفظ ويبعد عنك اولاد الحرام ويوفقك في حياتك ويدك لمن يرضيك،،،،م عارفه بس لمن تدعي لي بحس ب الطمانينا والراحه بجد دعاء الام ده مافي منو دعوه منها بتحسسك انو انت ملكت الكون وكمان مافي بينا وبين ربنا حجاب ،،،، قلت ليها امي انا دايره اقول ليك شي وم عارفه اقولو كيف،،،، قالت لي قولي ي بتي في شنو قلت ليها محمد قال لي العرس بدل م يكون بعد شهر حيكون بعد اسبوعين وكمان حيكون في نفس اليوم الحا انزل فيه شغل في الشركه م عارفه لي هو مستعجل لي الدرجه دي امي انا م بقدر اوافق علي العرس ده،،،امي انا الشغل ده انا بعد تعب لقيتو م عاوزه اخسرو،،،قالت لي اي محمد كلمني بس ي شهد بنتي الا رزاق بيدي الله ولو ليك قسمه في الشغل ده بتاخديها ولو م ليك بكون ربنا مخبي ليك الاحسن م تختي عرسك ده حاجز في انو تصلي لي هدفك لانو لو ربنا رايد ليك تشتغلي صدقيني مافي حاجه بتقيف في طريقك لانو دي اراده ربنا وارادا ربنا مافي زول بمنعه قلت ليها ونعم بالله قالت لي اي انا عاوزاك كدا وخليك علي يقين انو مافي حاجه بتحصل الا لي خير،،،، ومحمد ده متربي معاك من وانتي صغيره يعني عارفه طبعو شنو وانا متاكدا انو ح يسعدك لاني م دايمه ليك يبنتي ونفسي اشوفك في بيت عدلك قبل م اموت عشان لمن اموت اموت وانا مطمنه عليك وانتي في بيتك،،،،قلت ليها امي م تقولي كدا الله يطول في عمرك ويدك لي الصحه والعافيه،،،قالت لي الموت ياهو البيت الدايم عشان كدا وافقي شهر ولا اسبوعين م فرقت المهم تكوني في بيت عدلك،،، كلامه اداني شويه من الراحه وكلمته محمد اني موافقه حسيتو مبسوط وفعلا خلال الاسبوعين ديل بدت تجهيزات العرس الي انا م فاهمه فيهو شي واهل محمد جابو لي الحاجات امي قالت الا تنزلني دخان بس انا رفضته لانو الفتره قصيره شديد يعني م عندي وقت طول الفتره دي كان في رقم بتصل علي كتير بس م اهتميت ب الموضوع بس قبل العرس بيوم لقيت من الرقم ده كميه من المكالمات عاينت فيه لقيتو نفس الرقم الاتصل علي لمن كنته بتكلم مع محمد وكانت بنت ف قررته اني ارجع ليها واعرف هي لي بتتصل علي كتير كان نفس صوت البنت قلت ليها ممكن اعرف انتي منو ولي بتتصلي علي قالت انتي م بتعرفيني بس انا واحده دايره مصلحتك قلت ليها مصلحتي في شنو قالت لي ابعدي من محمد قلت ليها وابعد عنو لي وهو بكره حيكون راجلي شكلك واحده معجبه بيهو،،،قالت لي انا م مطره اجاوبك علي كلامك المهم انا اتصلته عليك عشان ابلغك انو محمد واحد واطي وانتي واحده بريئه ولي علمك هو ناوي ليك علي نيه ناوي يكسرك قلت ليها ولي اصدقك امكن تكوني واحده حاقده وعاوزه تفرقينا انا ومحمد قالت لي وانا مصلحتي شنو ولاشي بس حبيت اساعدك وانصحك عشان م تندمي بعدين،،،قلت ليها شكرا علي نصايحك لانو محمد م بتوريني لي انتي لاني بعرفو اكتر منك فاهمه و احب اقول ليك م ح اسمع كلامك وم حتقدري تفرقينا لانو محمد لي انا وبس فهمتي،،،،قالت لي راحتك المهم انا كلمتك وانتي حره بس صدقيني وقتها ح تندمي لانك م سمعتي كلامي وقفلت فيني الخط،،،،قفلت وخلتني عايشه في دوامه جاتني بنت جيرانا سمها امنيه قالت لي شهد مالك مسهمه كدا قلت ليها م عارفه ي امنيه في واحده اتصلت لي وحزرتني من محمد وانو لازم ابعد منو وانو ....قالت لي وانتي صدقتيها شهد م تصدقي اي شي بيتقال ليك امكن تكون واحده خاته عينه علي محمد وهو ما اداها وش ف قررت تتصل عليك عشان تعكر مزاجك وعاوزه تبعديك عنو وم لقت غير الطريقه دي،،،قلت ليها امكن قالت لي كدي خليك من ده شعورك شنو وبكره عقدك قلت ليها تصدقي وتامني بالله ي امنيه قالت لي لاله الاالله قلت ليها انا م حاسه ب اي احساس اني عروس وانو بكره عرسي حاسه كانو يوم عادي ذي وذي اي يوم بمر،،،،قالت لي بكره لمن تسمعي صوت الطلقه وهي في الهواء لحظته ح تحسي ب الاحساس الحلو احساس انو بقاء حلالك لحظته بس حتفرحي من قلبك،،،،قلت ليها جايز،،،، قالت لي بس المستقربه لي لحدي الحظه وم قادره افهمو ي شهد لي محمد اصرا العزومه بتاعتكم وبتاعتهم تكون في نفس اليوم وكمان في بيتهم،،،،قلت ليها انا كمان اتناقشته مع في الموضوع ده بس قال لي انو الحاله واحده وضيونا وضيوفو واحد،،،،قالت لي غريبه بس كلامو فيهو شويه من المنطق بس انتي عارفه امس مشيت حفله الحنه بتاعتو ومشفتي فرحان ومبسوط كيف الحنه يحردوها لي وكل بنات اهلو عينن علي انا لو في مكانك يوم بكره احصنو من كل خفيفه لفيفه عينه علي،،،،لحظته ضحكته من كل قلبي،،،،امنيه فضلت معاي طول اليوم وبيتت معاي كانت بترغي معاي لحدي م نمته خليته،،،بس بجد معاها م حسيت ب الوقت وهي بتمكيجني م حسيت انو الليله عرسي وهو نفس اليوم المفروض انزل فيهو شغل حسيت انو الدنيا دي غريبه بس لحظته اتزكرته كلام امي كل شي لي خير،،،،لحظه العقد وانا قاعده في الغرفه وسامعه صوت الرصاص حسيت بنفسي مخنوقه في حين انو مفروض افرح بس م عارفه لي حسيت ب الاحساس ده لحدي م جات امنيه داخله علي قلت ليها جايه تشوفي احساسي كيف بعد تم العقد،،،لقيته واقفه ومسهمه وبتعاين لي بنظرات غريبه وعيونه ملانه دموع قلت ليها في شنو مالك ي بنت مطرمه كدا فجاء دموعه نزلت وحضنتني وهي بتبكي قلت ليها بسم الله في شنو بتبكي مالك قالت لي محمد عقد قلت ليها اي عرفته من صوت الرصاص وبعدين اذا انا العروس م بكيت انتي الببكبك شنو بكره تعرسي ذي ونفرح بيك كمان ،،،، قالت لي افهمي ي شهد محمد عقد بس م عليك انتي عقد علي بنت اهلو قلت ليها محمد منو قالت لي محمد خطيبك قلت ليها انتي بتهظري صاح ي امنيه قالت لي ياريت لو بهظر لحظته حسيت انو الخبر نزل علي قلبي ذي السهم ،،،،،حسيت اني مشلوله وعاجزه عن الحركه حسيت انو الدنيا دي لافه بي،،،،جات امي داخله علي وهي بتبكي حضنتني عليها بس انا من الصدمه م كنته حاسه ب الحولي،،،، بجد لحظه الخزلان دي صعبه شديد كونك تحب انسان ويخزلك و تضحي بسعادتك عشان غيرك وتجي تلقاء انو الشخص الضحيت عشانو خزلك وجرحك لحظته بتحس انو سكينه بتتغرز في نص قلبك بس بتكون بالبطى هي م بتموت بس بتكتل اي حاجه حلو كانت جوانا،،،،امي قالت لي انا م كنته متوقعه ده كلو يطلع من محمد الربيتو بي يدي وامنتو عليك يعمل كدا امنيه قالت لي شهد محمد م بستاهلك واكيد الحصل ده كلو لي خير وعشان يظهر ليك حقيقتو الكلب الخسيس وانتي بكره تجيبي سيد سيدو شهد اوعك تضعفي،،،، كلامن كان بعيد بنسبه لي بس لحظته فهمته الحاصل اتزكرته هو لي كان مستعجل علي العرس وكمان في نفس اليوم الح انزل فيه شغل لي كان بحاول يقنعني يعني دي،،،، كانت لعبه منو عشان خالفته كلامو و عشان يكسرني قدام الناس يعني الاتصال بتاع البنت كان صاح لمن حزرتني منو وانا كنته هبله وغبيه وم سمعته كلامه،،،،معقوله ده كلو يطلع منو كيف هان علي حبي لي ب البساطه دي لحظته نزلت دمعه مني علي خدي بس مسحتها بسرعه م انا الببكي عشان راجل اتخله عني فتحت الباب وطلعته امنيه وامي حاولن يوقفني بس م قدرن طلعته من البيت و مشيت الديوان الكان فيه كميه من الرجال م اهتميت ب وجودن ولانظراتهم لي الكانو بعاينو لي بيها بس كل تفكيري اني الاقي محمد وفعلا لقيتو وسط الرجال قاعد ومبسوط بس بعد شافني ابتسامتو اختفت قرب مني والغضب ظاهر في وشو وقال لي الجابك هنا شنو وسط الرجال،،،لحظته م حسيت ب اي شي ولا كاني شايفه اي زول او ب الاصح م كان ب همني وجودهم وعدمهم كل العملتو اني لصقته في كف قدام كل الرجال..
⚘ثم ماذا
ثم أن القلب بعد كثرة الجروح والخذلان أصبح لا يبالي ف أدركت أن الطريقة التي أُحب بها الأشيـاء هي من تكسر قلبي، وليست الأشياء نفسها تفعل،،، ف كان بإمكاني الهروب منذالبدايه ولكنني إخترت المواجهة أولآ
حتى اهرب لاحقآبإطمئنان لايربكه الندم⚘
#يتبع
