قالت لي كيف يعني توصله انت ي وليد خلي وائل هو الي يوصله يعني م مكن تخلي يجي المشوار ده كلو عشان يجي يسوقنا وانت تمشي توصل حضرته،،،قال ليها هناء بنهراء كدا م انتي البتوريني اوصله ولا وياريت م تتدخلي في حاجات م بتخصك،،،،لحظته وعد قربت تفكها ضحكه بس خافت من وليد وهناء سكتت السكته الياها خشمها تاني م فتحتو لحدي م وعد قالت لي شهد ورح معاي الحمام
في جانب تاني
ابوي انا عملت الاكل ده عشانك اكل منو ولو بسيط،،،قال ليها م عاوز ،،،،،قالت لي ي ابوي انت عارف انو عندك ادويه لازم تاخده بعد الاكل عشان خاطري ولا اقول ليك عشان خاطر شادي،،،،طيب ح اكل بس بشرط اتصلي علي اخوك عاوز اطمن علي،،،،حاضر انت تامر فتحت تلفونه واتصلت علي جاها صوره وصوت قالت لي شادي كيفك قال ليها اهلين ياسمين مالك متصله علي من وش الصبح كدا،،،ضحكت وقالت لي انت ناسي انو نحن هنا عندنا المساء قال ليها تصدقي نسيت لاني لسه م صحصحتا،،،قالت لي انت عارف ي شادي ابوي رافض انو ياكل وقال لي الا تتصلي علي شادي هاك اتفاهم معه قال لي ابوي ده كلام شنو انت لازم تاكل وتاخد ادويتك عشان تقدر تقيف علي رجولك،،،،قال لي ي ولدي انا خلاص كبرته وراسي اتمله شيب الاهتمام فايدتو شنو وربنا حياخد امانتو في اي لحظه قال لي م تقول كدا ي ابوي وربنا يديك الصحه والعافيه و انا لسه شايفك شباب وصحتك حديد ضحك وقال لي م ناوي تعرجع ي ولدي تعال كفاياك غربه مزهجته من بلد الكفار ديك،،،،ضحك وقال لي قريب ان شاء الله ي ابوي لحظته كان عاوز يبكي،،،،، بس هي شالت التلفون وقالت لي برجع ليك بعدين ي شادي وقفلت الخط قالت لي اها وكدا اطمنته علي ولدك يلا ناكل قال ليها عارفك عنيده زي امك الله يرحمه قالت لي الله يرحمه وانت عندي ب الدنيا كلها.
اما انا وعد مشينا الحمامات ونحن داخلين جات بنت طالعه من الحمام شكلها بتعرف وعد قالت ليها وعد عزام مره واحده ،،،،،وعد قالت ليها نسرين اخبارك و وين بلدك يبنت عاش من شافك قالت ليها كنته في لندن وحاليا رجعته وقررته اني استقر هنا،،وعد قالت ليها حلو السودان نور قالت ليها منور ب ناسو بس م قلتي لي ي وعد بتعملي هنا شنو وعد قالت ليها جيت مع وليد وهناء وشهد سلمت علي وقالت ليها وليد ذي م هو ولاتغير وعد قالت ليها م فهمتك قالت ليها بصراحه كدا ي وعد اخوك وليد ده مفتري شديد مره صادفتو في لندن في امسيه ومع انو عارفني ولاقاني كتير معاك بس ولاعبرني وكانو م بعرفني حاولته افتح معه مواضيع بس في كل مره كان بصدني وعد ضحكت و قالت ليها بلعكس وليد حباب شديد و م عندو شغل الافتراء ده بس بصراحه هو رسمي شويه وم عندو شغله ب البنات كتير،،، قالت ليها ظاهر بس النصيحه ليهو الحق يفتري اب وجنات وعد ضحكت وقالت ليها بتتغزلي في اخوي قدامي قالت ليها والعجب لو عزيتيني ب رقمو تكوني م قصرتي وعد قالت ليها بس كدا لكن نسيت تلفوني في الطربيزه،،،،البنت طلعت خفيفه طوالي طلعت ليها كرت وقالت ليها ده رقمي انتي بس اتصلي علي و يلا نتلاقاء وطلعت ،،،،قالت لي دي كانت دفعتي زمن الجامعه قلت ليها ايواه بس الصراحه انا م هضمته بعد رجعنا مكانه شويه كدا و جاء ولد حلاتو فيهو شبه من وليد طوالي عرفتو انو ده وائل،،،قال ليهم شنو يعني الخيانات دي مكان تدونا خبر و تعزمونا معاكم بعد شافني قال ليهم بعتزر م قايل معاكم ضيوف شبت هناء وقالت لي ضيوف شنو دي مجرد موظفه ليس الا في الشركه بتاعتنا،،،،انا لحظته حسيت ب احراج شديد واتمنيت اني لو م جيت معاهم،،،وعد قالت ليها بس افتكر انو الشركه دي انتي كمان فيها موظفه ذيك وذي شهد يعني م مسجله ب اسمك ،،،،وليد عاين لي هناء نظره كلها غضب وقال ليها حسابي معاك بعدين،،،، يلا ي شهد عشان اوصلك ودعته وعد وطلعته معه،،،،دايره اركب وراء قال لي تعالي قدام،،،،ركبته معه ب قدام وقبل م يدور عربيتو قال لي انا بعتزر عن الكلام القالتو ليك هناء قلت لي لا عادي اصلا م قالت غير الحقيقه،،،،قال لي شهد انا عارف قدر شنو انها غلطت لانو م عندها الحق تهينك بطريقه دي لانك بنت وبتشتغلي ذيها وم بديها الحق تقلل من قيمتك لانو نحن م في شغل،، قلت لي حتفرق ب شنو،،،،قال لي بتفرق عاينته لي ب استقراب ،،،قال البقصدو انك جو الشركه انتي موظفه بس برا انتي شهد وفيكي تتصرفي ذي م عاوزه عشان كدا انا اعتزرته ليك عن تصرفه ولو رديتي عليها م كنته بلومك لانك م شغاله عندها قلت لي بغض النظر عن انها اهانتني بس م انا البنزل لي مستواها،،،،عارف لي لانو لاقوني ناس كتير زيها يعني متعوده ف م تاخد في بالك،،،،،بعدها حصل حاله صمت غريبه كدا،،،، قال لي م ناويه توريني وين ساكنا ولا حنلف كتير كدا في الشوارع،،،،،ضحكته ووصفته لي المكان قال لي انتي جاده ساكنه في المكان ده،،،،،قلت لي اي في حاجه يعني،،،،قال لي لا ابدا بس منطقتكم دي بعيده شويه كيف بتلقي مواصلات ،،،، دي دايره ليك تلاته ساعات عشان تصلي الشركه،،،،،قلت لي بقوم مع صلاه الصبح واكيد ح اصل مع الزمن،،،،،ضحك وقال لي ده جهاد عديل،،،قلت لي فيك تقول كدا قال لي شهد ممكن اسالك سؤال؟؟قلت لي اكيد قال لي انتي م عندك اخوان او اخوات قلت لي مع الاسف لا انا م عندي غير امي هي الوحيده الطلعته بيها من الدنيا فيك تقول هي كل شي بنسبه لي قال لي ربنا يخليها ليك،،،،قلت لي امين قال لي تقريبا وصلنا قلت لي طيب نزلني هنا،،،،قال لي ده بيتكم قلت لي لا ب الشارع التاني وبجد شكرا ليك قال لي ولو العفو،،،،نزلته واثناء م انا ماشاء اشوفو ليك بوراي قلت لي ماشي وين قال لي عاوزاني اخليك تمشي براك في الضلام ده ح اوصلك البيت وامشي لحظته شلته هم لو في زول من الحله شافني ما شاء معه اكيد ح يعمل لي سين وجيم وتبقاء فضيحتي بجلاجل قلت لي ارجع انا بواصل براي،،،،بس هو كان عنيد وقال لي مستحيل مالم اتاكد انك دخلتي بيتكم م حا امشي،،،،،بقاء ماشي معاي لحدي م وصلته بيتنا قلت لي هدا البيت يلا ارجع قال لي تمام قلت لي طيب اتفضل خش قال لي اسع قلتي لي ارجع اثبتي علي قرار واحد،،، قلت لي غيرته راي ضحك وقال لي مره تانيه لانو الوقت متاخر ،،،،،قلت لي تمام وشكرا ليك بجد م عارفه اشكرك كيف قال لي ولو عادي،،،،وفات انابقيت بعاين لي لحدي م اختفه من قدامي فجاء اشوف ليك محمد في وشي،،،،قال لي الكلن واقف معاك ده منو وكمان جايه معه انصاص الليالي،،،،،قلت لي وانت تطلع منو عشان اجاوبك انت م عندك الصلاحيه في انك تسالني او تحاسبني لانو ده كان من الماضي بس حاليا انا حره وانت م عندك دخل في حياتي اطلع مع منو او اقابل منو م عندك شغلا سامع ولا دي رجالتك مع الرجال انك تعاين لي الغاشي والماشي ذي كميره المراقبه يلا اتكل علي بيتك وشوف مرتك ب وين ولا تكون م قدر المقام عشان كدا واقف هنا وحنيت لي ايام زمان زمن كنته بتتحكم فيني وفي حياتي،،،،انت عارف انو انا بحمد ربي اني م اتزوجته واحد ذيك علي الاقل كان اسع اكون بندب علي حظي دخلته البيت وقفلته الباب في وشو وخليتو لسه واقف ،،،،امي بعد شافتني قالت لي يبنت الاخرك كدا شنو وجاياني المساء قلت ليها اهدي ي ست الكل وحكيت ليها كل شي حصل معاي قالت لي الحمدلله انو وظفوك فرحتيني والله قلت ليها بفضل ربنا ودعواتك سلط لي ناس مافي منهم،،،، انتي عارفه ي امي اول مره يلاقيني ناس تعاملهم كدا وخصوصا مع الناس الغربه،،،،قالت لي شكلهم اولاد حلال وعشان ربنا بحبك وقعك فيهم،،،قلت ليها ونعم بالله،،،،قالت لي اخت ليك تتعشي قلت ليها م عاوزه لاني جعانت نوم بس ولانو بكره لازم اصحه بدري لازم انوم،،،،دخلته غرفتي وانابفكر في الحصل معاي ده حاسه كانو حلم معقوله وليد بذات نفسو ي يجي معاي لحدي البيت قلت ياربي دي فعلا صدفه ولاحاجه تانيه لحظته اتزكرته كلام البنت لما قالت علي وليد انو واحد مفتري وم عندو حاجه لي بنت بس لي انا م شايفه كدا لي انا كل موقف يحصل معاي بلقاهو قدامي وداعمني،،،،رقدته في السرير وانا بفكر في غمضته عيوني فجاء جات صورتو في وشي كلامو ضحكتو لحظته حسيت ب احساس غريب احساس اول مره احسو م قدرته افهمو شنو بظبط لحدي م غفيت وانا بفكر فيه.
⚘انك في قلبي اعظم مما يبدو علي واعظم مما ابديه لك.. بـيـنـي وبـيـن الـعـالـم انـتَ سـرْ ..ولكن بـيـنـي وبـيـن الـلـه انـتَ دعــوة ..⚘
#يتبع🌸
