الاخوات السته

بارت 72

مساء العافيه

الاخوات السته

عفيه دنيا الما شفت بيه الحنان
وعفيه دهري اليطحن بكلبي طحن
وعفيه وكتي هواي شوفني الهموم
وردت اضوك الفرح ضوكني الحزن
ادري يا ربي امتحانك صعب حيل
ردت فرحة ارتاح ونوب امتحن

هنا  ضل  يحجي  قصه  خليل  ..

معتز_ ابوج   تعرفينه  عنده  محل  حلاقه  وكل  ناس  تعرفه..  وايجي  شخص  يحلق  يمه  لازم  يحجز  قبل  يومين  او اكثر  ..   اشتره  بيت  كلش  جبير  بشارع  فلسطين  ابو  طابقين  واخذ  محل  يبيع  بي  مي  وخلاني  اني  اوكف  بي وهم اجر  محل  ملابس  يعني  ابوج  عنده  خير  من الله  ..  يوم  من الايام  ضربته  سياره ودخل  مستشفى  وكانت  ضربه  كلش  عاديه  مجرد  جروح  بجسمه  وغاب  عن  الوعي  من الهبطه  تعرفين  ابوج  خواف..!

ضل  بلمستشفى  كم ساعه  غايب  عن الوعي 
_ ام  صفاوي  نطيني  علاجي 

علياء  _ مو هسه  اخذته
_ اني 
مصطفى  _ اي  بابا  هسه  اخذته  شبيك مو امي  نطته  الك

سكت  منهم  وكل  فكره  اخذ  العلاج... 
رجع  سأل  _ يلا  بويه  كومو  خلي  نشوف  جدكم

مصطفى  _ غير  هسه  رجعنه  منه  شبيك  بويه  صاير  تنسى 

خليل _ يمتى شو ماذكر
مرتضى _ هههه بويه شبيك هسه رجعنه منهم

خليل  ضغط  ع راسه  ويفكر  يمتى  اخر  مره  راح  الابو  مايذكر  صاح  ع زوجته  وعاد  عليها سوال  ونفس  الجواب  حصل  ..  ضل بحيره  وتفكير  يمتى  هوه راح  ميذكر..

مشت  ايام  هذا  حاله  اي سوال  يساله لازم  يحصل  غير جواب  ..  من مصطفى  ومن  مرتضى  وابنه  المعاق  وابويه  وهم  زوجته  ..

صاح  ع زوجته  وجتي  تركض
..  ها حبيبي شبيك
..  هذا    مغسله منو مغيرها
_ شبيج ابو صفاوي صاير وياك هيه من زمان محد مغيرها
_ ولكم راح تخبلوني شبيكم

_ اهدئ  ياعمري  مدكولي  شبيك  صاير وياك  ليش  هيج  صاير  تنسى

بهاي  ثناء  دخل  ابو  معتز _ شبيك  ياخوي  صاير  متجي  للمحل  شو عفته  بيد  العمال 
علياء  _ شوف  ياخويه  مدري  شبي  يصيح  يكول  منو  غير هاي  المغسله
خليل  _ والله  مغيرها  شوف  جانت  لونها  ابيض  والله  اني  اذكرها 
ابو معتز _ ههه شبيك هيه من يومها هاي نفسها محد مغيرها

خليل _ ولكم تسودنت شبيكم
ابو معتز _ ولك خاف عندك زهايمر هسه لاصدك بيه ولا صدك بزوجتك هم مصدك بولدك صيحهم واسالهم

راح عليهم ونفس جواب حصل رجع كعد ع تخم  وضاغط  ع راسه  بقوه  وتفكير  دمره  وضل  كلمه  زهايمر  تروح وترجع  علي  يوم  عن  يوم  حالته  تسوء  مجرد  يسال  سوال  يرجعون  يكولون  انته هسه  حجيت   شبيك  صاير  تنسى  ..  هسه  اخذت  علاجك  _ هسه جيت من المحل..  هسه  جنت  بره  _ وضل  مستمر  ع الحاله  شهر  كامل  وعرف  نفسه  عنده  زهايمر  من  شكد  مي نسى ..