تاني يوم جيت الشركه بدري بس لقيت وعد لسه م جات استغربته علي طول بتجي بدري،،،،فضلتا ساعه واتنين بس م جات اتصلت عليها تلفونه مقفول اتزكرته انها مدياني ملف المشروعات وطلبت مني اناقشو مع وليد لانو كان فيهو غلط شلته الملف وطلعته واثناء م انا داخله علي المكتب سمعته صوت هناء بتتكلم مع واحده قالت ليها اها ي هناء امورك كيف مع وليد م شايفه في تطور هناء قالت ليها لسه بحاول معه ومصيرو يكون لي اول خطوه كانت انو اكون معه في الشركه واحده ودي نجحت تاني خطوه لازم اخلي يحبني ويكون ملكي وحاليا شغاله عليها والا م اصل لي في النهايه و تالت خطوه لازم اخلي كل املاكو دي تكون ب اسمي انا وبس،،، انتظري وشوفي صحبته قالت ليها خطتك حلو بس زولك ده مفتري وشايف نفسو شديد ح توقعي كيف هناء قالت ليها بصراحه هو مفتري وده الحببني فيهو م عندو شغله ب البنات قالت ليها بس النصيحه ي هناء كيف قادره تمسكي نفسك قدامو لا وكمان هو معاك في نفس البيت انا لو كنته مكانك كل يوم اصبح بيهو واتمسه بيهو وبطريقتي الخاصه كان وقعتو في شباكي من زمان،،،،هناء قالت ليها الذي وليد ده صعب انو توقعي ب الساهل كدا صحبته قالت ليها النصيحه هو شخصيه وكسار هناء قالت ليها المشكله انو مكسرني عديل و كل م اشوفو بتمني اكون في حضنو ويحتويني صحبته قالت ليها طيب جربي معه طرق الاغراء هناء قالت ليها وحاتك جربته معه كل انواع الاغراء بس ي جبل م يهزك ريح كانو م شايفني ولا شايلني من ارضي اتخيلي امس جاء راجع البيت متاخر انا بعد شفتو دخل غرفتو لبسته احسن شي عندي ومفصله علي تفصيل وفكيت شعري ورشيت كل بخاخ الريحه علي قلت دي فرصتي امكن بعد يشوفني ويشوف جمالي ده يعجب بي ومشيت لي في غرفتو بعد شافني اتخيلي عمل شنو قال لي بتعملي شنو هنا في غرفتي غلبني الرد ومن دون م اشعر قربته منو وحاوطو بيدي بس هو مسكني من ايدي وطلعني برا الغرفه وقال لي لو سمحتي م اشوفك معتبه باب غرفتي دي تاني نهائي وياريت تحترمي نفسك وم تنسي انو انتي هنا معاك اولاد وم بجوز ليك انو تمشي قدامهم ب منظرك ده وقفل الباب في وشي صحبته قالت ليها عاد لكن ي وليد لقيتك ،،،،انا بعد سمعته كلامه قربته افكها ضحكه بس مسكته نفسي عشان م يعرفن اني بتصنت عليهن وبقلبي قلت ليها تستاهلي لانك واحده تافهه لحظته حسيت اني مبسوطه م عارفه السبب شنو بس من كلامه انبستطه يعني وليد م مديها وش ذي م كنته مفكره،،،،،بس فجاء احس ليك ب زول هبشني من كتفي اتلفته اشوف منو لقيت وليد في وشي لحظته م عرفته ادخل وين،،،،رفع لي حاجبو قال لي واقفه في الباب هنا بتعملي في شنو سكته عاد اقول لي انو انا كنته بتصنت علي هناء وصحبته ،،،، قلت لي ولاشي كنته جايه وجايبه ليك الملف ده عشان نناقشو سوا عاين لي بنظره غريبه يعني شاكي في كلامك قال لي طيب كانت تنتظريني في المكتب واقفه هنا مالك قلت لي م هو ياداب جيت قال لي طيب تعالي وراي لمن دخل لقاء هناء وصحبته رجع عاين لي وابتسم اكيد ابتسامتو دي يعني فهمتك كنتي بتعملي هنا في شنو،،،،هناء بعد شافتو قامت قالت لي حضرته ليك غرفه الاجتماعات قال ليها اجلي الاجتماع شويه عندي مشروع عاوز اناقشو مع شهد دخل مكتبو وانا دخلته ب وراهو هناء بعد شافتني وشها م بتفسر عرفتها مفروسه، بقلبي قلت ليها انتي لسه شفتي حاجه بعد م عرفتك علي حقيقتك انتي حتشوفي مني عجايب ووليد المعلمه علي ده مستحيل اخليك تتهني بيهو .
وليد شافني واقفه قال لي شهد سرحانه وين قلت لي ولا مكان قال لي جيبي ملف المشروع الفي يدك ده قربت منو واديتو لي فتح الملف قال لي فيهو غلط كتير،،،،قلت لي اي عشان كدا انا جيت وجبتو عشان نناقشو سوا ضحك وقال لي ح تناقشي وانتي واقفه شال الملف وقام قعد في الكنبه وخته الملف في الطربيزه قال لي تعالي ي شهد،،،،جيت قعدته جنبو وخليت بينا مسافه هو فهمني لاحظته لي ابتسم،،،،فتح الملف وبقا يوريني في الحاجات المفروض نعمله بس انا لحظته م كنته مركزه في كلامو البقولو لاني كنته مركزه في ملامحو اول مره انتبه ليها بجد ليهن الحق البنات ينبرشن فيهو لاحظ لي وانا مركزه فيهو قال لي شهد قلت لي ها ضحك وقال لي فهمتي ح نعمل شنو زحيت عيوني منو و قلت لي شنو ضحك وقال لي المشروع شكلك كدا م كنتي مركزه معاي،،،،بقلبي قلت لي ب زمتك وانت قريب مني كدا ب سماحتك دي دايرني اركز فيك ولا في المشروع،،،،، تاني قلت هوي ي شهد اسع بقول انتي منبرشه فيهو وهو براهو داير لي سبب اسع يقوم يعمل فيك ذي م عمل لي هناء اخير هي طرده من غرفتو اما انتي بطردك من الشركه عديل قلت لي اي فهمته رفع لي حاجبو قال لي متاكدا،،،،قلت لي اي قال لي طيب انا قلت شنو قلت لي م ضروري كمل قال لي بس انا خلصته وهو بعاين جو عيوني،،،،انا بعد شفته نظراتو لي طوالي قمته وشلته الملف لانو نظراتو دي بتوترني قلت لي طيب انا ح اراجعو في المكتب وقبل م امشي مسكني من ايدي انا لحظته جسمي كلو اتكهرب قام وهو لسه ماسك ايدي ووقف
قصادي قال لي ممكن ترفعي عيونك وتعايني لي هنا انا لحظته كانو صبت فيني مطره وحلفته كان اعاين لي في عيونو لانها بتوترني ياخ،،،، ضحك وقال لي انتي عارفه مشكلتك شنو ي شهد انك م بتعرفي تكزبي وبظهر عليك فورا قلت لي اكذب عليك في شنو قال لي في مشاعرك قلت لي بس انا م عندي مشاعر اتجاهك ووريتك قبل كدا قال لي لو انتي واثقه فعلا انو انتي م عندك مشاعر اتجاهي لي م بتعايني في عيوني وبتقولي لي الكلام ده،،،شهد انتي لي بتتهربي و بتخبي مشاعرك عني انتي م مطره انك تخبيها عارفه لي لانو الحب باين في عيونك و انا عارف انو انتي عندك مشاعر اتجاهي ذي م انا عندي مشاعر اتجاهك بس بتكابري بجد نفسي اعرف انتي خايفه من شنو ،،،،لا اراديا لقيت نفسي قلت لي خايفه من الحب ب ذات نفسو خايفه اتعلق بيك وتخزلني خايفه انو تحب واحده غيري وتخليني في نص الطريق ذي م الغيرك عمل صدقني انا م بقدر اتحمل يحصل معاي كل ده تاني من اول وجديد ،،،، قال لي شهد انا لو عملته معاك كدا اكون م راجل ولابستحق حبك لي بس انتي م تقارنيني بغيري ي شهد لانوانتي لازم تعرفي كويس انو انا مستحيل اعمل فيك حاجه تمسك او تأذيك لانها بتمسني قبل م تمسك،،،،شهد افهمي انو انا ليك انتي وبس ومافي واحده غيرك ممكن تحل مكانك لاني م شايف غيرك من اساسو،،،،،ممكن تتديني فرصه واوعدك انو م حتندمي وح اعوضك عن كل شي سئ مره في حياتك،،،،،،كنته عاوزه ارد لي انو فعلا اكتشفته ب شعور اتجاهو وم من اسع من اول يوم شفتو فيهو وعلي الرغم من اني كنته بحب محمد طول الفتره دي الا اني اكتشفته انو انا طول السنين دي كنته بخدع نفسي او بتوهم اني بحبو وم حسيت معه ب نفس الاحساس لمن يكون واقف معاي،،، ذي م حاسه بيهو اسع وانا واقفه معه بس لي اول مره احس ب احساس مختلف وخصوصا يومو الاعترف لي بحبو ولمن كان بتعمد انو يتجاهلني كنته بتغاظ منو وبتمني انو يكلمني وقتها بس عرفته قدر شنو هو مهم بنسبه لي بس قبل م اقول الكلام ده جات هناء داخله وكانها صحتني من الكنته ح اعملو ف طوالي زحيت ايدو من ايدي وطلعته رجعته مكتبي وانا بفكر في كلامو معقوله انا بحبو معقوله تكون عندي مشاعر اتجاهو لا مستحيل طيب لي لمن يكون قريب مني بتمني انو م يبعد عني و لمن شفته هناء كانت قريبه منو غرته علي ولمن سمعته انو هو بصدها فرحته مافي سبب لي ده كلو غير انو انا بحبو ايوه بحبو بس قطع تفكيري وعد جات طالعه من المكتب وهي بتبكي استغربته جات متين لا وكمان بتبكي قلت ليها في شنو ي وعد قالت لي عمي تعب وودو المستشفي انا لازم امشي لي حالا قلت ليها استني انا ذاتي ح امشي معاك.
⚘كانك جميع وجهاتي وكل م افضل...بل انت روحي العابقه ب بساتين ياسمين مطرزه ب سيل من الحب الابيض يتلون عشقا اخضرا لايعرف للنضوب سبيل...ف حينما احببتك امنت بشي واحد فقط هو:ان لاحبيب بعد ولو طال انتظاري⚘
#يتبع
ف عزوني ب اراكم حتي لو كانت سلبيه انا موافقه عليها
