الاخوات السته

بارت ثاني

مساء العسل عليكم

الاخوات السته
بقلم اختكم امونه
بارت الثاني

علامه الصدمه ع وجهي _ابن عمي

_اي شبيج

_بابا شنو ابن عمي شو هو بس عزيز و معتز واثنينهم مزوجين

رد عليها ببروده _عزيز حتى لو مزوج الشرع حلل اربعه

بشرى_بابا تحجي صدك

خليل شمر الريمونت _لا والله شنو رايج اشاقه وياج

بشرى_الزواج موغصب

خليل_مو بكيفج

بشرى فجرت القنبله _بابا اذا تريد تخلص مني وافق ع يوسف شبي مو اجه طلبني بالحلال

صاح بابا وين تعرفينه صخام ؟

سكتت بشرى
_اني ويامن احجي

_بابا اني ماعرفه بس خالتي هيه كالت؛

_امشي ولي من وجهي

_بابا فدوه ماريد عزيز

_شنو ماتريدينه وين تلكين مثله

_بابا فدوه لاتكسرني ماريد عزيز مو اطلع من سجن ادخل بسجن ثاني

_بشرى هواي استحملتج كومي مني .

_بابا فدوه ماريد لاتغصبني والله حرام

_كومي طلعي مني هواي استحملتج

_نزلت ع رجلين بابا وتتوسل بي بابا فدوه لاتكسرني فدوه بابا انت مو تريد تزوجني اني موافقه ع يوسف

دفعها بابا كلام ما اسمع هذا هو قرارنه اني وجدج وعمج وخلاص

طلعت بشرى ودخلت غرفتنه تبجي حضنت المخده ودموعها ع خدها وصوت شهكتها

صعبه عليها تاخذ ابن عمها فوك كل هذا مزوج وتعوف الي تحبه

وكنت شاهده ع حبهم ع
سوالفهم وضحكهم حت ع زعلها ودموعها

فطوم -كافي بشرى مو شعلتي گلبي

-ولج مو حركلي گلبي شلون ازوج عزيز وهو مزوج ومرته حامل

كليلي شسوي ادفن روحي والله ماكدر اعيش بدون يوسف كليلي اذا يوم ما اسمع صوته اموت مو اروح انام بحضن غيره والله اتخبل هو هم يتخبل فطوم فدوه ساعديني

فطوم نزلت راسها ع راس بشرى وحضنتها -والله مابيدي شي اسوي كليلي شسوي واكدر اساعدج؟

ولج تره هذا جدو هو قرر

-حسبي الله ونعم الوكيل عليك حامد راح ادمرني كون الله ياخذك

-بشرى شبيج البنات منا لايسمعج بابا والله يذبحج

-اني اريده يذبحني ماريد دنيا بدون يوسف

ليش ماتنطوها هي موافقه
اتحبه ويحبها مشاعره صادقه لفو سمعتكم وزفوها ببلاش
واذا ماتنطوها تبقى مصادقه
انطوها خلي ترتاح رايدها بحلال
لايطخ براسه وياه وتنهزم هيه البنيه تحب اصير طير
لو تحطوها بقفص ما تنلزم
لو جتفته جتاف وعصبت لعيون تطلع من الشباك لو رادت تخون
تطلع من الشباك مثل الهوا الهاب
شمحلاه لتحبهه تروح تاخذه كوه
من الله حتى تصير بزرتها حلوه
ⁿ
ساعه 1:00/م