بس لحظه م شفتها نسيت غضبي وانا جيت عشان شنو ذاتو ياخي شوفتها كانت ترد الروح عيونها كل م اشوفهن بنسني العالم ب الفيهو بس رجعت واتزكرت انو انا مقرر اني اتجاهل مشاعري اتجاهها م عاوز حب وكلام فاضي قلبي قال لي انو انت مستحيل تتجاهل مشاعرك اتجاهها و عقلي بقول لي نسيت وعدك ي وليد لمن قلت م عاوزت تفكر فيها وعاوز تشيلها من بالك الخلاك تحن شنو قلت في نفسي م ح اعاين في عيونه دي الطريقه الامثل عشان اتجنب اني اضعف عشانه ورجعت وضعيه الغضب ذي م كانت وجبتها معاي مكتبي واهنتها وزليتها مع انو كان مفروض اديها فرصه تدافع عن نفسها واعرف القصه بس م عملته كدا وغلطتها بس لمن عرفت انها بريئه وم عندها ذنب وكل الاتقال فيها ده كذب وقتها انبت نفسي كيف اعمل فيها كدا اي نعم انا م عاوز افكر فيها ولا اشغل تفكيري بيها بس ده م بعني اني انفصم فيها ب الطريقه دي لازم اغضب من نفسي م منها هي بس عشان م عاوز افكر فيها اعمل فيها كدا،،،،، اعتزرته منها بس هي م قبلت اعتزاري وقتها قلت في نفسي عنها م قبلت وكل يوم كانت بتتجاهلني بس كان تجاهلها لي بموتني وبدل م امنع نفسي من انو افكر فيها بلقى نفسي بفكر فيها اكتر من الاول،،،،،حاولته اشغل نفسي عنها م قدرته كانت صورتها في بالي اتعمدت اني م افكر فيها وانو احسن حل عملتو هي انو قررت تتجاهلني م توريني وشها بس انا م كنت مبسوط ،،،، الحنين ليها كان بطاردني وحاولت اني اضغط علي نفسي في الشغل عشان اشيلها من تفكيري،،،،بس قبل يومين حصل لي شي فوق الخيال خلاني اغير نظرتي اتجاها خلاني اعشقه بدل م احبه كان عندي اجتماع مع شركه عالميه
* فلاش باك
وليد الشغل كان ممتاز والعرض القدمتو كان رائع والشركه ح تتعامل معاكم ب نسبه ارباح ممتازه،،،، وليد قال لي الفضل برجع ليكم لانكم قبلتو الشراكه معانه واوعدك انو الشراكه دي حا تزيد الاسهم بتاعتكم بنسبه 80% العميل قال لي ان شاء الله،،،، وليد وهو طالع سمع صوت واحد بنادي علي لمن اتلفت لقاه ولد بس لمن قرب منو وليد عرفو قال لي حازم عماد،،،،،وليد قادو عليهو ،،حازم قال لي وليد اخبارك شنو بالله وين طفشته من اخر يوم في الجامعه تاني م شفناك،،،،وليد قال لي رجعته كندا اها انت عملته شنو بعد م اتخرجته قال لي شغال هنا ذي م شايف واتزوجت وليد قال لي مبروك ومنو سعيده الحظ الخلت حازم الكان م بعجبو العجب يحبها،،،،قال لي اسمها عسجد وليد ضحك و قال لي ي سلام ووقعتك في حبها من اول نظره صاح حازم ضحك وقال لي والله بعد تعب وجرجير حته رضت،، رايك شنو تمشي معاي اعرفك عليها ومنها نرجع زكريات الجامعه،،،،وليد قال لي موافق مشى معاه ولمن وصلو لقو عسجد في استقبالهم بس لمن شافت وليد عرفتو قالت لي وليد عزام،،،،وليد استغرب يعني بتعرفو حازم قال ليها بتعرفي قالت لي معقوله حق المعرفه تتزكر زمان لمن شرحته لينا الماده الكانت صعبه ديك وليد لحظته رجع بزكرياتو واتزكر لمن كان قاعد بشرح لي مجموعه من البنات بس م متزكر شخصياتن قال ليها وانتي كنتي معاهن قالت لي ايوه قال ليها جايز لاني م ركزته في ملامحكن،،،،،بعد الغداء بدو يراجعو زكريات الجامعه والشغب والحاجات الجميله المرت بيهم فجاء عسجد قالت ليهم اتزكرته انو انا عندي البوم فيهو كل الصور الاتصورناها زمن الجامعه وتخريجنا،،،،جابت اللبوم وادتو لي وليد ،،،حازم كان قاعد جنب وليد فتح اللبوم قال لي شايف دي القاعات.....واثناء م بقلبو في الصور لحظته وليد شاف صوره قلبت كل كيانو كانت صوره جماعيه دقق في صوره وشاف بنت واقفه معاهن ورجع ب زكرياتو لي ورا قبل خمسه سنين دقق تاني في الصوره هي نفس البنت م غيره بقى يقلب في الصور وفي كل صوره كان بشوفها لحدي م وصل لي صور التخريج وشاف صوره مختلفه نفس الملامح بس هنا في التخريج ملامحه متغيره غير لمن كانت في الصوره الاوله دقق في صوره التخريج لقاء نفسو بقول دي شهد بس بتعمل هنا شنو،،،سال عسجد قال ليها البنت الفي الصوره الاولى دي والفي صوره بتاعه التخريج دي هي نفس البنت ولا،،،،عسجد شالت منو اللبوم وطلعت الصورتين قالت لي قصدك البنت الجنبي دي والصوره بتاعه التخريج دي قال ليها ايوه بظبط كدا بتعرفي البنتين ديل يعني قالت لي قصدك شهد مدثر لمن قالت اسمها وليد شدده انتباهو ليها قالت بس دي نفس الشخصيه م شخصيتين الاولى دي قبل اربعه سنين والتانيه دي قبل سنه كانت ايام،،،،لحظته وليد م قدر يصبر قال ليهم يلا انا بستاذن وفرصه سعيده حازم قال لي ي زول اقعد حبه وليد قال لي مستعجل مره تانيه ،،،،طلع منهم وركب عربتو وهو مزهول من الشافو رجع ب زكرياتو لي ورا لمن شافها اول مره ولمن كانت بتبكي،،،،وبعد خمسه سنه شافه تاني لمن كانت قاعده جنب النيل قال في نفسو ي ربي دي صدفه ولا القدر مقرر كدا انو نتلاقى تاني يعني شهد هي كانت نفس البنت الانا حبيتها قبل خمسه سنين كيف م قدرت اعرفها او الاحظ ليها حتي الشكل م قدرته تحفظو اوتلاحظ لي او تتزكرو حتي،،، عقلو قال لي كيف حتتزكرها وانت قبل خمسه سنين شفتها اسبوع واحد وبعدها سافرت و كنته مشغول ب المنحه ونسيت جاي اسع تتزكرها ولو م شفته الصور دي الله اعلم كان حتعرف انو هي نفس البنت الحبيتها قبل خمسه سنين ف شي طبيعي الانسان يتغير كل م يكبر،،،،لحظته ضحك وقال في نفسو وانا اقول لي كل م اشوفها بحس ب احساس اني م عاوز ابعد عنها يعني ده كان نفس الاحساس زمان لمن جيت اسافر وم كنته عاوز ابعد عنك ،،،،شكلو ي شهد مقدر لي انو اقع في حبك لي المره التانيه ،،،،طيب اعمل شنو انا لازم اصارحها لازم اقول ليها كل شي م لازم اضيعها من يدي مره تانيه وهي حاليا زعلانه مني، اعمل شنو ياربي،،،،تاني يوم بعد خلصته الدوام لمحتها وهي طالعه من الشركه مشيت وراها دخلت المحل العلي الجهه اليمين من الشركه انتظرتها جنب باب المحل ولمن شفتها طالعه عملته نفسي م شايفه وقربته منها واطاقشته معاها عن قصد بس عشان تحكي معاي بس هي بعد شافتني طنشتني ومشت من غير م تعبرني بقيت انادي عليها بس هي م اشتغلت بي،،،،ركبته عربيتي وبقيت اراقب فيها من بعيد ساعه كامله وهي واقفه قلت في نفسي بجدالبنت دي م بتزهج بعدها قربته منها بعربيتي بس هي م كانت عارفاني قالت لي انت اعمى م بتشوف اسع كان ضربتني لحظته ضحكته ونزلته القزاز وقلت ليها انا كنته قاصد يلا اركبي عشان اوصلك قالت لي مستحيل اركب معاك قلت ليها بطلي عناد لانو ذي م شايفه المواصلات زحمه بس هي كانت عنيده ف مشيت خليته بس رجعته تاني اراقب فيها وهي واقفه ساعتين لحدي م شفتها وهي بدافر عشان تركب لحظته ضحكته وقلت في نفسي شكلك كدا ي وليد وقعته في حب بنت صعبه وم ساهله ربنا يستر ،،،بقيت ماشي ب وراها لحدي م وصلت البيت بقيت قاعد في عربيتي وقررته اني اتصل عليها لازم اشوفه واحكي معاها لازم احكي اي شي في قلبي لازم تعرف انو هي كل شي بنسبه لي لازم تعرف انو هي اول واحده دخلت علي قلبي واخر واحده فيه اتصلت عليها ردت علي في الاول بس تاني قفلت الخط فيني اتصلت عليها كتير في الاخر رسلت ليها رساله ي تطلع ي ادخل البيت كنته متاكد من انها ح تجي وما خاب ظني .
من غير م اشعر دموعي جرن قلت لي والبنت البتحكي عنها دي هي انا صاح عاين فيني واتنهد مسافه طويله وقال لي ايوه انتي ي شهد انتي م غيرك والله العظيم بحبك يا شهد م عارف كيف ومتين بس انا اتخطيت مراحل الحب كلها وصلته لي درجه الجنون بيك شهد انتي الوحيده الملكتيني مافي واحده غيرك قدرت تصل لي قلبي و المكانه الانتي قاعده فيها مسك يدي وختاها في قلبو قال لي شايفه ده بنبض عشانك انتي وبس كل نبضه بتقول شهد ،،، انا لحظته حسيت انو الزمن وقف بي لحظته كنته مزهوله علي مصدومه من السمعتو بعد شافي ساكته قال لي شهد ح اسالك سؤال واحد وياريت تجاوبيني علي بكل صراحه هزيت لي ب راسي ،،،،، شهد انا م داير اضغط عليك وعارف انك متفاجأه من القلتو ليك بس انا كمان نفسي اعرف مشاعرك اتجاهي شهد انتي بتحبيني ذي م انا بحبك ولافي شخص تاني في حياتك.
⚘مازلت أود إخبارك بالمزيد من الأشياء المخبأه في صدري تتعلق بك وحدك،أهمها إنني لم أحسن حب شيء كما أحببتك..ف لو جئتني لوجدتني يعقوب أعماه الفراق وليس غيرك يوسفي⚘
#يتبع
