لحظته ولا واحد فيهم فتح خشمو وقال لي عملتي كدا لي حتي محمد لمن لصقته في الكف كان ساكت ح يقول شنو مثلا ويبرر موقف بشنو لحظته حسيت انو الكف الاديتو لي ده بسيط بنسبه لي واحد زيو قلت لي انت مفكر انو انت ب العملتو كدا اثبت رجولتك و كسرتني ولا دي رجولتك كدا مع بنات الناس انت عارف انك واحد واطي وحقير وانا الغلطانه اني وثقته في واحد بلا ضمير ذيك عاوز تزلني صاح،،،،،،بس ابدا وحاتك م انا البتزلني لانك انت ب العملتو ده اثبت لي انك م راجل عارف لي م راجل لانو لو كنته راجل بجد م كنته عملته العملتو ده وعشان شنو عشان بس اتحديتك ومسمعته كلامك اها اتزكرته بجد انا كنته غبيه كيف م قدرته افهم نواياك وانا اقول سبب التغير المفاجئ ده وملك الرحمه النزل عليك فجئه كدا ده شنو و لي انت كنته مستعجل علي العرس وكمان في نفس اليوم الح انزل فيه شغل يعني ده الحصل ده كلو كان لعبه منك عشان اخسر شغلي وعشان انت عارف اني مستحيل الاقي شغل تاني بساهل قلت احسن شي العب عليها العبه دي واعمل فيها كدا لانو بعد يحصل كل ده هي ح تقعد في البيت وتتحسر لانو هي بتحبني وح تحس انها اتخزلت وم حتقدر تنساني ولاني خزلتها ح تفقد الثقه وتكره حياته وحتكون محطمه لانو م عندها نفس في انو تعيش والموت اهون بكتير من انو تعيش حياه ذي وح تنسه فكره الشغل دي من باله وبكدا اكون ربحته عليها،،،،مش دي خطتك ي استاذ ساكت لي م تجاوب اها نسيت انو م عندك كلام تقولو بس انت عارف انك غلطان شديد بجد كدا لانو م شهد مدثر البتبكي وتتحسر علي راجل،،،،انت عارف انو انا بحمد ربنا علي انو كشفك لي علي حقيقتك لانو طول السنين دي وانا كنته هبله وعبيطه وعميه وم قدرته اشوفك علي حقيقتك لانو كنته معميه علي قلبي وكمان لانو كنته طيبه معاك زياده عن اللزوم،،،،بجد انا مبسوطه لانو دعوت امي اخيرا استجابت لمن قالت لي شهد بنتي ربنا يبعد عنك اولاد الحرام م كنته عارف انو ربنا ح يستجيب ليها بسرعه دي لانو م بعرف لي زول سيئ والما كنته عارفه ومستبعد انو دعوته دي تتمثل في شخص كنته بحبو طول السنين دي واحد كنته مخدوعه في وهوعامل نفسو مننا وفينا ومع الاسف هو نفس الشخص الواقف قدامي حاليا،،،،فجاء شبه ابوهوقال لي احترمي نفسك انتي قاصده تقولي انو ولدي ود حرام قلت لي العلي راسو ريشه بتحسسه،،،قال لي كيف تقولي علي ولدي ولد حرام ولدي متربي احسن تربيه ومستحيل اسمح ليك تقولي علي ولدي كدا والحمد لله انو م اتزوج واحده زيك م معروف ليها اصل ولافصل والله اعلم امك جايباك من اي مصيبه وكمان جايه هنا تستعرضي وسط الرجال وتضربي ولدي كمان صحي انك واحده قليله حيه،،،،انا لحظته كلامو بجد وجعني بس م رديت علي،،،قلتي انا م ح ارد عليك عارف لي لانو نا اتعلمته انو احترم الاكبر مني ولانو انت حاليا في مقام ابوي ولو م كدا م غالبني ارد عليك ب نفس كلامك بس اقول شنو اذا الولد طالع نسخه طبق الاصل من ابوهو اتوقع منو شنو فجاء شبه لي اخوهو وقال لي،،، دي الحقيقه اسع البجيبك ديوان الرجال شنو لو م واحده لافه فعلا ذي م قال ابوي واحده م معروف ليها اصل ولافصل جايه تتكلم قلت لي م تتجاوز حدودك،،،،قال لي لو م كدا وين اهلك طيب ولا تكون امك جايباك ب الحرام وهربانه من اهله وجات عاشت هنا وعامله فيها الشريف الرضي،،،،قلت لي انت واحد مريض وتفكيرك سطحي انا ممكن اتجاوز ليك اي كلام ممكن تقولو عني بس الما بسمح ليك بيه انو تجيب سيره امي علي لسانك او تقول عنها نص كلمه بالغلط لانها اشرف منك ومن الخلفوك علي الاقل هي انسانه نضيفه واشتغلت بعرق جبينه بس عشان تربيني احسن تربيه وكل الهناء بشهدو بكدا و عارفين انو هي انسانه محترمه واتحداك لو في زول سمع عنها كلمه غلط اوتصرف غلط اي صاح انا م شفته ابوي بس ده م بعني ولابديك الحق انك تسبو وهو نايم في قبرو امي هي سندي في الحياه دي و كانت لي نعمه الام والابو وم حوجتني لي اي شي في الحياه دي علي الاقل هي مراة واتحدت الظروف واشتغلت عشان توفر لقمه العيش البتعيش بيها م ذيك عايش علي خير ابوهو وعامل فيها راجل امش شوف الرجوله وين وتعال اتكلم انت عارف انا في مكاني ارفع عليك قضيه رد شرف بس انا م بخش محاكم عشان ناس وسخين زيكم ،،،،، اما انتو ي الحضور الكرام شايفاكم مبسوطين ولا واحد فيكم نطق وقال ليهم انو البتعملو في ده غلط وانو انتو غلطتو في حق البنت اليتيمه دي حتي وانتو شايفنهم وهم بطعنو في شرفي وانتو كلكم عارفين انا شنو وامي شنو عارفين انو هي انسانه شريفه وشغاله بعرق جبينه بس عشان تربيني احسن تربيه بس لا مافي واحد فيكم ردا عليهم،،، بس عشان شنو عشان انا م عندي سند م عندي ابو او اخو يدافعو عني ولو كانو في م كنته اطريت اقيف قدامكم ذي الوقفه الواقفاها دي بس احب اقول ليكم انو البنت اليتيمه الواقفه قدامكم دي ارجل منكم كلكم علي الاقل م عندي نيه سيئه اوحقد اتجاه زول شايفين البنت اليتيمه دي هي الحا تثبت ليكم قدر شنو انها قادره تحقيق هدفه ومستحيل تتكسر اوتتزله لي زول في يوم،،، وانت ي محمد مبسوط انك خزلتني وكسرتني وانو قدرته تبشع بي قدام الناس احب اقول ليك انت نجحته في كدا بس بتمنى انويجي يوم ويحصل معاك نفس الشي العملتو معاي واسواء كمان وصدقني ي محمد عمرك م حضوق طعم السعاده وراحه البال طول عمرك ووقتها ح تتمني الموت بس حتي الموت م حطولو ولحظته بس ح تعرف معنى انك تكسر قلب انسان حبك وانت كسرتو،،،، واعتبره دي دعوه وبتمني انها تتحقق والناس الانت شايفهم مبسوطين عشانك ديل حيجي يوم وحيكون نفس الناس الحتنظر ليك نظره شماته،،،،اما بنسبه لو انك فاكر انو انا ح اتعزب في بعدك احب اقول ليك وقدام الرجال دي كلهم ي محمد انو الحب الكان جواي اتجاهك اتمسح واتلاشه وخلال يومين بس انا بوعدك انو اتجاوز الحصل ده وابدا من جديد لاني اتعلمته انو الضربه الما بتوجع بتقويك وانا قويه بدونك،،،انت كنته رافض اني اشتغل عشان م تخسر هيبتك قدام الناس ويقولو مرت محمد شغاله احب اقول ليك انو انا ح اشتغل وح اثبت نفسي وقتها بس مافي زول ح يقدر يقول عني اوعن امي نص كلمه وقصبا عنكم ح تتجبرو انكم تحترموني سواء انت واهلك او رجال الحله البتفرجو علينا حاليا ديل واعتبرو ده وعد مني م مجرد كلام،،،،وطلعته خليتهم كلهم كانو مزهولين حتي محمد م نطق ولانص كلمه لانو م كان متوقع مني اني اكون بجراء دي واني اهينو قدام كل الرجال ومن غير خوف ،،،،رجعته البيت لقيت كميه من النسوان قاعدات مع امي،،،عرفتهن جايات لي شنو قلت ليهن لو سمحتن من غير مطرود اطلعن م عاوزه اشوف وش واحد فيكن هنا قالن لي امي اجي ي نعمه بنتك بتطردنا عينك عينك كدا،،،،واحدي تانيه قالت ليها اما قليله ادب وم مربيه،،،،،قلت ليهن م تتكلمن معه امي كلامكن يكون معاي انا،،،،،،مش انت جيتن عشان تشمتن فيني وتعرفن لي خلاني وم اتزوجني ولي عقد علي بنت اهلو طيب اختصر ليكن الموضوع المفيد في كلمتين،،، امشن اسالان رجالكن بوروكن ب الاخبار لانهم م بفرقو عنكن بشي ولحدي هنا يلا برا طلعن،،،، طلعن واي واحده لاويه بوزه،،،،امي قالت لي ده شنو العملتي ي بنتي من متين نحن بنعامل ضيوفنه كدا قلت ليها امي ديل م ضيوف ديل جايات افتحن مواضيع عشان بكره ينشرنا يعني م غريبات عليك في نقل الكلام،،،،، قعدته جنبها ورقدته في كرعيها قلت ليها امي انا حاسه اني مخنوقه حاسه كاني في كابوس م عارفه اصحه منو متين،،،، امي لي انا بزات البحصل معاي كدا لي اتخزل في اعز واقرب زول لي وانا الكنته مفكره انو هو سندي يجي يطعني ويقدر بي،،،،حضنتني عليها وقالت لي كلو لي خير واحمدي ربك ليل ونهار انو خلصك من واحد زيو وبكره اكيد حيجيك نصيب احسن منو ح يحبك اكتر من نفسو بس انتي خليك واثقه في ربنا واوعك تضعفي ده كلو ابتلا وانتي لازم تصبري علي قضاه ربنا،،،، بالمساء وانا في غرفتي سامعه صوت الحفله قفلته اضني عشان م اسمعه بس كان صوته عالي لحظته دموعي خانني ولي اول مره اكون ضعيفه قدام نفسي،،،،، مره يومين وانا قافله علي نفسي م كنته طايقه اشوف زول لحدي م جاتني امنيه قالت لي شهد افتحي الباب قلت ليها عاوزه شنو ي امنيه انا م عندي مزاج احكي،،،،قالت لي كدي انتي افتحي قلت ليها امشي بيتكم ي امنيه لاني م ح افتح ليك قالت لي افتحي بدل م اكسرو و انتي عارفاني مجنونه وبعمله فتحته ليها ورجعته سريري،،،،قالت لي م اتوقعتك تطلعي جبانه كدا وينو تحديك القلتي في الديوان مش قلتي يومين بس ح تنسي الموضوع،،،،م رديت عليها قالت لي كدي خليك من دا رايك شنو تمشي معاي مشوار قلت ليها م عندي مزاج اطلع قالت لي ولا علي كيفك انا ح اوديك مكان ح ترتاحي فيه نفسيا بدل جو الكئيب العايشه في ده يلا قومي غير هدومك،،،،بعد شفتها مصره كدا لبسته لي عبايه وقلت ليها ورح قالت لي شهد عاوزه تطلعي معاي كدا اتمكيجي علي الاقل قلت ليها امنيه اغير راي واقعد قالت لي لا كلو ولا انك تغيري رايك انا م صدقته انك وافقتي ،،،،ونحن في الحافله قالت لي انتي عارفه ي شهد البركه الختيتي محمد ده بجد م لايقين علي بعض انتي احلا منو وكمان انتي هبله و عامله لي قومه وقعده معززه الدوم في شجرو بس بجد م عارفه كيف عيمه منك يعني كيف اسع واحد يسيب الجمال ده كلو ويمشي يشوف واحده تانيه اريتني لوكنته ولد يمين م بعاين لي مره غيرك قدامي اجمال ده كلو واعين لي برا،،،،،،بس تصدقي ي شهد الله بريدك محمد شنو البتاخدي المخولق المبدل المتعقد بكره تجيبي سيد سيدو انتي عارفه ي شهد،،،،، العرسه محمد دي ولا بتجي بضفرك م عارفه العاجبو فيها شنو دي ولاحاجه فيها ممكن الزول يطمن روحو ويقول فيها حاجه حلو تتحب فيها مافي عباره عن برميل ولا الوش احي انا حامض ولا لو حكيت ليك لمن جات قعدت في الكوشه الحصل شنو اتخيلي معاي الحصل شنو عاينت ليها،،،،قالت لي الكوشه وقعت بيها وفكته ضحكه خلت كل الفي الحافله يعاينو ليها انا لا ارديا ضحكته مع انو هي نضاميه وعندها ضحكه تجيب بوليس الاداب بس مجنونه وبتدخل علي القلب،،،،قالت لي ايوه كدا ورينا ضحكتك المخبياها دي مالك ومال الهم بلا محمد بلا زفت ويلا وصلنا انزلي قلت ليها انتي جايباني شارع النيل لي،،،، قالت لي الماء والخضراء والوجه الحسن ديل البعدلن المزاج عشان كدا قلت اجيبك هنا امكن تروقي بدل جو الحزن والنكد العايشه في بيتكم ده،،، قالت لي تعالي جرتني من يدي وقعدنا قصاد المويه قالت لي كدي امشي اجيب لينا كبايتين جبنه يعدلن مزاجنا برواق،،،،،،خلتني وانا بتفرج علي المويه لحظته مره علي شريط زكرياتي انا ومحمد حسيت ب وخزه في قلبي اي نعم هو خزلني بس انو انساهو صعب وم ساهل بنسبه لي لانو م معرفت يوم ولا يومين دي معرفت سنين لا ارديا قمضته عيوني وبكيت بكل مافيني بجد عاوزه اطلعو من تفكيري عاوزه اطلع كل زكرياتو من راسي عاوزه انساهو لحظته حسيت ب زول قعد جنبي كنته فاكراها امنيه بس خاب ظني لمن سمعته صوتو وهو بقول لي احسن شي انك تبكي وتطلعي الجواك لانو وقتها بس ح تحسي براحه،،،،، لحظته خفته انو يكون الا انا في ده حلم اول م افتح عيوني يتلاشه ،،، لانوكان نفس الصوت السمعتو قبل اربعه سنين.
#يتبع
⚘أصعبُ ما يُمكنُكَ فعله .. هو إجبَارُ مشاعرَكَ على اتّخاذِ طريقٍ آخرَ يُعاكِسُ احساسكَ تماما وانت بين الحشودً ..!
ف لا بَأسَ أنْ نَبكِي قَليلًا .. أو رُبَّمَا كَثِيرًا
فبَعضُ الدُّروس لا نستَوعِبهَا إلاَّ وَجَعًا
ويمكن لشخصٍ واحد بين تلك الحشود، أن يُغنيك عن كل الحشود، ليكون حشدًا هائلًا في قلبك⚘
