الرواية قيد الكتابة فاول ما الماتبة تنزل انا بانزل ان شاء الله
فشيلوا الصبر في الباقي
ــــــــــــــــــــــــــــــــــــــــ
طلعنا قالت لي دقيقه الاجي وليد وفعلا اثناء كلامه وليد جاء وكانت معه هناء وكان ظاهر علي وشو الخوف والقلق ركب العربيه وعد ركبت معه قدام وانا ركبته وراء هناء بعد شافتني راكبه قالت لي انتي ماشا وين يلا انزلي بس وليد قال ليها بعصبيه انتي في شنو ونحن في شنو ده ما وقت نقاشك عاوزه تركبي اركبي م عاوزه ارجعي كان اشوف ليك زولتك طوال ركبته وخشمه ده م فتحتو معاي لحدي م وصلنا المستشفي،،،،بعد دخلنا وصفو لينا الغرفه المرقد فيها كانت في بنت قاعده جنب باب الغرفه ومعاها وائل من ماشافت وعد حضنته وعد قالت ليها احكي لي الحصل شنو ي ياسمين قالت ليها م عارفه انا لمن جيت غرفتو لقيتو كاضم وم بتفاهم معاي حاولته اصحي بس م صحه جبنا علي المستشفي هنا علي طول،،،، وليد قال ليها طيب هو اسع وين والدكتور قال شنو وائل قال لي قال كومه سكري بس الحمدلله قدرو يلحقو واسع كويس وحاليا راقد جوه في الغرفه،،،،،كلهم دخلو فضلتا انا الواقفه برا كنته عاوزه ادخل بس في شي منعني واتزكرته كلام هناء انو انا جايه هنآ بصفتي شنو عاوزه اطلع من المستشفي بس في الحظه دي حسيت انو م صح امشي طالمه انا جيت معاهم لحدي هنا لازم اطمن علي واكيد وعد ح تزعل لو مشيت كدا،،،دخلته لقيتهم كلهم متجمعين حولي بجد كان في شعور كدا م مفهوم حسيت بيهو اول م دخلته،،،،لقيت راجل راقد شكلو كدا في اواخر الاربعينات كان اسمر و الشيب مالي راسو الغريبه انو وسيم شديد م كنته متوقعه كدا كنته قايله راجل عجوز فضلتا اراقب فيهم من بعيد وليد كان قاعده جنبو قال لي كدا تخوفنا عليك ي حاج ،،،ضحك وقال لي طالمه انتو جنبي عوجه م بتجيني،،،،وعد قالت لي انت كدا علي طول ياعمي بتاخدنا ب الكلام الحلو بس عشان م نقلق عليك،،،ياسمين قالت ليها مشكلتو م بسمع الكلام وم بياخد الدواء في مواعيدو ودايما قالقني علي ولو م كدا م حصل لي المرحله دي،،،،،انا لحظته ركزته في ملامح ياسمين فيها ملامح كبيره من ابوها نفس العيون نفس الرموش نفس الغمازات الا اللون هو اسمر وهي حلبيه،،،،وعد بعد شافتني قالت لي شهد تعالي قربته منهم وانا دقات قلبي بتضرب ب سرعه قالت لي عمي اعرفك ب شهد سكيرتيرتي وصحبتي بجد مافي منها اتنين شاطره في كل شي واول م عرفت انك تعبان اصرت انو تجي معاي وي شهد اعرفك ب عمي عبدالله احسن عم في الدنيا قربته منو وقلت لي معافه ان شاء الله ،،،،بس هو كان بعاين لي وهو ساكت استقربته فضل يتمعن فيني مسافه بعدها قال لي تسلمي ي بنتي،،،،وليد قال لي وعد انا ح امشي اشوف الدكتور واجي طلع بعدها جات الممرضه قالت لينا ياريت تطلعو وتخلو المريض يرتاح طلعنا كلنا بس وانا طالعه حسيت انو في شي بجزبني لي الراجل قلت في نفسي شي غريب امكن عشان فاقده حنان الاب ف شي طبيعي تحسي ب انجزاب لمن تشوفي اب حولينو اولادو،،،،بعد طلعنا جات مره كدا وظاهر عليها من شكلها انها مره قادره ومتسلطه قالت لي هناء قالو شنو الدكاترة ردت ليها وعد وقالت ليها بهمك امرو م اظن لانو لو كان بهمك كان جيتي معاه م جايه اسع وتسالي عن اخبارو قالت ليها م شغلتك و انا حره اجي متى م اجي ده شي م بخصك وعد قالت ليها افتكر الجوه ده راجلك يعني انتي المفروض تكوني مسؤوله منو م غيرك بس نسيت انو انتي م فارق معاك عايش ولاميت لانو كل البهمك قروشو وخيرو العايشه في حاليا وخايفه في يوم تخسري وترجعي تشحدي انتي وبناتك عشان كدا انتي هنا،،،، قالت ليها احترمي نفسك وم ناقصه معاك لماضه ي عديمه التربيه وعد قالت ليها ربي بنات ب الاول وتاني تعالي اسالي عن تربيتي هناء قالت ليها امي م تشتغلي بيها وم تختي عقلك ب ناس م بتستاهل تتكلمي معاهم،،،،وعد قالت ليها طيب مدام كدا اتفضلي اخدي امك من هنا لانو المكان ده ما بناسبه وهي كبيره كدا في العمر ف م معروف امكن تجيها جلطه من كلامي وضحكت،،،، هناء ساقت امها وهن غضبانات غضب،،،،،بعد فاتن ياسمين ضحكت وقالت لي وعد بجد قدرتي عليهن وعد قالت ليها الزيهن بستاهلن اكتر من كدا ولو بيدي اخنقن الاتنين وارتاح منهن ومن شرهن قلت لي وعد بصراحه انا من م شفتها م ارتحته ليها المراه دي قالت لي م تشوفيها كدا دي واحده سوسه ياسمين عاينت لي وقالت لي مع اللخمه نسيت اتعرف عليك انا ياسمين بنت عم وعد قلت ليها عرفتك من الشبه لانك بتشبهي ابوك شديد قالت يعني م شبه كدا بقولو علي لانو ابوي علي طول بقول لي انو انتي م شلتي مني غير العيون ووارثه من امك اللون والشعر قلت ليها ربنا يخليهو ليك قالت لي امين ويخلي ليك والديك،،،بس انتي عارفه ي شهد انو ابوي ده اغلى حاجه عندي بجد عوضني عن كل شي في حياتي كل م احس اني مشتاقه لي امي كان ب حتويني وم بحسسني ب عدم وجوده واي شي كنته بتمناهو بلقاهو فورا جابو لي كان سندي في اي مشكله ب تحصل لي بلقا واقف معاي قالت بجد لي الاب ده نعمه عظيمه ،،،،،قلت ليها انا عكسك تماما انتي انحرمتي من حنان الام بس لقيتي ابوك وكان سندك ووجوده كان كافي بنسبه ليك لانو م بخليك م حتاجه لي شي اما انا اتحرمته من حنان الاب وربنا عوضني ب حنان الام الكانت بنسبه لي كل شي اتحملت حاجات كتيره بس عشاني اشتغلت وتعبت وساهرت الليالي بس عشان تعلمني احسن تعليم بس فراغ الابوه صعب انك تسدو لانو وجود الابو شي اساسي في الحياه خصوصا لمن يكون داعمك في كل حياتك تحسي انو انتي ليك سند تتحامي بيهو بس انا وامي كنا بنسند بعضنا ونتقاو ببعض،،،،ياما اتعرضنا لي اتهاض من الناس لحظته اتمنيت يكون عندي ابو او اخ يدافعو عننا بس الحياه كدا م كل شي بتتمني ممكن تلاقي،،،،ياسمين قالت لي انا اسفه م كنته عارفه قلت ليها ده الواقع والواحد لازم يرضه ب واقعو م تاخدي في بالك قالت لي علي فكره ي شهد ظاهر انو انتي بنت حبابه وانا من اول م شفتك حبيتك قلت ليها وانا كمان وعد ضحكت وقالت لينا ي سلام قربته ابكي من كلامكن حرام عليكن فجاء تلفونه اتصل ردت قالت لي انت جادي لا خلاص تمام بعد قفلت قالت لي ياسمين اتخيلي ده منو قالت ليها منو وعد قالت ليها شادي وقال انو حجز علي اول طياره وحيصل المساء بقن الاتنين يصرخن ويضحكن قلت ليهن براحه نحن في مستشفي حتين سكتن وعد قالت لي واخيرا ح اشوفو ب ابتسامه كدا بقينا نعاين ليها انا وياسمين قالت لينا لا يعني قصدي انو قلت ليها بتحبي صاح ضحكت وقالت لي يعني فهمتني قلنا ليها واضح عليك قالت لينا فوق م تتصورو انا بحبو ياخي ده حب حياتي من الطفوله بعدها بقينا قاعدين اتونسنا ذينتي م خلينا شي م حكيناه بجد اول مره الاقي ناس ب النقاء والطيبه دي وفعلا الانسان لمن يكون معدنو كويس من جواهو ربنا برسل ليه ناس زيو في نفس الطيبه والنقاء،،،،،،، بعدها قلت لي وعد اني لازم امشي بعده لانو الوقت ح يتاخر وم حالقاء مواصلات وانو لازم ارجع البيت بدري قالت لي تمام قلت ليها طمنيني علي عمو عبدالله ب التلفون قالت لي تمام طلعته لقيت موقف قريب من المستشفي بعدها ركبته ورجعته البيت اخدته لي دش وغيرت هدومي واخدته لي نومه م صحيت الا بعد العشاء صحيت وانا جعانه طلعته من الغرفه لقيت أمي قاعده تصلي دخلته المطبخ لقيت ملاح رجله سخنتو واكلته بعدها طلعته لقيت امي قاعده في السرير وماسكه سبحته بتسبح قعدته جنبها ورقدته في رجلينا قالت لي الشاغلك شنو ي بنتي قلت ليها كتير بس انتي عارفه ي امي وعد مديرتي في الشركه الليله عمها تعب مشيت معاها المستشفي حكيت لي امي كل شي حصل قالت لي ربنا يقومو ب السلامه بجد الظاهر علي راجل طيب قلت ليها فعلا بس اتخيلي ي امي انو مرتو الاوله ميته وخلت لي بنت وولد وبعدها....فجاء سمعته صوت تلفوني بتصل قمته دخلته الغرفه لقيتو رقم غريب قلت لي الو قال لي شهد طوالي عرفتو من صوتو لاني المره الفاتت م سجلته رقمو قلت لي ايوه قال لي حصلتي كيف قلت لي تمام الحمدلله قال لي لمن جبته العلاجات وجيت لقيتك مافي سالته منك وعد قالت لي انو انتي مشيتي ممكن اعرف لي م انتظرتيني قلت لي لانو الوقت اتاخر وم كنته حالقى مواصلات قال لي شهد انتي لسه خاته حدود الرسميه دي بينا قلت لي لا م كدا بس م حبيت ازعجك لانو لو انتظرتك اكيد ح تطر انك توصلني وانا م عاوزه اتعبك معاي كفايه وقفتك في المستشفي مع عمك،،،،قال لي م عليك اذا ح اتعب ولا بس تاني مره م تتصرفي علي كيفك واعرفي انو انتي اهم شي بنسبه لي انا اسع ماشي علي المطار اجيب ودعمي شادي وفي نفس الوقت حابي احكي معاك،،، لي بعدين كدا بتكوني صاحيه ولا نايمه قلت لي انا حاليا م عندي برنامج وح امشي انوم قال لي طيب تمام اخدي راحتك وبكره بنحكي،،،بعد قفل الخط بقيت مستغربة معقوله الحب بغير الواحد بسرعه كدا رقدته في السرير وانا بفكر في حياتي الانقلبت 180درجه من اول يوم عرفتو فيهو
في جانب تاني
وصل المطار وهو بتلفت م فاهم اي شي قعد في صاله الانتظار وكل دقيقه بعاين في الساعه البنات كل انظارن علي ومشلقات فيهو وهو مستقرب من نظراتم بس م اشتقل بيهم لحدي م شافو من بعيد قرب منو و حضنو علي قال لي ساعه عشان تجي ضحك وقال لي علي اساس انو جاي من برا ودقيق في مواعيدك بس تصدق انو انا اشتقته ليك ي صحبي واخير البلد نورت،،،، ضحك وقال لي شنو ي وليد علي اساس انو هي كانت مضلمه من غيري ،،،،، وليد قال لي مضلمه علي ابوك واختك البفكرو فيك طول الوقت،،،،قال لي وانا جيت من هناك عشانهم يلا نمشي لاني زهجته من القعده هنا وهم في العربيه وليد قال لي اها ي شادي م ناوي تجي وتستقر هنا م كفايه غربه قال لي انت فاكرني مبسوط وانا هناك ابدا بس انا من الحظه الفقدته فيها امي ورحلت من الدنيا دي اخدت معاها كل طعم الفرح الكان في حياتي حتي شادي بتاع زمان الكان بضحك من قلبو م نفسو شادي بتاع اسع الزمن اتغير بس الفي القلب ذي م هو كدي سبيك من الكلام ده اها م لقيت لي شقه اقعد فيها الكم يوم ديل وليد قال لي شقه لي شنو م حتنزل في البيت معاي ضحك وقال لي بيت اي بيت انا م عندي بيت هنا ولو قصدك البيت الكنته عايش فيه زمان ف من يوم م دخلت علي المراه ديك هي وبناته بقاء م بيتي و انت عارف كويس ي وليد انو انا مستحيل ادخل البيت دك تاني طول م المره دي عايشه في وليد قال لي انت م عاوز تنسه لي ياخي الزمن اتغير وداك بيتك وليك الحق فيهو،،،،قال لي كان زمان بس حاليا لا انا مستحيل انسه انو هي كانت السبب في كل شي حصل لي وانا مستحيل اقعد معاها في مكان واحد واضمن ليك انو م ارتكب فيها جريمه ،،،،،وليد قال لي طيب بعد نمشي المستشفي اول بعدها ح اوديك تقعد في الشقه بتاعتي.
⚘ "أسوأ الفترات حزنًا هي التي يكون فيها حزنك بينك وبين روحك فقط، لا أحد يعلم مافي داخلك لأنك لم تبُح.. فيظنّون أنك في نعيمٍ من أمرك ويُلقون عليك أشياءً لا تطيقها ف لو علمو م في قلبك لاهربو مهروعين من قسوه اللم⚘
#يتبع
