الرواية قيد الكتابة فاول ما الماتبة تنزل انا بانزل ان شاء الله
فشيلوا الصبر في الباقي
ــــــــــــــــــــــــــــــــــــــــ
وانا قاعده معاهم وفي عز الونسه تلفوني اتصل رديت جاني صوت خالتو كلتوم قالت لي وهي بتبكي شديد امك نعمه ي شهد وقبل م تكمل كلامه تلفوني وقع من يدي ودموعي جرو افتكرته انو هي ح تكمل وتقول لي ماتت،،،،وعد والبقيه كلهم اتخلعو وليد قرب مني ورفع التلفون رده عليها قال ليها الو في شنو قالت لي نعمه ام شهد وقعت في نص السوق واسع نقلوها المستشفي قال ليها مستشفي شنو قالت لي الزيتونه قال ليها تمام شويه وحنكون معاك ،،،،وليد قال لي شهد م تخافي اكيد ح تكون بخير قلت لي لا امي ماتت،،، قال لي شهد استهدي بالله ماتت شنو اكيد م بكون حصل ليها شي يلا نمشي وعد قالت لي انا ح امشي معاكم طلعنا،،،وانا طول الطريق ببكي وليد كل م يشوفني بزيد السرعه وصلنا المستشفي وانا جري علي العنايه المركزه لقيت خالتو كلتوم قلت ليها امي وينه هي مشته معاك وكانت كويسه الحصل ليها شنو بعد شافتني ببكي قعدت تبكي ،،،قلت ليها امي ماتت خلتني مش ي خالتو امي خلتني ومشت قالت لي امك عايشه ي شهد قلت ليها طيب وينه انا عاوزه اشوفه مسكتني وحضنتني عليها قالت لي الدكاتره معاها جوه،،قلت ليها لا انا عاوزه اخش اشوف امي جاء الدكتور طالع وليد قال لي طمنه عليها قال لي مع الاسف الحصل انو هي حصل ليها صدمه وقويه كمان لي درجه انو هي م استحملت وداخلت في غيبوبه ادعو ليها تصحه منها،،،انا بعد سمعته كلامو حسيت ب رجولي م شايلاتني وعد سندتني وقعدتني في الكرسي لحظته دموعي م وقفن من البكه وليد قعد في الارض ورفع لي راسي وقشه لي دموعي قال لي امك حتكون بخير،،،،قلت لي دي امي الوحيده ي وليد م عندي غيره لو مشت مني انا ح امشي وين صدقني لو مشت وخلاتني انا ح اموت هي املي الوحيد الباقي لي في الدنيا دي وعايشه عشانو،،،، قال لي وانا مشيت وين اكيد ح تبقاء كويسه صدقيني بس انتي لازم تكوني قويه،،،،وائل قال لي وعد ام شهد كيف قالت لي في العنايه المركزه الدكتور قال انها داخله في غيبوبه،،، شادي عاين لي شهد وهي بتبكي للحظه حسه ب وجعه في نص قلبو وقف جنب الباب بتاع العنايه كان شايف الاجهزه وهي مركبه في جسمها للحظه اتزكر امو كيف لمن رحلت وخلتو ومن غير م يشعر نزلت دمعه من عينو بقاء يقول يارب انت حرمتني من امي وانا عارف يعني شنو احساس انو تفقد امك وتنحرم منها وانو ده اصعب احساس ممكن يواليك طول حياتك يارب خليها تقوم ب السلامه يارب م تحرم بنتها من انو تشوفه تاني لحظته م قدر يستحمل وطلع برا المستشفي حسه نفسو مخنوق ركب في العربيه وبكاء من كل جواهو اتزكر كل لحظاتو مع امو لانو كان متعلق بيها و هي كانت بتريدو شديد وهو المفضل عندها اتزكر كيف كانت بتهتم بيهو كيف كانت حنينه علي خصوصا لمن يقع في مشكله هي الكانت بتقيف جنبو حتي لمن يغلط م كانت بتعاقبو كانت بتقول لي لمن انت تعمل غلط وعارف انو الشي ده غلط الاوله انك تصلحو قبل م تندم علي بعد فوات الاوان كانت غدوه بنسبه لي بس بعد ماماتت فقد كل شي ،،،قال ليها لي مشيتي ي امي لي خليتيني لي العزاب الان فيه ده ياريت لو سقتيني معاك وقتها امكن م كان حسيت بغيابك،،،قشه دموع واتصل علي وائل قال لي انا ح اسوق عربيتك عاوز اتمشه بيها شويه حاسي نفسي مخنوق وائل قال لي تمام بعد تتمشي امشي البيت طوالي لانو بعد شويه كدا ح نجي انا ووعد شادي قال لي طيب تمام،،،بعد لفه ب العربيه رجع البيت كان البيت صاني دخل غرفه ابوهو لقاء نايم قعد جنبو ومسك ايدو قال لي انت عارف انو انت الوحيد الباقي لي بعد امي الله يرحمه عشان كدا انا ح اكون جنبك وم ح ابعد عنك اتزكر كيف كانت معامله مره ابوهو لي لمن كانت بتضربو و بتحبسو في الحمام وبتمنع عنو الاكل ولمن حرشت علي ابوهو وضربو اتزكر كل العزاب النفسي الكان عايشو معاها قال لي طالمه انا جيت هنا بوعدك ي ابوي انو كل شي ح يتصلح بس ب الاول لازم اربي الحربايه الكانت السبب في بعدي عنك وكانت السبب في حالتك دي..
المساء انا بقيت ماشاء وجايه برا الغرفه وانا براغب في امي كل م اشوف الاجهزه وهي مركبنهن ليها دموعي بنزلن لحدي م فقدته توازني وبعدها م شفته شي قدامي ووقعته صحيت لقيت نفسي في غرفه ومركبين لي درب لقيت وعد قاعده جنبي قالت لي انتي كويسه هذيت ليها ب راسي قلت ليها الحصل شنو قالت لي اغمه عليك بس وليد لفاك قبل م تقعي علي الارض وجابوك الغرفه دي،، وليد جاء داخل وشايل معه اكل ومويه صحه قال لي شهد يلا عشان تاكلي قلت لي م عاوزه قال لي ولا علي كيفك ،،،،قلت لي والله م عندي نفس وانتي ي وعد لازم تمشي البيت بعدا كفايه عليك لا انك واقفه معاي من الصباح قالت لي مافي بينا كدا نحن اخوات قبل م نكون صحبات واوعه اسمعك تقولي كلام ذي ده تاني لاني ح ازعل منك بجد وياستي ح امشي بس بعد اطمن انك اكلتي وليد قال ليها اكيد حتاكل و يلا انتي امشي لانو وائل منتظرك برا قلت لي وانت كمان لازم تمشي معاها قال لي واخليك هنا براك قلت لي م حيجيني شي ح اكون قاعده مع امي قال لي انا وعدتك ي شهد انو اكون سندك ولو م كنته معاك في الحظات الذي دي ح اكون معاك متين،،،،قلت لي بس قال لي هس من غير بس يلا ي وعد ساقه وصله لحدي الباب وجاني راجع قال لي حبيبي يلا عشان تاكلي قلت لي بس انا قلت ليك م عاوزه قال لي شهد الجوع م حيفيدك لانو م حتقدري تقاومي وانتي شايفه كيف دختي وحصل ليك مضاعفات لازم تاكلي عشان تكوني قويه وتسندي حيلك عشان خاطر خالتي نعمه خلي خاطري انا ده بعيد ،،،،، اكلته بسيط قلت لي خلاص م عاوزه فتح لي كرستاله بتاعه مويه واداني ليها تاني فقتح لي كرستاله عصير قلت لي م عاوزه قال لي اشربي بسيط شلت منها بسيط وابيت تاني قال لي انتي عارفه ي شهد انك عنيده بصوره م عاديه اكيد م خالتي الجبدتك ب العناد،،،،قلت لي وليد انا عاوزه امش اشوف امي قال لي اسع كنته مع الدكتور قال لي انو وضعها مستقر،،،بس نفسي اعرف ي شهد الحصل شنو وخلاها تنصدم لي درجه انو تدخل في غيبوبه قلت لي م عارفه انا لحدي اخر لحظه شفتها فيها كانت كويسه وقالت لي انو هي م شاء السوق عشان تشتري حاجات ،،،،قال لي شهد عاوز اسال سؤال قبل كدا حصلت معاها صدمه ذي دي قلت لي ابدا بس قبل 7 سنين كانت بتشكي من الم في راسه واصريت عليها انو تمشي الدكتور وفعلا مشت ولمن سالتها قالت لي انو قال ليها صداع نصفي واداها ادويه ومن يومها م حست ب شي،،،،قال لي غريب الانو الدكتور قال لي الظاهر انها كانت متعرضه لي صدمه قبل كدا عشان كدت مقدرت تستحمل الصدمه دي لمن جاته،،،،انتي المراه القبيل دي قريبتكم قلت لي لا دي جارتنا و صحبت امي الروح ب الروح قال انا بكره لازم استفير منها الحصل شنو خله خالتي تصدم لي درجه انو تدخل في غيبوبه،،،،انا الدريب شكلو فيهو منوم لا اراديا م حسيت بنفسي ونمته جاتني صحيه نص اليل لقيت وليد قاعد في الكرسي ونايم قمته براحه دخلته الحمام واتوضيت،،،لقيت مصلايه فرشتها وصليت لي ركعتين ودعيت كتير انو ربنا يشفي امي بقيت طول الليل بدعي لحدي م نمته في المصلايه،،،،بعدها حسيت ب ايدين حوليني فتحته لقيت وليد شايلني قلت لي نزلني،،،،نزلني في السرير وقال لي شكلك طول اليل كنتي نايمه في الارض قلت لي من وين ح يجيني النوم وامي راقده في الانعاش جواء قال لي كل ده امتحان وان شاء الله ح تقوم ب السلامه خلي ايمانك ب ربنا كبير قلت لي ونعم بالله قال لي يلا انا ح امشي اجيب فرش وشاي قلت لي،،، لي هو الساعه كم قال لي 8 صباحا قلت لي معقوله قال لي طول الليل صاحيه بعدها نمتي علي الارض كيف ح تعرفي الزمن،،،،طلع وخلاني انا طوالي طلعته بعدو ومشيت علي غرفه امي لقيته ذي ماهي فجاء جات امنيه داخله وهي بتبكي حضنتني عليها قالت لي م عرفته الا بعد جات امي اسع كيف قلت ليها زي ماهي ي امنيه منتظرين انها تصحه وليد جاء لقاني واقفه مع امنيه سلم عليها وقال لي يلا امشي اتسوكي وتعالي شلته منو الفرشه ودخلته الغرفه وخليتو معه امنيه،،،،قالت لي ربنا يقويها بجد زعلته لمن ورتني امي قال ليها امك المراه الجابته قالت لي اي قال ليها م حكت ليك الحصل شنو بظبط قالت لي اي حكت لي انو هي وخالتو نعمه كانن في السوق وهن راجعات امي شافت ليها واحده بتعرفه سالت خالتو نعمه اذا كانت دي هي ولا بس لمن اتلفتت عشان تشوفه ماله ساكته لقته واقعه في الارض في الحظه دي م عرفت تعمل شنو بس في كم واحد كدا رفعوها مع امي واحد كان عندو عربيه ركبوها في العربيه وجابوها المستشفي هنا،،،،قال ليها وم عارفه المراه الشافته دي منو قالت لي م عارفه م سالته امي عنها ،،وليد قال في نفسو اكيد المراه الشافته خالتو نعمه هي السبب في حالته دي بس ياربي دي منو انا لازم اعرفه ب اي طريقه لانو هي الوحيده الممكن توصلني لي السبب الخله خالتي نعمه تنصدم لمن شافته اكيد بكون سبب قديم.
في جانب تاني
نزلت وم لقت الاكل جاهز في الصفره بقت تصرخ ب اعله صوت ليها عشه،،،،عشه جاته جاريه نعم ي ست بدريه قالت ليها وين الفطور والجبنه بتاعتي قالت ليها في واحد جه وقال انو م نعمل فطور ولاقهوه ،،،قالت ليها انا هنا صاحبه البيت وانا البدفع ليك عشان تشتغلي عندي م زول تاني،،،،،،جاها صوتو قال ليها ده كان زمان بس حاليا القوانين اتغيرت،،،،اتصدمت لمن سمعت صوتو قالت لي انت ضحك وقال ليها ايوه انا ي مره ابوي رجعته بيتي بعد غيبه طويله وطالمه انا رجعته كل البيت ح يمشي بنظامي،،،،جات هند وهناء نازلات عاين ليهن وقال ليهن ي اهلين ب الدكاتره هند قالت لي وهي بتتخجل صباح الخير قال ليها نحن الضهر يعني م اصبحت ياداب عشان حضرتك ،،،طيب ي بنات بدريه جيتن مع الوقت كنته بحكي مع امكن عن القوانين الممكن تمشي في البيت ده،،،،،طبعا انتن حابات تعيشن في البيت ده وم عاوزات تفارقن العز العايشات في ده معناها شنو لازم تمشن ب قوانيني بما انو انا صاحب البيت وكدا ف اول قانون الفطور مع الوقت لو اتاخرتن م حيكون في فطور وح تقعدن جعانات ولو حبيتن تاكلن لازم تطلبن مني بعدها افكر اسمح ليكن ولو سمحته ليكن لازم تدخلان المطبخ وتطبخن وانتن حرات بس مافي شغاله ح تساعدكن،،،تاني شي بنسبه لي بطاقه الصراف الالي انا جمدته حساباتكن يعني لو حابات تشترن شي تجني انا وتطلبن مني بعدها افكر اديكن ولا،،،،تالت شي طلوع من البيت من غير اذن ممنوع ولو طلعتن من غير ازني مستحيل اخليكن تدخلن البيت ده تاني مفهوم،،،،بدريه قالت لي وانت تطلع منو انا هنا صاحبه البيت وانت م عندك اي دخل فينا،،،،قال ليها فعلا م عندي دخل فيكن بس البيت ده بيتي انا وطالمه انتن عايشات في بيتي تلزمن ادبكن هند قالت ليها نحن مستحيل نقبل الاهانه دي هناء قالت ليها فعلا ي ماما يلا نطلع من البيت ده شادي قال ليهن جدا شايفات الباب ده بعد تمرقن ياريت تقفلنو وراكن لانو مستحيل اسمح ليكن بعد تطلعن من هنا انك تعتبنو تاني سكتن ضحك وقال ليهن شاطرات وبتسمعن الكلام يلا الحقن تطبخن قبل م اغير راي وتفضلن جعانات طول اليوم ،،،قرب من بدريه وهي دايره تطرشق من الغضب قال ليها شايفه الدنيا دي دوراه كيف نفس العملتي لي زمان ح اردو لي واضوقك لي اضعاف ي بدريه وفات منها.
⚘ظنتتُك ملجئي وحدي لكنك كنت سخّي جداً ، و أصبحت ملجأ العالمين فلا انا احب الزحام و لا انت تُحب الأنفراد وكأنك كنز دفين مستودع ف اعماقي لا احد يعرف عنك غيري⚘
بعتزر علي التاخير كنته بعافيه شويه
