الرواية قيد الكتابة فاول ما الماتبة تنزل انا بانزل ان شاء الله
فشيلوا الصبر في الباقي
ــــــــــــــــــــــــــــــــــــــــ
تاني يوم جاتني امنيه من الصباح قلت ليها في شنو جاياني من صباح الرحمن كدا قالت لي انتي ناسيه ولا ازكرك قلت ليها ي بنت الحفله م اسع المساء قالت لي م انا عارفه بس نحن لازم نعمل صنفره واعاده تاهيل يلا قومي كفاك نوم ولاكنتي مساهره مع حبيب القلب قلت ليها حبيب القلب م بخليني اساهر قالت لي م هو عارف انك حماره نوم قايتو الله يعينو بعد يعرسك،،،،قلت ليها امنيه قالت لي خلاص الزول م يهظر معاك الله يجيب لي البياخدني معه واطفش من السودان ده قلت ليها آمين قالت لي اي كتري الدعوات عارفاك شيخه كدي النقوم اشوف خالتو نعمه عامله شنو لاني جعانه ضحكته عليها بجد البنت دي مجنونه م نصيحه،،،،اليوم كلو عديناهو ماسكات علي غيرو اخر حاجه كان المكياج امنيه عملت لي مكياج خفيف لاني م بحب المكياج الكتير بعدها لبسته الفستان الجابو لي وليد والغريبه طلع ظابط فيني ونفس مقاسي استقربته وليد عرف مقاسي من وين،،،،امنيه قالت لي يبنت سرحانه وين قلت ليها ولا مكان عاينت لي من فوق لي تحت قالت لي بس بجد كدا ي شهد اعلن انبراشي يبنت الحلاوه دي جبتيها من وين انتي عارفه لوكان عندي اخو كان حجزتك ليهو بجد محمد ده كان اعمى يسيب الجمال ده كلو ويعاين لي واحده تانيه ليهو الحق يجي ندمان،،، وليد بعد يشوفك حيكون شعورو شنو قلت ليها عادي ويلا اطلعي قدامي طلعنا امي قالت لي م تتاخرن قلت ليها تمام فجاء تلفوني اتصل كان بتاع ترحال قال لي انا في الظلط م عرفته ب اي شارع قلت لي خليك نحن بنجيك هناك مرقنه من البيت ونحن ماشين صادفنا محمد في نص الشارع وقف وعينو م شاله مني قال لينا علي وين امنيه قالت لي م بخصك ويلا زح لينا من الشارع عشان نعدي فجاء تلفوني اتصل عاينته في الشاشه لقيتو وليد محمد كان براقب فيني فصلته فيهو الخط ومحمد م رضيان يزح لينا من الشارع،،،تاني اتصل محمد قال لي ردي قلت لي افتكر دي حاجه م بتخصك وبعدين انت تطلع منو عشان تسالني ارد ولا ،،،دي حاجه بترجع لي وانت م عندك دخل فيني قال لي لا عندي لانو لسه انا باقي عليك امنيه قالت لي ده كان زمان بس حاليا لا وياريت تمشي تثبت رجولتك دي علي مرتك م علينا فاهم قلت لي امنيه مافي داعي تتناقشي مع شخص تفكيرو عقيم لانو م حيفيد ب شي و يلا نمشي مشينا وخلينا واقف لقينا بتاع ترحال منتظرنا ركبنا امنيه قالت لي كان تخليني اوري التافهه ده قيمتو كويس قلت ليها ده واحد مريض مافي داعي نتناقش معه،،،،اتزكرته مكالمه وليد عاينته لقيت عشره مكالمات قلت لي امنيه وليد متصل علي كتير قالت لي ارجعي لي اتصلته علي قال لي وين انتي بتصل عليك م بتردي انا شويه وبصل عندك قلت لي لا م تجي نحن ركبنا ترحال قال لي كيف يعني شهد انا م كلمتك انو انا ح اجي اسوقك قلت لي م كنته عاوزه ازعجك لانو بتكون مشغول بما انو الليله العرس وخطوبه وعد في نفس الوقت المهم جاط معاي زينتي بعدها قال لي طيب تمام بعد تصلي الصاله ارجعي لي بعد قفلته منو،،،، اتصلت علي وعد قالت لي انتي وين قلت ليها ماشاء علي الصاله قالت لي لا م تمشي تعالي لي البيت قلت ليها بس انا م عارفه بيتكم وين قالت لي اديني بتاع ترحال اديتو ليها وصفت لي البيت بعد وصلنا نزلنا قدام بيت اقل م يقال عنو خرافي امنيه قالت لي واي ي شهد انتي متاكدا انو ده البيت الوصفتو لينا قلت ليها اكيد قالت لي النصيحه بيتهم خرافي ذي ده بنشوفو في الاحلام دخلنا لقينا بتاع البواب فتح لينا باب الشارع بعدها مرينه قدام حديقه فيها حوض سباحه والجهه التانيه طقم بتاع جلوس وجنينه بعدها وقفنه جنب الباب بتاع البيت ضربته الجرس جات الشغاله فتحت الباب قلت ليها وعد قاعده قالت لي اي فوق في غرفته دخلنا البيت كان الديزاين بتاعو روعه امنيه قالت لي واي ي شهد ده بيت ولاقصر الشغاله قالت لينا وعد في الطابق الفوق الغرفه العلي يدك اليمين طلعنا لقينا وعد قاعده ومعاها بنت وعد قالت لي م اتاخرتي قلت ليها خوفتيني عليك في شنو قالت لي شادي في الصالون وانا لي ساعه منتظره ووليد فات يجيب العرسان من الكوفير وناس البيت كلهم في الصاله وانا هنا براي منتظره،،،،عشان كدا قلت احسن شي اتصل عليك وتجي تكوني معاي،،،،اها رايك شنو في الفستان قلت ليها حلو بس انتي طالعه احلا قالت لي نسيت اوريك دي خبيره التجميل سالي هي العملت لي المكياج ده لانو م بحب امشي الكوفير وهي جات مخصوص عشاني بقينا منتظرين لحدي م جاء شادي ووعد شاكلتو زينتي بس هو اعتزر منها بجد حلوين وهم مع بعض واثناء م نحن طالعين اتصل علي وليد قال لي وين انتي م شايفك في الصاله قلت لي انا مع وعد في البيت وحاليا طالعين قال لي خليك انا الحا اجي اسوقك تمام م تتحركي قلت لي بس ،،،،،،وقبل م اكمل كلامي قفل الخط شادي قال لينا يلا اركبو قلت لي لا امشو انتو انا منتظره وليد شادي قال لي احم احم ضحكته وقلت لي م عاوزين نكون عزول بينكم وبعدين اليوم ده يومكم ولازم يكون في بينكم خصوصيه شويه،،،،وعد قالت لي ماشي بس نحن كمان م ح نخليك براك وح ننتظر لحدي م وليد يجي شادي قال ليها فكره كويسه انا ح امشي اطلع العربيه برا،،،بعد شادي مشه امنيه قالت لي انا دايره امشي الحمام وعد سمعته قالت ليها اطلعي غرفتي فوق امنيه م انتظرت ترد ليها وطلعت جري واول غرفه دخلت فيها وهي طالعه من الحمام اطقشت ليها مع زول،،،،،وقبل م ترفع راسه قالت لي اسفه قال ليها انتي منو وبتعملي شنو في غرفتي قالت لي انااااا قال ليها شنو انا منو الازن ليك تدخلي هنا هي وكاله من غير بواب قالت لي انا جيت عشان الحمام وبعدين انا البعرفني شنو انو الغرفه دي بتاعتك قال ليها انتي غنمايه بتدخلي ساي كدا قالت لي انا حره ادخل المكان البعجبني وانت م عندك دخل واحد م تخلف طلعت من الغرفه وخلتو واقف مصدوم،،،،،نزلت وهي بتنعل فيهو انا شفتها نازله وهي بتتكلم براها قلت ليها مالك اتاخرتي كدا وبتتكلمي براك مالك جنيتي قالت لي في واحد متخلف لاقاني فوق جاب كثافتي وعد قالت ليها واحد،،، فجاء شافتو وهو نازل ،،،وعد قالت ليها انتي قصدك امجد قالت ليها واسمو امجد كمان مفروض يسمو سيد سخيف وعد قالت لي تعال ي امجد نزل وهو بعاين لي امنيه بنظره كره وامنيه كذالك م قصرت وعد قالت لينا ده ود عمتي امجد،،،،امجد دي شهد صحبتي ودي امنيه بنت اهل شهد قال لينا اهلا وسهلا فجاء جاء شادي ومعه وليد داخلين،،،،،شادي قال لينا بعده نحن نستاذن وليد كان واقف وبعاين لي شهد بنظره اعجاب كلهم لاحظو لي ،،،،شادي قال ليهم احم يلا نمشي وطالمه امجد هنا ح نمشي اي زول بعربيتو انا ووعد وليد وشهد وامجد و امنيه،،،امنيه قالت لي انا اركب مع المجنون ده مستحيل امجد رفع ليها حاجبو كلهم انتبهو ليها قالت ليهم لا قصدي انو وقبل م تكمل كلامه امجد عاين ليها بنظره استفزاز قال ليهم ح تمشي معاي ،،،،بعد طلعو انا وليد كنا اخر ناس ونحن جنب الباب وليد جراني من ايدي قال لي خليهم يمشو نحن ح نجي ب راحتنا قلت لي بس قال لي هس ولاكلمه سكته قال لي بالمناسبه انتي ناويه تجلطيني مش كدا قلت لي كيف يعني قال لي ب حلاوتك دي،،،،قلت لي وليد نحن كدا ح نتاخر قال لي ياخي نتاخر شنو انا بمراضي ادسك من عيون الناس ومافي زول يشوفك غيري،،،،،قلت لي وليد بطل ياخ ويلا نمشي ضحك و قال لي نفسي يوم واحد تبطلي خجلك ده و اسمع منك كلام سمح وتترمسني معاي الرومانسيه معدومه عندك،،،،قلت لي انت عارف انو كلامك بلخبطني وم بعرف ارد علي غمز لي وقال لي رايك شنو انا اعلمك ،،،،فجاء تلفونو اتصل قال في نفسو ده وقتو ده منو الداير يقطع علينا ام الحظات الذي دي جاهو صوت خالتو قالت لي انتو وين وشادي م برد علي تلفونو لي قال ليها شادي تلفونو طافي كهرباء و نحن جاين شويه وبنكون عندكم وقفل ضحكته وقلت لي نمشي قال لي امري لله قلت لي اممم قال لي اممم شنو الله يلمنا في بيت واحد قولي امين ضحكته وقلت لي جمعا قال لي جمعا بتاعه الساعه كم يازوله انتي ناويه تتزوجي غيري قلت لي ولي لا امكن الاقي زول حنين يحبني اكتر منك قال لي والله الاكان عاوزه يترحم علي نفسو لانو مافي زول غيري حكتوني لي ضحكته وقلت لي،،، لي انا بحب لي مجرم قال لي فيكي كتيل عديل قلت لي طيب ي سيدي يلا نمشي لانو اتاخرنه عليهم قال لي م تخلينا شويه ياخ قلت لي لا مسكتو من ايدو وطلعنا ،،،، وصلنا الصاله ونحن داخلين وليد مسك ايدي حاولته ازحه بس هو كان ضاغط عليها قال لي م تحاولي لاني م ح افكه كل الناس انظاره علينا قلت لي وليد الناس بتعاين لينا قال لي ويعني كدا كدا ح تكوني مرتي قدامهم سحبتها منو براحه قلت لي بعد ابقاء مرتك امسكه براحتك ضحك وقال لي الله يجيب اليوم ده مشينا المنصه باركنا لي العرسان ولي شادي ووعد الخطوبه وليد مسكني من ايدي وقال لي تعالي قلت لي موديني وين قال لي انتي تعالي معاي بس وداني طاوله كان فيها مرتين واحده بتشبه العروس والتانيه كانت فيها ملامح من وليد عرفتها انو هي امو ،،،،،وليد قال لي اعرفك ي شهد دي عمتي ودي امي،،،،عمتي امي اعرفكم ب حبيبتي ومرتي شهد ضربتو في كراعو قال لي حياتي مالك ضارباني في كراعي عمتو ضحكت قالت لي خجلته البنت واهلا بيك يبنتي وم تشتغلي ب وليد ده تعالي اقعدي قعدته و طول العقده م خلن لي سوال شي انتي من وين واذا عندي اخوان ولا قايتو اسئله كتيره بس بجد الونسه معاهن حلوه طول الحفله كانن بتونسن معاي م خلن شي م حكنو حتي عن ايام زمان واسع وانو جيل زمان م زي جيل اسع بجد طلعن ظريفات.
في جانب تاني
امي ياها دي البنت الخلت وليد يبعد مني قالت ليها وينه قالت ليها امي م شايفاها ياها القاعده مع ام وليد وبثينه،،،، امي م شايفاها مسيطره علي الوضع كيف قالت ليها يعني دي هي بالله ،،،،ظاهر عليها قادره شكلو كدا سحرتو ب جماله فعلا طلعت م هينه ليها الحق توقعو في حبها ب سماحته دي بس م علي بدريه اصبري وشوفي ح اعمليك فيها شنو دي حفرت قبرها بيدها اسمعيني انتي لازم تنفزي الح اقولو ليك ده ب الحرف الواحد جيبي اضانك،،،قالت ليها خطه جهنميه ي امي اتاريك م هينه وافكارك عظيمه ضحكت هي وبنتها ضحكه خباثه وقالت ليها عيب دي انا بدريه.
انا كنته بفتش علي امنيه بعيوني بس م كنته شايفاها استاذنته منهن وقمته لفيت الصاله كلها بس م كانت عاينته لي وليد بس برضو م كان ظاهر اتصلت علي تلفونو مغلق،،،،طلعته برا الصاله عاينته يمين شمال م كان لي اثر بس لمحتو جنب الزاويه بتاعه الصاله،،،قربته منو م كان براهو معاهو واحده حاضناهو وبتبكي في حضنو وهو شغال يهدي فيها لا اراديا دموعي جرو م كانو منتبهين لي قلت ليهم ده مكان عام وغلط البتعملو فيهو ده افرضو زول غيري شافكم حيقول عليكم شنو،،،وليد بعد سمع صوتي زحه البنت واتلفت علي عاينته في البنت لقيته هناء قلت لي ذي م اتوقعته
⚘كم ادركت أن الطريقة التي أُحب بها الأشيـاء هي من تكسر قلبي، وليست الأشياء نفسها تفعل،،،،ف الفرق بيننا
أنني لا أشعر بقوتي إلا معك ..ولا أشعر بضعفي إلا أمامك ..
أما أنت ، لا تشعر بضعفك إلا معي .. ولا تشعر بقوتك إلا أمامي ..وهناك فرق كبير⚘
#يتبع
وشتقنا😊😊
