الرواية قيد الكتابة فاول ما الماتبة تنزل انا بانزل ان شاء الله
فشيلوا الصبر في الباقي
ــــــــــــــــــــــــــــــــــــــــ
وليد ووعد وصلو المستشفي بس مالقو شهد ولا امها سالو الممرضه قالت ليهم خرجوهم،،،،اتصل علي شهد م بترد،،،وعد قالت الاحسن نمشي ليهم في البيت قال لي تطيب يلا نمشي،،،،بعد وصلو وعد قالت لي ده البيت قال ليها اي نزلو،،،، كل الحله كانت بتعاين فيهم وعد قالت لي وليد الناس دي بتعاين لينا كدا لي وليد قال ليها عادي لاننا غربه ف شي طبيعي يعاينو كدا طقه الباب وانا جوء في المطبخ سمعته صوت الباب بدوق فتحته الباب واتفاجئته ب وعد وليد وعد بعد شافتني حضنتهي عليها وانا فرحته لمن شفتها،،،،وعد قالت لي حمدلله علي السلام طبعا كنه في المستشفي بس قالو لينا انكم خرجوكم ،،،، قلت ليها اي خرجونه الصباح اتفضلو وعد دخلت بس وليد بقاء واقف اتلفته علي قلت لي م ح تدخل قال لي ب الاول ممكن اعرف لي م اتصلتي علي عشان اجي اسوقكم قلت لي انت بعد مشيت جات خالتو كلتوم ومعاها امنيه وفي الحظه دي الدكتور جاء ماري وكتب لينا خروج،،،،وامنيه وخالتو كلتوم م قصرو وجابو معاي امي لحدي البيت وم اتصلت عليك لانو م كنته عاوزه ازعجك،،،،قال لي شهد انتي بقيتي مسؤليتي وم عاوز اسمع منك الكلام ده تاني انتي لي لتحسسيني اني واحد غريب،،قلت لي طيب حتدخل ولا حتكون واقف كدا وي سيدي انت م غريب عني بلعكس انت اقرب شخص لي وربنا م يحرمني منك ابتسم وقال لي ايوه كدا حنكيني،،،،بعد دخل قال لي وين خالتو نعمه قلت لي نايمه جوه الغرفه دقيقه اصحيه وليد قال لي لا خليه تاخد راحته م تزعجيه،،،،فجاء جات امنيه داخله وهي بتنادي علي شهد ي شهد وصوته يجيب اخر الشارع بعد شافت وليد ووعد سكتت سلمت عليهم وقعدت،،،قلت لي وعد دي امنيه اعز رفيقه عندي واختي الماجابته امي ،،،وعد قالت لي ي سلام ربنا يخليكم لي بعض امنيه قالت ليها امين،، قلت لي وعد انا اسفه اني م نزلته شغل الفتره دي قالت لي انتي عبيطه اهم شي صحه امك والشغل ملحوق قلت ليها تسلمي ،،وليد قال لي احم احم نحن ح نمشي بعد ده ي شهد قلت ليهم لي مستعجلين كدا خليكم شويه وعد قالت لي ح نجيك يوم تاني تكون في خالتو نعمه صاحيه وهم طالعين وليد قال لي خلي تلفونك جنبك قلت لي تمام بعد فاتو امنيه قالت لي دي منو قلت ليها اخت وليد قالت لي اشي علي م شاء الله عليها مزه قلت ليها وطيوبه كمان قالت لي مش اخت وليد المزه بس النصيحه شكلو وليد ده معجب بيك وشديد كمان م شفتي كان مركز فيك كيف قلت ليها وانتي شغاله كميره مراغبه ولاشنو قالت لي اكيد حاجات زي دي م بتفوتني،،،قلت ليها بس نحن بنحب بعض واي واحد فينا اعترف لي التاني قالت لي م جاده متين الكلام ده قلت ليها قبل فتره و حكيت ليها كل شي قالت لي ي جزمه يعني انا اخر من يعلم،،،قلت ليها م جات فرصه عشان احكي ليك قالت لي حظك عشان كدا وانا اقوا وليد المزه مهتم ب خالتو نعمه وجاري ورا السبب الخلاها تدخل في الحاله دي شنو قلت ليها م فهمتك قالت لي وليد جانه البيت وطلب يحكي مع امي وفعلا حكه معاها قلت ليها وحكه معاها في شنو قالت لي م عارفه كانو بحكو في شنو لانو امي طلبت مني اخليهم براهم ودخلته الغرفه.
انا بعد م امنيه حكت لي ب الكلام ده بقيت طول الوقت مقلقه ومعدياها ماشي وجاي في الغرفه كيف وليد م يحكي لي موضوع ذي ده،،،اتصلت علي رد لي حبيبي قلت لي وليد ممكن اعرف لي م وريتني انك جيت وحكيت مع خالتو كلتوم قال لي دقيقه دقيقه واحده واحده خليني افهمك كويس بدل م انتي داخله علي ومركبه لي وش كدا،،،و ياستي كنته جاي المستشفي واحكي ليك بس لقيتكم خرجوكم وفي البيت م لقيت طريقه احكي معاك قدام وعد وامنيه،،،قلت لي وليد انت عاوز تصل لي شنو قال لي م فهمتك قلت لي ب موضوع وقعه امي قال لي بصراحه كنته عاوز اصل لي الشخص البسببو خالتو نعمه جاته الحاله دي قلت لي ووصلته لي شي قال لي مع الاسف م قدرته اصل لي مكان المراه دي قلت لي لانو مافي ليها وجود من اساسو ولا ده بعني انو هي وقعت بس عشان شافته و الحكت ليك عنها خالتو كلتوم امكن مجرد صديقه ليها م لي امي ،،،،قال لي ولي م تكون المراه دي هي السبب قلت لي لانو امي لوكان عندها علاقه ب زول اوعداو كان حكت لي انا اول واحده وم خبت عني انا اقرب ليها زول فهمته،،،،قال لي م دايما البكون شايفنو هو الحقيقه ي شهد،،،،عموما انا اسف كل العملتو بس عشان خالتو نعمه وطالمه هي بخير دي براها ب الدنيا وم مهم شي تاني،،،،قلت لي وليد م عاوزاك تزعل مني انا عارفه انو انا وامي بنهمك بس انا م عاوزاك تفتش علي شي هو م حقيقه ولا ليهو وجود من الاصل انت عارف ي وليد انت شنو بنسبه لي وعارف انو انا محظوظه بيك لانك بتهتم لي امري قال لي وانتي عارفه انو انا بحبك شديد،،،، بعدها اتونسنه ونسه عاديه ذي اي اتنين بحبو بعض.
بعد يومين وانا قاعده مع امي في البيت قالت لي شهد بنتي بعده امشي شغلك كفايه غياب انا بقيت كويسه وكمان خالتك كلتوم ح تهتم بي،،،،قلت ليها بس ي امي،،،خالتو كلتوم قالت لي انا جنبها م تخافي يلا قومي امشي شغلك قلت ليهن طيب مدام
اتفقتنا علي دخلته غرفتي وغيرته هدومي لبسته لي اسكيرتي اسود وتشيرتي كبدي وطقمته معه الطرحه والاسبورت نفس درجه التشيرت،،،،مشيت الشركه لقيت وعد بعد شافتني قالت لي شهد قلت ليها بس م تقولي لي الشغل كتر علي ضحكت وقالت لي بعد فتي خليتي علي مسؤليه كبيره بس جازفتها كيف خالتو نعمه قلت ليها كويسه وهي الاصرت عل انزل شغل،،،،،قالت لي احسن شي عملتو لانو المكتب اشتاق ليك وناس كدا ضحكته وقلت ليها تصدقي انا كمان اشتقته لي الناس ديل قال لي بجد قلت ليها ايوه،،،،قالت لي ب المناسبه خطوبتي ح تكون بعد يومين وانتي لازم تكوني معاي م عاوزه اعزار،،،قلت ليها قايتو بحاول ربنا يتم ليك علي خير قالت لي امين وعقبال م نفرح بيك انتي ووليد.
في جانب تاني
دخل غرفه عمو لقاء صاحي قال لي صباح الخير ابتسم لي وقال لي صباح النور،،، وليد قال لي لا انا شايف صحتك بقت عال العال ضحك وقال لي اولادي وجنبي اكيد ح اكون عال العال،، وليد قال لي ان شاء الله دايما كدا بس وين الليله صوره خالتو م شايفك شايله ك العاده قال لي دخلتها في الصندوق وليد قال لي بس البعرفو انك بتحب تحكي معاها وهي الوحيده البتحس معاها انو هي معاك ومفرقه ليك وموانساك قال لي اي فعلا،،،، بس امس كنته شايله وبتكلم معاها جاء شادي ولدي داخل بعد شاف صوره امو بكه واتاثر انا عارف قدر شنو هي غاليه علي ذي م غاليه علي ف دخلتها الصندوق لانو م عاوز ولدي ي تاثر ويتزكر موت امو،،،، وليد قال لي انت عارف ي عمى اني بحسد خالتو نعمه عليك لانو هي مراه محظوظه لقت شخص يحبها وهي عايشه وحتي وهي ميته م نساها ،،،قال لي ي وليد ولدي الحب لمن يكون في القلب مهما مره علي الزمن بكون زي م هو م بتغير وانا حبيت نعمه من اول يوم شفتها فيهو و دخلت علي قلبي طوالي وليد قال لي ب المناسبه انت ي عمي م حكيت لي قصتك مع خالتو نعمه وكيف لاقيته لحدي م اتزوجتها،،،،ضحك وقال لي قصتي طويله وانت اسع ماشي الشغل لمن تكون فاضي تعال وانا بحكي ليك وليد قال لي معناها اتفقنا طلع من غرفتو وهو نازل لقاهم كلهم مجتمعين وبشربو في الشاي صبح عليهم وطلع وقبل م يركب عربيتو جاهو البواب قال لي استاذ وليد دقيقه،،، وليد وقفه وقال لي اي ي عمي عثمان قال لي ده ملف وقع من الست هناء اظنها كانت مستعجله وليد قال لي طيب جيبو وانا بدي ليها في المكتب شال الفايل وخته جنبو في الكرسي،،،،واثناء م هو في الشارع كان في استوب وكان في زحمه مبالغه واقف قريب ربع ساعه بقاء يتلفت ويعاين لي العربات الما راضيه تتحرك،،،وهو بعاين لفت انتباهو الفايل قال في نفسو شكلو الزحمه دي م حتخلص احسن شي اشوف الفايل ده فيهو شنو فتح الفايل لقاء ايصالات بيع وشراء ب اسم هناء وبدريه ومعاهن رقم وطني عاين في الرقم الوطني لقاء الاسم بدريه الفضل عباس قال ده اكيد الرقم الوطني بتاع مره عمي كيف هناء بتنسه حاجه مهمه ذي دي رجع الفايل مكانو بس فجاء اتزكر الاسم وجاء في بالو بدريه الفضل عباس قال في نفسو معقوله تكون مره عمي هي نفسها بدريه الفضل البتقصده جارت ناس شهد.
⚘ثم ماذا؟!
ثم اني معلق بك كباب الجنه مفتوح بمصرعيه يقف على مشارفه" محمد صلى الله عليه وسلم.....اف لا ليتَ المُراد يريدهُ فيريدني وتريدُ دنيانا وقوعَ إرادتي⚘
#يتبع
