حبيتو اكتر من نفسي وكنته متمسكه بي رغم الظروف ولمن نجحته وشالوني الجامعه لاحظته ليهو انو م مبسوط ولا سعيد سالتو محمد انت م مبسوط لي قال لي بصراحه لا لانو انا م عاوزك تبعدي مني م عاوز مجتمع الجامعه ياخدك مني قلت لي مستحيل حاجه تشغلني او تبعدني عنك انا ليك انت وبس،،،،قال لي انا عارف كدا بس انتي لازم توعديني انو تبعدي من مجتمع الاولاد وصاحبي بنات بس،،،ولو في ولد حاول يتقرب منك صدي،،،،انا لحظته استقربته وفسرته كلامو علي انو خوف علي اصلي م ختيت حاجه تانيه،،،لحدي م دخلته الجامعه وفعلا عملته ذي ما قال لي اتجنبته كل الاولاد الفي جامعتي حتي دفعتي وصحباتي كلهن بنات ولمن نكون قاعدين ويجي ولد انا تلقائيا بقوم صحباتي استغربن فيني لحدي م سالاني يوم الحاصل شنو لي بتتجني اولاد دفعتنا قلت ليهن م بحب اختلط معاهم كلهم فكرو اني متعقده وانا م اشتغلته ب الموضوع كتير،،،في يوم كان في ماده عاوزه شرح وانا م فاهمه فيها شي كان عندي صحبتي اسمها اريج قالت لي في ولد خريج وبجي البروف وهو الوحيد البعرف يشرح،،،،بقيت مترده بين امشي معاهن اولا،،،رجعته البيت وب المساء اتصل علي محمد قال شهد مالو صوتك ده قلت لي مالو عادي قال لي م عادي م عاجبني في حاجه حاصله معاك قلت لي بصراحه اي في ماده كدا انا م فاهمه و الماده دي كل الدفعه م عارفين كيف شريحه وقالو في ولد خريج شاطر وهو الوحيد البعرف يشرحه،،،قال لي وانتي ناويه تمشي معاهن قلت لي ولي لا قال لي شهد انا وريتك راي بخصوص الموضوع ده اختلاط ب الاولاد لا نهم تافهين قلت لي بس ي محمد قال لي شهد انا قلت لا م تمشي يعني لا واوعك تسمعي كلام صحباتك و تمشي معاهن عشان يشرح ليك انا امور البنات القليلات ادب دي بعرفه واشرحي الماده براك وانا واثق انك ح تحليها وتنجحي فيها قلت لي محمد انت لي بتعمل معاي كدا لي بتمنعني اني امشي في حين انو ده في مصلحتي لي بتمنعني من انو اتعرف علي اولاد في حين انو انا بتعرف عليهم في حدود الزماله وبعدين هو مجرد زميل عايز يساعد م اكتر لي ي احمد بتنظر لي الاولاد نظره انهم عاوزين يستقلوني بجد بقيت انا م فاهماك ،،،،،قال لي ابدا حبيبتي انا خايف عليك الاولاد م ليهم امان وانا عاوز مصلحتك وعاوزك لي براي انا اناني فيك م عاوز زول يشاركني فيك حتي دخولك الجامعه انا م كنته عاوزو بس عشان اصرارك وافقته انا عاوز مصلحتك صدقيني،،،،قلت لي تمام وقفلته منو وانا م مقتنعه ب كلامو تاني يوم وانا في الجامعه صحباتي قالو لي ورح نمشي لي وليد يشرح لينا قلت ليهن امشن أنتن انا م مشاء قالن لي راحتك وفعلا مشن بعدها ب نص ساعه مشيت لحقتهن بقيت اعين ليهن من بعيد شفت واحد كان قاعد وماسك الشيت وبشرح ليهن قعدته في البنش المقاصد ليهم ولا اراديا بقيت اتمعن في ملامحو وسرحته فيه ولي اول مره اتمعن ملامح ولد م عارفه بس في شي جزبني لي خلاني م ابعد عيوني عنو،،،كان اسمراني ملتحي عندو وجنه علي خدو اليمين لمن ابتسم،،، فجاء رفع عيونو وشافني مركزه معه بعد شفتو عاين لي زحيت عيوني منو وكل دقيقه يعاين لي بعد شفتو مركز معاي شديد قمته من مكاني ومشيت بس لحظته صحبتي انتبهت لي قالت لي شهد تعالي خلي وليد يشرح ليك لانو نحن شرح لينا بجد شرحو حلو وبحلول مبسطه،،،لحظته اتصمغته في مكاني كيف يشرح لي وكيف ح افهم منو ووعدي لي احمد لا مستحيل مشيت من غير م ارد عليها ،،،يوم الامتحان كلهم طلعو مبسوطين لانو جاء نفس الشرح الشرحو ليهم وليد،،،بس انا طلعته وكنته في حاله لايرثه عليها ماشتغلته ولاشي في الامتحان خليت ورقت الاجابات فاضيه لاني م عرفته اكتب شنو لحظته انبته نفسي وقلت ياريت لوسمعته كلامهن ومشيت معاهن عشان يشرح لي ،،، قعدته في الشجره الجنب القاعه وبكيت بكل مافيني فجاء اسمع ليك صوت واحد قال لي الامتحان صعب صاح عاينته لقيتو نفس الولد الكنته مركزه فيه لمن كان بشرح ليهن بقلبي قلت ده الجابو شنو هنا كمان،،،،قال لي م قلتي لي بتبكي مالك عشان الامتحان صعب صاح،،،قلت لي م ضروري ابرر ليك وم عندك شغله فيني،،،،ضحك وقال لي لسانك طويل مع انو ملامحك بريئه،،،انتي عارفه انا زمان كنته زيك كدا بطلع من الامتحان وبكون م حالي ولاشي كل الفي دفعتي كانو بطلعو مبسوطين واصحابي كانو بحبطوني وبقولو انو انا واحد فاشل في حين انهم هم كانو كل مره بقولو لي نشرح سواء المواد لانها صعبه كنته بشوفهم مجموعه بشرحو وبراجعو بس انا م كنته بشتغل بيهم وبصيع مع اصحابي الفاشلين الكانو بقولو لي قرايه شنو عيش حياتك بس لمن رسبت عرفته انو اصحابي الكنته م بسمع كلامهم كانو عاوزين مصلحتي وانا قضيته علي الفارقه مع شلتي الفاسده ،،،بس انا بعد شفته نفسي وقارنته كلامهم لقيت نفسي اني فعلا فاشل و قتها قررته انو لازم اتحدا نفسي واثبت نفسي في الامتحان واتغلب علي مخاوفي صاحبته ناس هدفهم الوحيد تحقيق الذات انتي عارفه لمن عملته كدا حصل شنو،،،،ركزته في كلامو من غير م ارد علي ضحك وقال لي عارف عندك فضول تعرفي صريت لي وشي ضحك وعن جمالو وهو بضحك نسيت نفسي والعالم والامتحان الطلعته منو وانا م شغاله فيه،،،قال وين شارده قلت لي ولاشي ابتسم وقال لي لمن عملته كدا نجحته لاني خليت مخاوفي وراي وفكرته انو م كل نهايه طريق معناها فشل بلعكس كل نهايه فشل نجاح بس لمن يكون عندنا اصرار وعزيمه ولمن يكون عندنا اصحاب بدعمونا وبقيفو معانه ولمن م نخلي كلام الناس ياثر فينا او انهم يفرضو رايهم علينا لانو ربنا لمن خلقنا خلقنا مستقلين وميزنا ب العقل عشان كدا اي قرار بنتخزو،،،، بنتخزو بذات نفيسنا وانو انحن واثقين انو ده الطريق الصاح م بنخلي اراء الناس هي البتسيطر و بتمشي علينا لانو وقتها حنكون فاشلين فعلا وم اخدنا مسارنا الصحيح الممكن نمشي علي خليك عارفه انو الحياه دي قصيره شديد عشان كدا عيشيها صاح وذي م انتي عاوزه وصاحبي الناس الصاح لانو مستحيل الواحد يعيش من غير اصحاب ومعارف م تخلي شي يقيف في طريقك وخلي الارادا والعزيمه والاصرار والنجاح هن مفتاحك في الحياه وقتها بس حتشوفي حياتك في المكان البتتمني،،،،وقام فات مني من قبل م ارد علي كلامو لحظته حسيت وكانو فاهم الجواي شنو وكانو عايش معاي ومن يومها قررته اني عيش حياتي ذي م عاوزه انا ،،،وفعلا صاحبته كميه من البنات والاولاد وكانو دايما بقفو معاي لحظته اتمنيت الاقي تاني واشكرو بس م لاقيتو محمد كان دايما بقولي ابعدي من مجتمع الاولاد والبنات الفاشلات وهو م عارف انو انا دخلته المجتمع ده ولقيتهم هم سبب دعمي وتفوقي لقيت انهم م فاشلين بلعكس فاهمين الحياه صاح ،،،لحدي م اتخرجته بمعدل ممتاز ،،،، في يوم وانا بتصفح علي الانترنت لقيت وظيفه سكرتاريه في شركه استيراد وتصدير قدمته فيها وبعد يومين جاتني رساله انو قبلوني حسيت الدنيا م سايعاني وأخيرا ح ابدا حياتي البتمناها،،،،لحظته كان عرسي من محمد فاضل لي شهر،،،بعد كلمتو انو انا قبلوني في شركه زعل وشاكلني قال لي كيف تشتغلي انتي م عارفه راي في الشغل شنو اذا انا ب الجلاله سمحت ليك تقري بس عشان تطوري نفسك وتعلمي اولادك بعدين م عشان تجي تقولي لي عاوزه اشتغل المراه حدها بيتا تهتم ب اولاده وراجله وتوفر ليهم كل طلاباتهم في البيت والراجل م بقصر منها،،،،قلت لي المراه في نظرك مجرد اله صاح تطبخ تنضف تربي الاولاد وم عندها دور تاني في الحياه،،،قال لي بظبط كدا.
#يتبع
