الاخوات السته

بارت 66

مساء العافيه عليكم

الاخوات السته بقلم اختكم امونه

گضيت العمر بل أأأأخ
متعوب وغلات الله
طحت طيحة جبل علگاع
محد صاحلي اسم الله

اسمعهم شيحجون هذه جايه شصخم بحياتي عوزي انتي هنوب ... بس كون يطلعني من هذا للبيت واخلص والله تعبت

هوه يصيح وعمه تحاول تهدى بي لحد مختفى صوته تصلت بي جهازه مغلق...... ماطلعت من الغرفه بس ع كدام اغسل بناتي او سويلهن ممه وبس حتى شغل عفته لعبت نفسي من البيت كله من حياتي ميصير هيج بس مشاكل .....

حاولت اكو هادئه وماضغط ع ايهاب بس طلعت روحي وي الايام امه ابد متنحمل هذه الي تكرها لازم يشاهد ع روحه .....

ايهاب اريد بيت وحدي مو ذاك اليوم كلت نطلع
... سدي الموضوع جنه تعبان
... تره حتى اني تعبانه ومليت من حياتي اربعه وعشرين ساعه مشاكل وغلط و يعيروني بابا تره اني بشر والله احس مو حديد تره روحي طكت شوفلي حل
ايهاب... اروح اضرب امي هذا الحل لو اصيح عليها تره هذه امي
جنه... حتى لو امك خليلها حد كلشي اله حد تره اني مو عبده جايبلي تعبت منهم كلش لا بشر يحجي وياي خليهم بس خلي يكفوني شرهم تعبت منهم

ايهاب... واحد يجي للبيت يرتاح واني اتلكه المشاكل من الباب شوف مرتك سوت شوف امك سوت
... ولقران طكت روحي ماريد شي منك بس خليهن بعاد عني ماكدر اتحمل كلامهن يسم البدن

عاط بيه حيل وكام ... واسمع ضل يصيح وامه تصيح وزتك عليه باوكت رياجيل شافت محد يلفيها وركضت وسحبته بسحورتها حجت هذا الكلام من طلع احس نار اشتعلت بي هذه مو عائله غضب...

من حركت گلبي كتلها... اخذته واشوف ياهوو يوكف بوجهي صاري رجلي
... اخذتي بسحورتج وانتي ياهووو يلفيج هم جنتي وحده مشوهه وكح.. وسا... وبت شوارع ودمرتي عيشته مرته

.... هاي بت شوارع شرفج وشرفها هم لو مشاف عليها شي ما تركها وحتى متقربلها لان وحده سا... من امثالج استحي ع شيباتج رجيلج بلكبر دوري لاخرتج مو تهجمين البيوت الله ياخذ حقي منج حسبي الله ونعم الوكيل عليج

دخلت للغرفه وضلت تسب وتغلط وتضرب بلباب بكل قوتها
كرهتها وكرهت حياتي كلها دمرتني الله ياخذكم واخلص منكم ومن عذابكم وقهركم
ااااخ والله كل قطعه بگلبي جاي تصرخ من الوجع هاي دنيا وتكول كافي كافي تحملتي هواي انتي بشر عندج حساس الى متى وهذا القهر يستمر وياج وي حياتج .....

مرت ايام ومرت اشهر بس يدخل ايهاب للبيت لازم يتعارك وياي وي امه حتى ضل يتعارك وي عمته صار يبات بره بس من وره المشاكل وهيه منا متسكت وبس الكلام يسم البدن