حسيت دقات قلبي زايده لمن سمعته صوتو قلت في نفسي اكيدانتي بتحلمي ي شهد مستحيل يكون ده حقيقه وليد البجيبو هنا شنو،،،قال لي ي انتي ممكن تفتحي عيونك،،،، فتحت عيوني وعاينت لي وكان هو نفسو م غيرو مع انو اتغير شويه بس بقاء احلا ومن دون م اشعر قلت لي وليد عاين لي ب استغراب قال لي بتعرفيني،،،،اتلخبطه وبعد مسافه قلت لي لا،،،،قال لي طيب عرفتي انو اسمي وليد من وين ،،،غلبني الرد واقول لي شنو انو انا هي نفس البنت الاقيته قبل اربعه سنين ولقاها بتبكي وانت اديته دافع انو تغير حياته وتسلك الطريق الصاح من غير خوف،،،بعد شافني ساكته قال لي الشخص الكنتي بتبكي عشانو اسمو وليد صاح ايوه عشان كدا زكرتي اسمو اول م شفتيني سكته م رديت علي،،،،، ضحك وقال لي وجودي م مرحب بي اقوم يعني ،،،،،،قلت لي لا م كدا قال لي طيب انا اسفه قلت لي اسف علي شنو،،،،قال لي اذا اطفلته عليك بس الصراحه كنته ماري من هنا و شفتك وانتي بتبكي،،،وبصراحه م جيت قعدته عشان عاوز اعرف السبب الخلاك تبكي شنو بلعكس بس حابي اديك نصيحه،،،، الحياه دي رحله نحن البنعيشه ومافي حاجه بتخلينا نبكي عشانه اين كانت صعوبه الموقف الواحد لازم يكون قوي عشان يقدر يكمل حياتو،، اي انسان في الدنيا دي بتمر علي لحظات بتخلي ضعيف وم بحب يظهر ضعفو قدام الناس وقدر شنو انو هو يئس وضعيف ومحطم كل البكون عاوزو انو يبعد عن العالم والناس و يكون في مكان معزول يقدر يفرق فيه همو اي نعم هو لمن يلقاء المكان ده بحس ب الراحه ،،،،،،بس ده م بنكر حقيقه انو لازم يكون عندو اصرار وعزيمه بعد يرجع و انو لازم يتخطه الحاجز البسببو هو ضعيف ويقدر يتجاوزو بكل بساطه،،،، الدنيا دي م بتستاهل انو الواحد يزعل عشانه لانو حيجي يوم ونرحل منها طيب طالمه نحن عارفين كدا لي م نخلي في حياتنا زكره حلو ونعمل الحاجات البتسعدنه ونبعد من الحاجات الممكن تدمرنا نفسيا و تخلينا كئيبين ،،انا م بقول ليك م تبكي بلعكس ابكي وطلعي كل الجواك بس بعدها ارمي كل الكنتي بتبكي عشانو في البحر القدامك ده،،،علي اساس انك في يوم من الايام لو رجعتي وقفتي قدامو وقعدتي في نفس المكان ده تكوني م متزكره الحصل ليك او بمعني اصح انك م متزكره السبب الجيتي و بكيتي عشانو في مره من المرات وقتها بس ح تعرفي انك اتجاوزتي الموضوع وكل المريتي بي وخلاك ضعيفه عشانو ياريت تخلي الكلام ده في بالك ،،،وقام خلاني ذي المره الفاتت قبل م ارد علي كلامو ومن غير م اعرف عنو اي شي انا بعد كلامو ده بقيت بعاين لي ب اهتمام لحدي م اختفه من قدامي لحظته حسيت ب احساس غريب بقيت اسال في نفسي انو لي كل م اقع في مشكله او يحصل لي شي يخليني حزينه وكئيبه وكارها الحياه دي بجي هو فجاء وبنتشلني من الحزن ده وبخليني احب الحياه لي كل م احس انو انا ضعيفه بجي هو وبحسسني اني قويه،،،،،كانو ربنا مرسلو لي بس عشان يحسسني اني م بستحق ازعل علي شي او اتحسر علي زول واني انسانه بستحق اعيش في الحياه دي سعيده ومبسوطه،،،،،جاتني امنيه قالت لي واي منك ي شهد الولد المزه الكان قاعد جنبك قبل شويه ده منو وبتعرفي من وين قلت ليها قصدك وليد قالت لي احي انا وكمان اسمو وليد بتعرفي الاشكال الذي دي من وين كدي اعترفي ضحكته وقلت ليها واحد دفعتي في الجامعه،،،،قالت لي بتعرفي اولاد مززز ذي ديل واي انا منك ي شهد بتعرفي ناس ذي دي وتحبي لي في شخصيات ذي محمد المعفن العوقه ده اسع انا لو كنته في مكانك ولا بعاين لي الذي محمد ده ب العين البايظه وبربط معه الذي وليد ده،،،بس النصيحه كسار احي يالطيف من الطول ولا العيون ولا اللحيه ولا السمار تبارك الله،،،،قلت ليها اسع ديل كلهن ركزتي فيهن متين ي شقيه ،،،،قالت لي من لمن جاء قعد جنبك انا كنته شايله الجبنه وجاياك بس بعد شفتو رجعته وقعدته جنب ست الشاي وبقيت ذي كمره المراقبه مراقبه فيكم لحدي م قام ومشه وذي م انتي كنتي متابعه لحدي ما فات انا ذاني كنته ذيك عاينت في خلقتو لمن فات احي انا م عندك رقمو،،،ضحكته وقلت ليها والله ي امنيه انتي مجنونه وم نصيحه اسع الولد ده كان جاتو حاجه بتكون من عيونك ديل،،،،قالت لي وهو مالو سمح كدا النصيحه السمح بعجب وسمح السمار ولو كان حمار ضحكته عليها بجد البنت دي م نصيحه قالت لي اها كدي نجد حبه ناويه تعملي شنو ،،،،،قلت ليها بخصوص شنو قالت لي الشغل انتي لازم تمشي الشركه قلت ليها م عارفه بس لو مشيت م اظن يقبلوني لاني م مشيت في نفس الزمن المحدد لي واكيد بكونو لقو زول غيري قالت لي ي زوله الارضه جربت الحجر انتي امشي وشوفي امكن يقبلوك م تستسلمي من اول مره،،،،قلت ليها انتي شايفه كدا ي امنيه قالت لي اكيد بجد امنيه بطلعته دي غيرت لي مزاجي بقينا نتونس ونتهابل لحدي م رجعنا البيت،،،،رجعته بيتنا وانا بفكر في كلام وليد القالو لي وكلام امنيه وقررته اني امشي الشركه وفعلا تاني يوم قمته بدري لبسته وشلته السيره الزاتيه بتاعتي وطلعته امي قالت لي ماشاء وين من دقش الرحمن كدا قلت ليها ماشاء الشركه ادعي لي انو اتوفق وم القاء وظفو زول غيري قالت لي ربنا معاك ويعدل طريق ويديك لمن يرضيك،،،طلعته وكان في ازمه مواصلات مبالغه واقفه ساعه كامله حتين لقيت لي حافله وبعد مدافره وطلاع روح ركبته وصلته الشركه واثناء م انا داخله غطفي بنت جايت مستعجله ذي القضاه المستعجل اطقشته معاها واوراقي كلها وقعن قلت ليها انتي م بتشوفي مستعجله كدا،،،عاينت لي ب نظره اشمئزاز كدا قالت لي انتي بتتكلمي معاي انا قلت ليها لا بتكلم مع الحيطه الوراك انتي عميه م بتشوفي وبدل م تعتزري بتسالي كمان،،،،قالت لي انا م بنزل مستواي مع واحده شرشوحه زيك،،،،ضحكته ب اعله صوت لي قلت ليها شرشوحه شوفي ي ماما منو الشرشوح فينا اظنك م شفتي نفسك في المرايه وانتي طالعه،،،،،، قالت لي م بخسر كلامي مع اشكل ذيك كدا لانك م من مقامي وعاينت لي بعين افترا ودخلت شكلو غلبه الرد بس انا م اشتغلت بيها وقلت في نفسي واحده مريضه لقطته ورقي من الارض ودخلته مكان الاداره لقيت الموظفه قلت ليها ممكن اقابل المدير قالت لي المدير م جاء لسه بس عاوزه شنو انتي قلت ليها انا شهد مدثر وقبل كدا قدمته لي وظيفه سكرتاريه وقبلوني بس حصل لي ظرف وم جيت،،،،قالت لي ايوه اتزكرته بس وظفنا واحده غيرك مع الاسف قلت ليها طيب مافي وظيفه تانيه قالت لي م اظن بس شوفي المدير بعد يجي،،،،فجاء جات داخله واحده لابسه ليها عبايه مطرزه ب الدهبي وعامله شعره كيري وجادعه الطرحه و ملامحه جميله بس نحيفه شويه،،،،قالت ليها في شنو ي احسان قالت ليها استاذه وعد البنت دي قدمت قبل كدا في وظيفه سكرتاريه هنا بس هي م جات والمدير وظف واحده تانيه بداله،،،،عاينت لي قالت لي تعالي معاي دخلته معاها المكتب قالت لي انتي م عارفه انو الشركه دي عندها قرارات وقوانين و لازم تجي في الوقت المحدد ليك قلت ليها كنته جايه بس حصل لي ظرف وم قدرته جيت وانا حاليا في امس الحاجه لي الشغل ،،،،قالت لي بس اخوي وظف واحده تانيه كدي ممكن ملفك الشخصي،،،،اديتو ليها عاينت فيهو مسافه و قالت لي حلو معدلاتك كلها ممتازه مع انو م عندك شهاده خبره،،،انا ح اشغلك بس لانك محتاجه شغل وانا م كان عندي سكرتيره لاني كنته بعتمد علي نفسي بس من الليله انتي ح تكوني سكرتيرتي و اعتبري نفسك استلمتي شغلك وح داومي من اليوم،،،،،قلت ليها شكرا ليك كتير وانا اوعدك انو اكون مجتهده في شغلي،،،،فجاء جاء زول داخل قال ليها شنو ي وعد م عندك مكتب مسيطره علي مكتبي،،،،انا بعد سمعته صوتو اتصمغته في مكاني
⚘تلك الاقدار المشاكسه تلتصق بثوب الحزن لترينا كم من السهل التلاعب بنا حينها نفقد الامل في الحياه،،،،ف تاتي تلك الصدفه لي تزين حياتنا لترينا ان الحياه اجمل مما كنا نرا⚘
#يتبع
