مساء الخير
الاخوات السته
بقلم اختكم امونه
خريف سنيني ورگه تسابگ بـ ورگه
ادور بروحي غير هموم ما الگه
ماكلني الوجع وبروحي لمة آه
بس اضحك چذب والوادم مصدگه...
وقفني صوت... هلا ريومه شلونج غمض عيوني وقطره دم مابقت بيه درت وجهي واحمد يباوع ومنتظر مني جواب ويرجع يباوع ع عمر وجان سكوتي هوه فضحني درت وجهي الي يضل ينطي الاوان واحمد وكف يمي بس حسيته من عيونه صار عصبي ويريد يعرف عمر
رديت عليه _ وكتله هلا خويه بيك
عمر فرك ايده حيل وقبل لايحجي احمد كال عقد حواجبه وكال منو الاخ
عمر باوعلي وابتسم وضليت اخذ بلحجي واجيبه كتله زوج صديقتي يعرفنه
خزرني وكال فوتي جوه صفنت بوجه رجع خزرني وهز راسها معنى فوتي جوه صارت عيوني ع عمر ع وجه ابتسامه واتوسل بعيوني لاتخرب حياتي فدوه
عفتهم ودخلت واني جسمي يرجف هذا عمر مراح يسكت والله راح يفضحني واحمد اكيد ميصدكني وراح انفضح ويصير اسمي ع كل لسان دخيلك ياربي عديها ع خير ماصار عليه زواج كل يوميه مهبوطه ...
شافتني ملك واجت بتجاهي ريومه جيتي شبيج هاي شبي وجهج ينطي الاوان ريومه شبيج ترجفين ليش ماتحجين
ريما _ عمر هنا
ملك_ صخام واذا هنا شبيج خوفتيني عليج وتالي هذا صخام تكليلي هنا وطبه طوب شعليج بي انتي
ريما_ولج هذا صخام تكولين عليه راح يسود عيشتي جاي يحجي هوه واحمد
ملك وطمت ع خدودها _ صخام صخمني شتحجين
ريما _ ملك شوفيلي حل فدوه والله احمد بس يعرف يكلب دنيا ع راسي والله مراح يصدكني
ملك _ بس ع كيفج لاتوكعين تعالي كعدي هنا
ريم _ شكوو شنو هذا صوت ريما شبيج ياهو المات
ريما _ هذا حظي هوه المات ماشوفينه الله مطيح حظي حتى مجاي افرح مثل اي بنيه
ريم _ شكووو شبيج
ملك تعالي كعدي وإنشاء الله ماكوو شي لا تخافي حبيبتي
ريما _ يمعوده شنو مخاف وعمر هنا والله راح يدمرني حياتي كلها
اندك الباب شوفي هذا احمد والله عرف
بس اصبري شبيج انتي شمسويه
ريما_ بس مراح يصدكني والله
ريم _ صبرن اني افتح الباب ... طلعت ورجعت كالت احمد يريدج
ملك _ امشي لا تخافين انتي ممسويه شي
ذبيت جنطه وايدي ترجف من الخوف طلعت لكيته يشرب جكاير اول مره اعرف او اشوفه يشرب
ريما _ ها احمد ليش واكف تفضل جوه
باوعلي من فوك اليجوه كال شعندج وي هذ خ...
ريما رديت علي بخوف _ منوو
احمد _ لا تغشمين روح منو هذا شعندج وياه
ريما _ والله ماعندي شي وياه احمد والله عمر مثل اخويه
احمد _ شلون تكولين زوج صديقتي هوه مطلك
أنت تقرأ
الاخوات السته
Przygodoweجانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ...
