مساء الخير
الاخوات السته
طلعنه البيت غسق هيه اقرب وحده علينه
شافت وجوهنه وستغربت
غسق صاير شبيجن...؟
جنه _ فدوه وين زوجج مانعرف شي وطلعت روى لسوك وبعد مارجعت
غسق _ عززه لسوك ولج اليوم سوك جمعه عمر يكول انفجارات....
جنه _ شنوو
غسق _ اي والله ودنيا مكلوبه
جنه عافت غسق تحجي وطلعت
غسق _ انتظري خلي اشوف عمر
ريما _ فدوه غسق ق بنات بقن وحدهن يخافن لاتعوفيهن وحدهن...
طلعت وره جنه وخايفين ومانعرف شي وين نروح بس هيج نمشي من خوفنه ع روى
جنه _ كله مني لو ما مخليته تروح
ريما _ انشاء الله مابيه شي ربي يحفضه...
وكفت سياره مقابيلنه كال صعدو عرفته هذا عمر
ريما_ هذا عمر زوج غسق خلي نصعد
ركبنه سياره وطول طريق انعدي ماصير عليه شي والله نموت وراه هم تعب والفقر نشوفه بعيونه تروح اختنه لا اسم الله عليه
جنه بقه جسمه كله يرجف ودموعه تنزل لحد ماوصل للمستشفى
ريما _ لمن جايبنه هنا كتلك هيه بسوك
عمر _ سوك فرغ مابي احد كل نقلو للمستشفى
جنه _ يعني روى ماتت؟
ريما_ لا اسم شبيج انشاء الله مابيه شي
جنه نزلت قبلنه نزلنه وراه اني وعمر لزمته من ايده كوه رجلينه شايلته
دخلنه للمستشفى عباره عن عياط هذا رايح ابنه هذه رايح زوجه هذه رايح ابوه هذا رايح امه وبس صريخ والله مظهرهم يبجي
رجنا _ ماكدر ادخل ماكدر اشوف روى
ريما جنت اكثر منه خايفه ولازمه ايده ترجف _ جنه خلي ندور عليه لاتعوفيني وحدي
عمر يمشي ونمشي وراه كل ساعه مطلعين واحد متوفي كالو صعدو طابق ثاني بي جرحه
دورنه لحد ماكلينه ملكيناه اثر مابقه عدنه بس ثلاجه الموته كالو روحو دوره عليه هواي جايبين موته ولحد لان اهلهم ماكو
عمر _ يلا امشن
جنه _ شلون ادخل واشوف الموتى لا ماروح
عمر _كللي بعد وبن ندور عليه
ريما _ بعدهي بسوك
عمر _ هم ارجع ادور عليه هناك هسه لازم انشوف جثث
ريما _ لا لا روى مابيه شي بعدهي صغيره شافت من حياته ماصار عليه شي
جنه كعدت بلكاع وهيه دك ع راسه _ ولج ريما اختنه راحت منه
كعدت مستواه وحضنته وابجي وصريخ ناس صدك فقدنه الامل
عمر راح كال خليجن مكانجن هسه راجع......
كاعدين ونباوع بوجوه الناس بلكي نلمح روى ويفرح گلبنه بشوفته....
جنه _ والله هسه يجي عمر ويكسر كلبنه بكلامه
ريما _ جنه ماتكليلي شبيج لا تفاولين عليه بالموت
جنه _ هيه والله هيه حضنتي قبل لاتطلع وكالت اخاف اموت وبعد مشوفيني
أنت تقرأ
الاخوات السته
Abenteuerجانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ...
