ဗလယ်တာရဲ့ ညလေပြေဟာ ဝေ့ကာဝိုက်ကာတိုက်လေ့ရှိတယ်တဲ့။
"စတယ်လာ ကျွန်တော်တို့က လက်စွပ်ရထားတယ်ဆိုလို့ပါ"
ရိပေါ်ကအရှေ့ကအရပ်ရှည်ရှည်နဲ့အမျိုးသမီးကိုဆိုတယ်။သူမကဆံပင်နီနီတွေကိုထုံးထားတာ ဖြေမချရသေးဘူး။
"အိုး ဟုတ်တယ် ကျွန်မဖုန်းဆက်ထားတာပါ"
"ဒါနဲ့ ရှင်တို့ထဲကဘယ်သူပျောက်တာလဲ"
စတယ်လာကရိပေါ်နဲ့ရှောင်းကျန့်ကို တစ်လှည့်စီကြည့်ရင်းမေးလာတယ်။
"ကျွန်တော်ပါ"
ရှောင်းကျန့်ကဘေးနားကနေ ပြုံးရင်းဝင်ဖြေတယ်။
"ကျွန်မ အဲ့လက်စွပ်ကို City square နားမှာ ကောက်ရခဲ့တာလေ ပိုင်ရှင်ရှာနေမလားလို့ ရတနာဆိုင်မှာလာမေးရင်းရှင်တို့ ရှာနေတဲ့လက်စွပ်နဲ့တူလို့ ဖုန်းဆက်လိုက်တာ"
စတယ်လာက ဖော်ရွေတက်ပုံပေါ်တယ်။သူမက ပြုံးပြုံးရွင်ရွှင်နဲ့အစဆုံးရှင်းပြတယ်။
"ခင်ဗျားမှာ အခုအဲ့လက်စွပ်ပါလာလား"
ရိပေါ်က ဘေးကနေဝင်ပြောတယ်။ရှောင်းကျန့်ကရိပေါ်ကိုခဏ လှည့်ကြည့်လာတယ်။နောက်တော့ စတယ်လာ့ဘက်ပြန်လှည့်သွားတယ်။
"ကျွန်မက အလုပ်လာတာမလို့ယူမလာခဲ့မိဘူး ဒီလိုလုပ် ရှင်တို့မနက်ဖြန်ဒီလိပ်စာကိုလာခဲ့ ကျွန်မအိမ်လေ"
စတယ်လာက စာရွက်နဲ့ဘောပင်ကိုလွယ်ထားတဲ့အိတ်ထဲကထုတ်ရင်း လိပ်စာတချို့ရေးပေးတယ်။
သူတ်ို့က မနက်ဖြန်ဆုံဖို့ချိန်းလိုက်ကြတယ်။ရိပေါ်က ဘာရယ်မသိ သူစိတ်သက်သာရာရသွားသလိုပဲ။
သူတို့နှစ်ယောက်က ရေညှိတွေတက်နေတဲ့တိုက်ဟောင်းတွေကြားက ကျောက်လမ်းလေးအတိုင်းပြန်လာခဲ့ကြတယ်။
ညနေစောင်းရောက်တာကြောင့် တချို့နေရာတွေမှာ မီးအဝါလေးတွေကလင်းနေပြီ။
————————————
ရိပေါ်နဲ့ရှောင်းကျန့်က ကမ်းနားရဲ့လူရှင်းတဲ့နေရာမှာ ရောက်နေကြတယ်။
ညဉ့်နက်နေပြီ ဖြစ်တာကြောင့် လူခြေကအတော်တိတ်ဆိတ်နေပြီး ပတ်ဝန်းကျင်မှာသူတို့နှစ်ယောက်ပဲရှိတယ်။
သူတို့က ညစာ စားပြီးတဲ့အချိန်ထဲက ဒီရောက်နေကြတာ။
ВЫ ЧИТАЕТЕ
MENTIRA ( Completed )
ФанфикшнThis story is based on the novel "When harry meet sally" Otherwise, it's based on the movie " When Herry meet Sally "
