الاخوات السته
ريما
شكتب عالحزن وانواع الهموم
رسمني بلون اسود واجهة وصورة
خلاني بجامة اگبال كل الناس
ياهو اليباوع صاح من جورة
شرسمك ياحزن ماعندي اقلام
اذا يوجد قلم اوراقي منثورة
سميتك بحر من يهجم الماي
شينشف البحر ومكسور ناعورة
مطوقنة الحزن وتچوينة نيران
كل ما اريد اكلمة واج تنورة
اشوف الدنيا دوم تقسم اهموم
علي بدل زماني بدنيا مغرورة
شتوصف الحزن بيا عبارات
شكتب عالحزن ماتنملي اسطورة
اشمالك ياحزن تفتر على الناس
ياروح البقت من عندة معمورة
سديت الهوى وتخنگ بالنفاس
روحي تصارعت وياك مجبورة
نحن الاخوات السته حياتنا بس قهر والاحزان
صارت قصتنا عالناس منشورة
باوعت علي من فوك لجوه لحظات وكال .. والله عينيج كويه ومتخافين بكل عين صلفه توكفين كدامي
ريما _ ههه عرفتني يابن عمي ياسندي ههه؟
معتز صفن بوجهي
ريما _ مبين من صفنتك معرفتني
تقرب مني ولزم ايدي وعصر اصابيعي حيل احسهن طكن من الوجع _ ريم مووو شاهدي ع روحج يا صا.. بكل عين صلفه واكفه كدامي شنو هل جرئ العندج ولج عملتج سوده انتي وخواتج ساق.. وجايه واكفه كدامي بدون خوف!
ريما كل فكره ريم لان يعرف بيه ماكدر احجي من زمان
_ عوف صابيعي الله ياخذك وجعتني وشتريد مني ارجف منك مثلآ ماعندي شي اخسره
معتز_ امشي وياي بدون صوت لادفنج مكانج
ريما _ وين ماخذني ما امشي وياك
معتز _ توكفين بوجهي وتخلين عينج بعيني وتكوليلي وين ماخذني اريد اخذج لحضان واخذلج تحيه بنت الكلب اذا مندمتج ع العيشه كلها ماطالع من ضهر ابوي
ريما_ خاب تولي مني
معتز_ بيج بخت احنه بشارع اني اعلمج شلون جرني حيل من ايده ومشه
ريما احس ايدي نخلعت_ وين ماخذني هد ايدي الله ينتقم منك
معتز _ صوتج مريد اسمعه ولانفس اسمع منج
ريما_ والله اصرخ والم ناس عليك عوف ايدي
معتز _ جربي وشوفي يانذله بس جربي
ريما _ تعوف ايدي سحبتها منه
معتز _ امشي بدون صوت دموجن تضلن عارات وحق الكعبه لو مو عيون عمي خليت هسه بقرب مزبله اشمرج
ريما _ تايهه الك اني ما تقتلني من لازمك هيج عمك يحبنه وميقبل تلمس شعره منه
معتز _ من وره فعلجن ياكح... ابوج بين الحياة والموت
ريما._ صفنت بوجه وابتسمت شكد حبيتك هاي اول مره احبك واعزك تعرف ليش
أنت تقرأ
الاخوات السته
Adventureجانت مجموعه صور مبعثرة لاخواتي سحبت صوره اختي گلبت الصوره ولكيت الرقم مكتوب بيها غمضت عيني واني اسمع صوت اختي وهي تكول :- _ يلا خابري فدوه خل نرتاح هوه منقذنه الوحيده ضربت رجلي بالكاع بقوه متردده وخايفه اخاف الحظ يعكس ويانه وبدل ماينقذنه يدفنه ...
