ဗလယ်တာ ရဲ့ ဆောင်းဦးကလှတယ်။
နေရာတကာမှာ အညိုရောင်အရွက်တွေ ဖြန့်ခင်းလို့။
ရိပေါ်နဲ့ရှောင်းကျန့်က ဗလယ်တာရဲ့ ချောင်ကျကျနေရာကို ရောက်နေကြတယ်။
လက်စွပ်သတင်းကြားကတည်းက သူတို့ကဗလယ်တာကို ချက်ချင်းပြန်လာခဲ့ကြတာ။
လက်စွပ်ရထားတယ်လို့ ဆက်သွယ်လာတဲ့ ကောင်မလေးကိုရှာဖို့သူတို့ကရောက်နေကြတာဖြစ်တယ်။
အဲ့ကောင်မလေး အလုပ်လုပ်တဲ့ စားသောက်ဆိုင်က ဗလယ်တာရဲ့ချောင်ကျကျနေရာလေးမှာ။
ရိပေါ်ကအရှေ့ကနေ လိပ်စာရေးထားတဲ့စာရွက်ကိုကိုင်ရင်း ရှာနေတယ်။ရှောင်းကျန့်ကတော့ ဘေးနားလေးကနေကပ်ပြီးပါလာတယ်။
မနေ့ကထဲက သူတို့ကစကားမပြောဖြစ်ကြသေးဘူး ရိပေါ်ကရှောင်းကျန့်ကိုလိုအပ်တဲ့စကားကလွဲရင် ပြောမလာခဲ့ဘူး။
သူတို့လျှောက်နေတဲ့ လမ်းကြားကအတော်လေးကို အိုဟောင်းနေခဲ့ပြီ တချို့နေရာတွေဆို ဘေးကအဆောက်အဦးတွေဟာ ရေညှိတွေတက်လို့။
နောက်ဆုံးတော့ ရိပေါ်ဟာ အဆောက်အအုံတစ်ခုရှေ့ရပ်သွားတယ်။
အတော်အိုဟောင်းနေပုံရပြီ အရှေ့မှာတော့ Addio လို့ရေးထားတဲ့ သစ်သားဆိုင်းပုဒ်လေးတစ်ခုရှိတယ်။
ပုံစံကြည့်ရတာတော့ ရိုးရာဘားလေးပုံစံ။
"ဒါပဲ အထဲဝင်ရအောင်"
ရိပေါ်က ဘေးနားကရှောင်းကျန့်ကို လှည့်ပြောရင်းအထဲကို ဝင်သွားတယ်။
အထဲမှာ မီးပြပြလေးပဲရှိတယ်။ပြီးတော့အရှေ့မှာ စင်လေးတစ်ခုရှိတယ်။ ထိုင်ခုံအများစုဟာ စင်ကိုပတ်လည်ဝိုင်းထားတယ်။တကယ့်ကို ရိုးရာဘား လေးပါပဲ။
ရှောင်းကျန့်နဲ့ရိပေါ်က ချောင်းကျကျခပ်မှောင်မှောင် ဝိုင်းလေးမှာဝင်ထိုင်နေကြတယ်။
ထုံးစံအတိုင်းရိပေါ်ကတော့ဘီယာတစ်ခွက်နဲ့ ရှောင်းကျန့်ကတော့ဝိုင်တစ်ခွက်ကိုမှာတယ်။
သူတို့သိထားတဲ့သတင်းအရ လက်စွပ်ရထားတဲ့ ကောင်မလေး စတယ်လာ ကဒီမှာသီချင်းဆိုတယ်။
ကောင်မလေး အလုပ်ဆင်းအထိ သူတို့ကခဏစောင့်နေရမယ်။
ESTÁS LEYENDO
MENTIRA ( Completed )
FanfictionThis story is based on the novel "When harry meet sally" Otherwise, it's based on the movie " When Herry meet Sally "
