ဗလယ်တာရဲ့ နေ့ခင်းနေပူပူမှာ ရှောင်းကျန့်ကဟိုတယ်ရှေ့ ကျောပိုးအိတ်တစ်လုံးလွယ်ရင်း ရပ်နေတယ်။သူကရိပေါ်ကို စောင့်နေတာ။
ရတနာဆိုင်တွေဆီက လက်စွပ်သတင်းကိုစောင့်နေတုန်း ရှောင်းကျန့်တာလုပ်စရာမရှိဘူး။အဲ့တာကြောင့် ရိပေါ်က သူ့ကိုဒီနေ့ Bugibba ကိုခေါ်သွားပေးမယ်လို့ ပြောထားတယ်။
မကြာခင်မှာပဲ ရှောင်းကျန့်ရှေ့ကို ဆိုင်ကယ်တစ်စီးက အရှိန်ပြင်းပြင်း ထိုးရပ်လာတယ်။ ရှောင်းကျန့်က လန့်ပြီးခုန်မိမတက်ပဲ။ဟဲမက်ကိုဆွဲချွတ်လိုက်တော့ ပေါ်လာတာကရိပေါ်ရဲ့ ပြုံးစစမျက်နှာ။
ရှောင်းကျန့်လန့်သွားတာကို ရိပေါ်ကသေချာမြင်လိုက်တယ်။ပြီးတော့အဲ့တာက တကယ်ရယ်ရတယ်။
"တက်"
"အမ်.....ငါတို့ကားနဲ့မသွားဘူးလား"
"ခင်ဗျားကို အတွေ့ကြုံအသစ်ပေးမလို့လေ"
ဆိုင်ကယ်စီးရမှာ ကြောက်နေဟန် အထင်းသားနဲ့ ရှောင်းကျန့်မျက်နှာကိုကြည့်ရင်း ရိပေါ်ကရီတယ်။
"မင်း လိုင်စင်ရောရှိရဲ့လား"
"ခင်ဗျားသိပ်စကားများတာပဲ တက်စမ်းပါ"
ရိပေါ်ကသူ့ကို မယုံသင်္ကာနဲ့စစ်ဆေးနေတဲ့ ရှောင်းကျန့်ခေါင်းပေါ် ဟဲလ်မက်တစ်လုံးစွပ်ချတယ်။
ရှောင်းကျန့်က ဘာအတွန့်မှမတက်တော့ဘူး။ဒါပေမယ့် ဟဲလ်မက်နဲ့ကွယ်နေတဲ့မျက်နှာကတော့ ဆူပုပ်ပုပ်။
ရှောင်းကျန့်ဆိုင်ကယ်ပေါ်တက်ပြီးတာနဲ့ ရိပေါ်ကလီဗာကိုနှစ်ချက်သုံးချက် ခပ်တင်းတင်းဆွဲတယ်။သူကရှောင်းကျန့်ကို စချင်နေတယ်ဆိုတာ အထင်းသား။
လက်ဗာပေါ်ကရိပေါ်လက်မှာ သားရေထိပ်ပွင့်လက်အိတ်အနက်က အခန့်သား။
စတိုင်သိပ်ကျနေတဲ့ ကောင်စုတ်လေးကို ရှောင်းကျန့်ကမနာလိုဘူး။အသက်၂၈နှစ်အရွယ်သူက စက်ဘီးကိုဖြောင့်အောင်မစီးတက်သေးဘူး။
ဒီကောင်စုတ်လေးကတော့ ဆိုင်ကယ်ကိုတောင်စတိုင်အပြည့်နဲ့စီးနေသေးတယ်။
ရှောင်းကျန့်ကကြာကြာ ကျိန်ဆဲချိန်မရရှာဘူး တစ်ရှိန်ထိုးထွက်တဲ့ဆိုင်ကယ်အရှိန်မှာ ရှောင်းကျန့်ကလန့်ဖြန့်ပြီး ရိပေါ်ခါးကအိင်္ကျီစတွေကို လက်နှစ်ဖက်နဲ့ဆွဲကိုင်လိုက်ရတယ်။
YOU ARE READING
MENTIRA ( Completed )
FanfictionThis story is based on the novel "When harry meet sally" Otherwise, it's based on the movie " When Herry meet Sally "
