MENTIRA ( Completed )

Valletta - 1 ( U )

ဗလယ်တာဟာ မီးလင်းဖိုလေးနဲ့တူတယ်
အမြဲတစေနွေးထွေးစေတဲ့ အရာလေးပေါ့။

အချစ်နဲ့တွေ့တဲ့အခါ လူတိုင်းကပြောင်းလဲကြတယ်တဲ့။

ဝမ်ရိပေါ်ဟာ ထိပ်ဆုံးကပြောင်းလဲသွားတဲ့ကောင်လေးပဲပေါ့။

ဧည့်သည်တွေကို လိုက်ပို့ပေးပြီးတာနဲ့ ကလပ်တွေကိုဦးတည်တက်တဲ့ရိပေါ်ဟာ အခုတော့ သူ့ရဲ့အိမ်လေးဆီတန်းဦးတည်တယ်။

တစ်စုံတစ်ယောက်စောင့်ဆိုင်းနေတဲ့အခါ အိမ်ပြန်ဖို့လူတွေကပျော်ရွှင်တက်ကြတယ်တဲ့။
အဲ့တစ်စုံတစ်ယောက်က ရှောင်းကျန့်ဖြစ်နေတဲ့အခါ ရိပေါ်က အိမ်ပြန်ဖို့ပျော်ရွှင်မှူ့တွေ အထပ်ထပ်တိုးတယ်။

အနည်းငယ်အေးလာပြီဖြစ်တဲ့ရာသီဥတုမှာ ရိပေါ်က အပူပေးစက်လေးနား ရှောင်းကျန့်ကိုထွေးပွေ့ရင်း ဖြတ်သန်းရတာကိုပဲကြိုက်လာတယ်။

ဘီယာတစ်ခွက်စီနဲ့ ဝရန်တာမှာစောင်တစ်ထည်လုယက်ခြုံရင်း ကိုယ်ငွေ့တွေနဲ့ နွေးထွေးရတာမျိုးကိုလည်း သူကသဘောကျလာတယ်။

ရိပေါ်က အိမ်ပြန်မရောက်ခင် တစ်နေရာကိုအရင်ဦးတည်တယ်။

ရှောင်းကျန့်တရားဝင် ကွာရှင်းထားတာဟာ လအတော်ကြာပြီဖြစ်တယ်။

တရားဝင်ကွာရှင်းပြီးနောက်တစ်နေ့မှာပဲ ရှောင်းကျန့်မိဘတွေဟာ တရားဝင်အမွေဖြတ်ကြောင်း သတင်းစာထဲထည့်လာတယ်။
သူတို့ကိုနားလည်ပေးတဲ့ တစ်ဦးတည်းသောသူဟာ ရှောင်းကျန့်အမပဲဖြစ်တယ်။

ရိပေါ်က ချက်ချင်းလက်ထပ်လိုက်ချင်ပေမယ့် ရှောင်းကျန့်အတွက်သူက သည်းခံရင်းစောင့်ပေးခဲ့တယ်။

ရှောင်းကျန့်က ရိပေါ်ကိုသူ့ရဲ့ဆန္ဒလေးပြောပြလာတယ်။ကိတ်မုန့်ဆိုင်လေးဖွင့်ချင်တဲ့ရှောင်းကျန့်ကို ရိပေါ်က ဆိုင်ခန်းကျဉ်းကျဉ်းလေးတစ်ခန်းတော့ ရအောင်ရှာပေးထားတယ်။ထက်တန်းလွှာက သခင်လေးက ရိုးရှင်းတဲ့အိမ်မက်လေးကိုပိုင်ထားတယ်။

ဒါပေမယ့်ရှောင်းကျန့်က ကိတ်မုန့်ဖုတ်နည်းကိုစသင်ခါစပဲရှိသေးတယ်။
ရိပေါ်ပြန်လာတဲ့အခါ အရောင်စုံတဲ့ ကွတ်ကီးလေးတွေက ကြိုဆိုတယ်။