مساكم الله باخير ولعافيه
الاخواتالسته
بقلم اختكم امونه
بارت 15
ملك
اهدن ياجرح؟ياجرح اشده اليوم
شديت شكثر بس مانفع شدي
انا صبري نفذ مااحتمل لوعات
منو شايل حزن ياناس من كدي
شمالك يازمن عندك عداوه وياي؟
هم شايف غلط فد يوم من عندي؟
فهمني بصراحه انطيني اي اسباب
كلبي بحزنه ون.وهنا وصل حدي
صرت نهر المحبه وناسي تغرف بيه
والمد مستواي ومااسد سدي
جا ليش البخت يمشي بعكس ممشاي
وليش الهم صفالي ودمعتي بخدي
ودااعا يافرح ماأضن بعد الكاك
الك مني تحيه والك كل ودي
يوم الحادث
قبل كم يوم ركضنه ع صوت العياط الى جاي من المطبخ:
واشوف جنه تعيط وتنكز وتفرك بجسمها من الوجع تريد بس احد يجي ويساعدها
لحد ماوكعت من طولها!
ركضت للشارع لبيت جدي واعيط والناس كلها تباوع ولا حجاب ولاشي اريد بس واحد ينقذ اختي
بعد ماوصلت لباب بيت جدي
اشوف جدي طلع هوه وعزيز ومرت عمو و رؤى الي عيونها مليانه دموع
طالعه قبلي-
جدو الحك جنه احتركت
الجد _ بنت الخره شهرتينه منا ناس فوتي جوه:
اني قلبي مفرفح ع جنه هم هامهم كلام الناس!
عزيز سحبني من ايدي ودخلني للبيت
عفته وركضت لبيتنه ماهمني شي بس جنه!
بسرعه اخذوها بالسياره ومشو صعدت وياهم دفعني عزيز وعاط بيه- دخلي واياجن وحده تطلع هذا الباب وحق محمد اكسرها
كعدت ابجي ع حظنه مافد يوم ارتاحينه مكتوبلنا القهر!
دخلت المطبخ اشوف جدر المركه شلون واكع اخ ياربي شوكعه عليها منين اجتج!
شهد كلبت الدنيا من البجي اختلست من العياط
البنات كاعدات ويبجن
اخذت شهد لحضني وادعي ربي مايحرمني من جنه
دخلت فطوم مبين الخوف من وجها:
فطوم- ولج اختي شبيها...
قبل لا انطق بكلمه كالت ريم- هاي حركتها والله وتأشر ع علياء
علياء_ من فلك طرج من ابنيه وخزرتها
فطوم _هذا الحجي صدك؟
ريم _ اي والله هاي الكلبه حركتها:
علياء _ ولج ذبين كذب عليه
فاطمه _ شوفي وتراب علي اذا الج ايد بلي صار يصير موتج ع ايدي ومحد يخلصج مني
_ ولي بقت بس الزعاطيط عليه
_ ولج جوزي من اخواتي هاي يتيمه خافي الله بيها خلي الله بين عيونج
وهي تحجي هجمت عليها وخنكتها؛
جنت بس صافنه عليه دموعي تجري
علياء دفعتها ولي مني شنو انتي مالج رداد
فطوم بحركه _ گلب ادعي ربج جنه ما يصير، عليها شي
أنت تقرأ
الاخوات السته
Pengembaraanجانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ...
