ဗလယ်တာဟာ ငြိမ်သက်ခြင်းအတိနဲ့ အက်ကွဲလို့နေတယ်။
ထွက်သွားတဲ့သူကမသိပေမယ့် ကျန်ခဲ့တဲ့သူဟာ အနည်ကျဖို့မလွယ်ကူခဲ့ဘူး။
ရိပေါ်က သူ့ရှေ့ကအရက်ခွက်ရဲ့ နှုတ်ခမ်းသားကို လက်ညှိုးနဲ့ ဆော့ကစားနေတယ်။
အတော်ကြာအိမ်တွင်းအောင်းထားတဲ့ လူငယ်လေးက ဆံပင်ပုတ်သိုက်နဲ့ နှုတ်ခမ်းမွှေးရေးရေးပါမြင်နေရပြီဖြစ်တယ်။
ထုံထိုင်းနေတဲ့ ရိပေါ်က ပင်ကိုယ်ဟန်တွေပါပျောက်ဆုံးနေတယ်။
အရှေ့မှာထိုင်နေတဲ့ဆွန်ယွန်းက ရိပေါ်က်ိုကြည့်ရင်း သက်ပျင်းချတယ်။
"ဝမ်ရိပေါ် မင်းဒီတိုင်းနေနေမှာလား"
ရိပေါ်က ဆွန်ယွန်းရဲ့ ညီးညူသံကိုကြားပေမယ့် ရိပေါ်ကအရေးမစိုက်ဟန်ပဲ။
"ဒီလောက်ဖြစ်နေလဲ ဘာလို့အစထဲက မတားခဲ့လဲ"
ဆွန်းယွန်းစကားကိုကြားတော့ရိပေါ်က ရီတယ်။
"ငါတားတော့ရော ဘာကပြောင်းလဲမှာလဲ သူကအရာအားလုံးစွန့်လွှတ်ပြီးငါ့ဆီလာမှာလား"
ရိပေါ်အသံကခပ်အက်အက် ။ မျက်လုံးတွေက အရှေ့ကအရက်ခွက်ကမရွေ့ပေမယ့် ရီဝေဝေနဲ့ ထုံးထိုင်းလျက်ရှိတယ်။
"ဘယ်သိမလဲ မင်းတားကြည့်လို့လား"
ရိပေါ်က အခုမှဆွန်ယွန်းကိုမော့ကြည့်တယ်။ရိပေါ်မျက်ဝန်းတွေကိုမြင်တော့ ဆွန်ယွန်းကသက်ပြင်းချတယ်။
"အခြေနေတွေကမတူဘူးဆိုတာမင်းသိတယ်မလား သူကဟန်ကောမဟုတ်ဘူးလေ။ပြီးတော့ဟန်ကောက မင်းကိုညီလေးလိုပဲသဘောထားခဲ့တာ"
ဆွန်းယွန်းစကားထဲက ရင်းနှီးတဲ့အမည်ကိုကြားတော့ ရိပေါ်က သက်ပြင်းရှိုက်ပြီး အဝေးကိုငေးတယ်။
သူတို့ထိုင်နေတာက ဘားဆိုပေမယ့် စားသောက်ဆိုင်လေးပဲမို့။ ဆိုင်ကခပ်ရှင်းရှင်း ဖွင့်ထားတဲ့ပြတင်းပေါက်တွေအလွန်မှာ အဝါရောင်တိုက်တချို့ရယ် ပင်လယ်ပြင်ရယ်ပဲရှိတယ်။
ရိပေါ်က ဟယ်နန်မှာနေစဉ်က အဖိုးဖွားတွေနဲ့ကြီးပြင်းလာရတယ်။
ရိပေါ်မေမေက ရိပေါ်ကိုမွေးကတည်းကဆုံးသွားတယ်။
YOU ARE READING
MENTIRA ( Completed )
FanfictionThis story is based on the novel "When harry meet sally" Otherwise, it's based on the movie " When Herry meet Sally "
