مساء الخير
الاخوات السته
بقلم اختكم امونه
(بدون تجاوزات )
الاخوات السته
ريما
درت وجهي منها واخذت نفس وصلت يمهن كاعده هيه واخت احمد صير صديقتها كلت مساء الخير وطلعت بوجهي للمطبخ شكد كرهتها بس اريدها شوف اني مرتاحه بيت زوجي اريد اقهرها
طبعا بيت عيالي بيتهم مايسكت من الهوسه وعياط جهال
وكفت باب المطبخ شفت احمد دخل رجعت الماكني وكفت يم درج غسق عينها ابد مشالتها مني
دخل احمد وكال سلام عليكم
تقربت منه الله يساعدك حبيبي رفعت اطراف اصابع رجليه بسته من خده شو تأخرت حبيبي اليوم
ضل بس يباوعلي مثل انصدم متعود اول ميدخل لازم يعارك
اني سويت هاي الحركه اريد بس شوفني غسق شلون احبه ومرتاحه يمه واحرك گلبها مثل محاركه گلبي
هوه مكال شي لان اكو خطار صعد فوك
حضرت الغده اله ورحت وراه لكيته سابح ونايم ع بطنه.. احمد هذا غداك تكعد تتغده
دار وجه عليه كال _ جان تأخرتي بعد من زمان اجيت
مارديت علي
_ اني مو احجي وياج لو لا
_ راح احجي وتكول تراددني متسكت وراح تغلط وتسب وتكلي اسكتي
_ كافي دوختيني هاي اخر مره الغده يتاخر اول ماكعد يجي الغده
_ تدلل عندك بعد شي لو انزل
_ لا ماتنزلين تبقين هنا
ابتسمت بوجه وكتله صار
درت وجهي منه اووف رحت ع تلفزيون شغلته كعدت عليه
احمد _ طفي لا اكوم اكسرج
ريما _ اني وين اروح لاتخليني اطلع ولاتخليني الزم موبايل لاتخليني اسولف وي احد لاتخليني اباوع تلفزيون حابسني بين حياطين الاربعه كولي وين اروح اطير
احمد _ انتي بعد جسمج تعود ع دك وترديني اكوم تاخذين مني كم حزام
اوووف كمت طفيت تلفزيون ورجعت مكاني حجيت بگلبي هوه الله انطاك طول بس بدون عقل الحمدلله ع حظي .......
.
.
.
ملك
سالفه الخطبه سديته من يمي حتى خواتي ميعرفن ماريد اجرب تجربتي القاسيه عايشه بين خواتي مرتاحه وعندي ابني اغلى شي املك بهاي دنيا علاوي نعمه كلش جبيره انطانيها ربي ....
كل مره افز من نومي خايفه واضل لصبح وعيني ع خواتي وماعرف شنو مصيرنه شنو زمن ضامنه
باوعت بفراش روى ماكو هاي البنيه
خفت عليها هذه وين
طلعت من الغرفه واسمع صوت شهكاتها زرفت گلبي جاي من غرفه تقربت بهدوء عليها مخليه راسها بين رجليها وتبجي..... تقربت منها وكعدت مستواها وخليت ايدي ع شعرها
رفعت راسها وشافتني
ملك _ ليش هاي دموع يعمري اني مو اختج ليش كاعده بغرفه تبجين تعالي لحضني
خليت راسها ع صدري ابجي ياعمري ارتاحي طلعي لب لگلبج... لعب بشعره وهيه بحضني تبجي ودموعي تنزل وي دموعها ما ارتاحينه ابد....
روى_ شفت عمار اليوم
ملط _ مالج دخل بي شيلي من حياتج
روى _ مو سهل والله مو سهل اشيله
ملك _ اني اعرفج قويه ومحد يكسرج
أنت تقرأ
الاخوات السته
مغامرةجانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ...
