الاخوات السته

البارت 45

مسائكم الله بلخير والعافيه

بارت مفاجئ لعيونكم

الاخوات السته

على كيفج يادنيا شبيج هيج وياي
على بختك يحظي شبيك ماتكعد
جبناهه حزن بس ضيم بس اهات
وشماردنا الفرح عنا يبعد
تمطر بس امل الدنيا للموزين
وعليه بالمصايب دوم ترعد
اجر الفرح كوه لخاطر العين
تهد جفون الرمش وبساع تشرد
ياكلمه سعاده بالله وين الكاج
وين افرح عليج وين افتح السد
على ضيم الكلب محد سألني بيوم
وبس تضحك عليه الناس تحسد
الم جروح كلبي وكوه اهدي الحال
كل ساعه الجروح تحارب وتمرد
اخيرآ ياصبر روح الله وياك
بقت هيه عليك شبيك ماتبعد

ريما
اشو هذا وكف مقابيلي وضل يباوعلي
ريما _ وين غسق
عمر _ ريما اريد احجي وياج
ريما _ بس ماكتلي وين غسق
عمر _ ريما اني جبتج هنا اريد احجي وياج غسق عند اهلها

ريما عقدت حواجبي حسيت بخوف حيل _ عمر وين غسق انته مو تكول مريضه 😷

عمر رفع ايده ع شعره _ ريما اريد احجي وياج والله بس احجي وياج

ريما _ انته صدك ما تستحي يعني غسق مو هنا
عمر _ اصبري ريما بس خلي افهمج
ماخليته يكمل كلامه جيت اطلع صار مقابيلي _ ريما كتلج اصبري خلي افهمج

ريما _ عمر شتفهمني وخر مني الله يخليك خلي ارجع الخواتي عوفني اروح

عمر _بس سمعيني شحجي وبعدين روحي
ريما صحت بي _ ما اسمع شي خليني اروح انته شنووو واحد مخبل قاطعني بصياح
عمر _ ريما اسكتي وسمعيني اني احبج

صفنت بوجهه لحظات وحسيت برجفه
عمر _ اي ريما احبج والله اريدج ريما اريدج الي والله گلبي متعلك بيج صوتج وصورتج مي فاركني ابد دومج بالي بكلبي ريما اني جبت هنا اريد احجي وياج اريدج زوجه الي ماكدر اعيش بدونج ريما بس وافقي
والله اله اعيشج احلى عيشه والله مايوم انزل دمعتج
واعوضج ع كل الي عشتي والله ولاتفكرين بغسق اني عوفيها عليه

ريما يحجي مصدومه من حجيه ماشفت غسق وانما صارت كبال عيني اختي ملك حسيت نفسي اخون اختي...

ريما _ انته صاحي كلي والله مخبل مو صاحي
عمر _ اي مخبل بحبج اي اني تخبلت بيج
ريما _ وخر خلي افوت وهذا الموضوع ينسد وحافظ ع زوجتك هيه ماتستاهل الخيانه منك

عمر _ اني مراح اخونها اني اريدج اريد طفل هيه ماتكدر جيبلي طفل

ريما _ كافي عمر بس بس ولك اذا تكدر تخون غسق اني ماكدر كلي شنو الكدر انساه انسى وكفتها وياي لو انسى محبتها مساعدتها الي طول سنتين ماعافتني هاي صديقتي شلون اخونها

عمر _ ريما افهمي غسق راح تعرف كلشي

ريما _ عمر اسكت ابوس ايدك اله غسق لاتفكر تزوج عليها ولا اني ولاغيري هذه غسق عاشت وياك اكثر من سنتين هيج بهي سهوله تكدر تنسى عشرتكم وتزوج عليها لاعمر تعوذ من شيطان ورجع العقلك هاي زوجتك هاي غسق لاتفكر هيج تفكير وتكسرها