وصلنا البيت امي بقت تعاين لي البيت وهي بتبكي شادي قشه ليها دموعه قال ليها م عاوزين بكه دخلنا البيت لقينا ابوي منتظرنا لمن شاف امي بكه من الفرحه حاول يقيف بس م قدر امي مشت علي وحضنتو عليها بقو الاتنين يبكو وفتحو بيت عزه من اول وجديد بعد شافني قال لي تعالي جريت علي واترميت في حضنو واخيرا ح اتعوض ب حنان الاب بجد احساس حلو وجميل كونو امك وابوك جنبك دي بحد زاته نعمه ناس كتيره محرومه منها،،،، كل الناس عرف انو امي عايشه الناس دي بقت داخله مارقه تحمدل السلامه وابوي طول الوقت م راضي يبعد من امي خايف انو تمشي وتخلي تاني،،،وليد كان مركز معاي شديد وقتها بس انا م كنته مدياهو وش بس نظاراتو دي ب توترني اي نعم لسه زعلانه منو ومستحيل اسامحو بس كيف ح اقدر اعيش معه في نفس البيت الله يقويني،،،،شادي قال لي شهد قلت لي اي قال لي سرحانه وين قلت لي م سرحانه في شي قال لي طيب قومي اختاري ليك غرفه ضايقتي وعد في غرفته وعد قالت لي تعالي بس انا مرتاحه كدا وم صدقته لقيت لي زول ينوم معاي،،،شادي قال ليها طيب م دايرن زول اضافي قالت لي لا،،،، قال ليها قزمي خليها تختار ليها غرفه وعد قالت لي طيب يلا ي شهد طلعته معاها قالت لي دي تلاته غرف احدخلي شوفيها واختاري البتناسبك،،،كان في غرفه مقاصداتنا وقريبه من غرفه وائل بعيده شويه من باقي الغرف قلت لي وعد الغرفه ديك بتاعه منو قالت لي دي بتاعه وليد،،،،قلت ليها ايوه قالت لي يلا خشي شوفي الغرفه دي قلت ليها لا خلاص انا اخترته غرفتي،،،جاء وليد لقانه واقفين م شتغل بي ولاحتي عبرني قال لي وعد ممكن تجيبي لي كبايه بتاعه قهوه في غرفتي حاسي اني مصدع قالت لي كويس،،،اتلفتت علي وقالت لي شهد انا ح امشي اجيب القهوه وانتي خشي اتفرجي علي الغرفه الاخترتيها قلت ليها تمام طبعا اتغظته من حركتو انتبهته ليهو ماشي علي غرفتو قلت لي استناء دقيقه انت ماشي وين اتلفت علي قال لي انتي معاي انا قلت لي لا مع خيالك،،،اكيد معاك انت في زول غيرك واقف قال لي جايز،،،مشيت وقفته وختيت يدي في الباب قلت لي انت داخل وين قال لي غرفتي عندك اعتراض قلت لي اكيد لانو دي حكتون غرفتي من اليوم ،،،، قرب مني وقال لي من دون الغرف م عجبتك الا الغرفه دي قلت لي اي يعني حاسه بيها كبيره و بتكون مريحه شديد قال لي افهم انو ده انتقام يعني قلت لي انتقام وانتقم منك لي شنو يعني قال لي م بعرف الحاجه دي بتعرفيها انتي،،،،قلت لي انا م بعرف شي كل البعرفو ياريت تفضي لي الغرفه دي قال لي م هو اصلا حتكون غرفتك ومعاها غمزه قلت لي ب ارتباك شيل هدومك وحاجاتك وشوف ليك غرفه غيره لاني عاوزه ارحل فيها،،،،قال لي ومالو حلال عليك اصلا كدا انا بكره مسافر يعني عندك كامل الحق و التصرف فيها انا لمن قال لي كدا حسيت ب العبره وقفت لي في حلقي،،،،قلت لي مسافر ؟؟ قال لي اي مالك مستقربه كدا قلت لي واستقرب لي عادي وم سافر وين ان شاء الله قال لي بهمك تعرفي قلت لي م بهمني اصلا تسافر ولا تقعد انت حر قال لي طيب تمام معناها م عندك الحق تسالي اتا مسافر وين زحاني ودخل غرفتو،،،،بقلبي قلته اموت واعرف مسافر وين اتزكرته وعد انا لازم اسئله،،،،وعد جات لقتني واقفه في مكاني قالت لي شهد انتي لسه واقفه قلت ليها وعد انتي وليد مسافر وين قالت لي مسافر منو القال ليك كدا قلت ليها يغني م عارفه انتي،،، قالت لي م كلمني،،،،قلت ليها طيب تمام قالت لي هو قال ليك كدا قلت ليها اي قالت لي طيب كان تسئلي قلت ليها انسي قالت لي طيب ممكن ي شهد تدخلي لي القهوه دي لانو عمتي نادتني وعاوزه امشي اشوفه قلت ليها انا لا مستحيل قالت لي شنو المستحيل هاك امسكي ومنها اسئليهو هو مسافر وين اكيد ح يوريك ادتني ليها وفاتت،،،،بقيت محتاره ادخل ولا المهم اتوكلته ودخلته لحظته حسيت كاني داخله فلم ابيض واسود كل حاجه في الغرفه ابيض ب اسود بقلبي قلت لي محسسني كاني داخله صاله اشباح م غرفه لقيتو بغير في قميصو قلت لي ممكن احترم نفسك شويه م عارف انو هنا معاك ناس يعني م انت براك الساكن هنا قال لي وافتكر دي غرفتي وانا حر فيها وانتي الدخلك شنو،،،،قلت لي لا دي غرفتي انا وبعدين دي شنو الالوان الكئيبه دي محسسني اني داخله علي فلم اشباح،،،، دي اسع ألوان ليك قال لي بعد اسافر انتي حره غيريها لي اي ديزاين بعجبك،،،،قلت لي شنو هو مسافر مسافر حتسافر برا الخريطه يعني قال لي انا عارف انو الفضول كاتلك وعاوزه تعرفي ب اي طريقه انا ماشي وين بس انا في نظري م ضروري تعرفي ماشي وين قلت لي فعلا م ضروري عن ازنك ،،،،،طلعته منو وانا مفروسه.،،،،مشيت لي شادي قلت لي شادي ممكن اسئلك سوال قال لي اسئلي قلت لي انت وليد ده مسافر وين قال لي مسافر ايطاليا قلت لي ايطاليا قال لي اي في شركه هناك اتعاقد معاها وحاليا ح يمشي ينزل شغل،،،طلعته من شادي وانا مصدومه يعني م ح اشوفو تاني يعني خلاص ح يسيبني عاينته في غرفتو و قربته ادخل علي واقول لي م تمشي انا م عاوزاك تبعد
