الاخوات السته

بارت 58

(ملاحظه  بخصوص  عمر  شهد  حالياً  عمرها  10 سنوات  بين11 من جنه  كالت  ع عمر  اخوها  12 تقصد  كشكل وبس  اخاف  تخربط  عليكم  عمر  شهد  )

ملك
يا دنيا مو كافي منج قــهر ملينه
ما بيج غير الحزن و الحزن الله يعينه
تعبنه حيل من همج تعبنه من ليالينه
بس الدمع نذرفه و انترست شواطينه
ادور عالفرح يا ناس دلوني الفرح وينه
حتى الطفل شيب و تعبتي قبل حينه
اتفقنه نمشي عدل بس خنتي من بدينه
غداره ايامج بقت و الغدر انتي بعينه
ما يــتغير طبعج جذابه من وعينه
كافي يدنيه وجع صارن هوايه علينه..

تمر  دقيقه  دقيقه  وتاخذ  حيلي  وانه  ماعرف  اختي  وين  ولا عرفت  وين ادور عليها  منو الي منو النا  منو يساعدنه  مدري  شبيها  دنيا  وياي  تحب  شوفني  مقهوره  مكسوره  دمعتي  ع خدي  وعفيه قهر ابد مي فاركني... وعفيه عين  شكد بجت

صارت  ساعه  3:30  وجتي  وحلت  شهد  وهيه  ماكو
مخليه ايدي  ع خدي  دموع  تنزل  وما عندي  غير دعاء  ربي  يحفظها  ويسترها  وين  ماكانت  وترجعلي  بسلامه  مو والله  تعبت  مابيه  حيل  بعد 

ريم رجعت  طلعت  دور  عليها  وهيه  تعبانه  وريما  اخس  من حالتي  ...  وبس  تدعي  الها ربي  يحفضها

سمعت  التلفون  يدك  جابته  شهد  شفته  رقم غريب 
ريما سحبته  مني  كالت  بلكي  روى
مخليه  ايدي  ع گلبي  وعشرين  فكره  براسي 
ريما _الوووو......  روى
سمعتها نطقت  روى سحبتها  منها  بسرعه

روى

عليمن يا كلب للحب جبتني ..؟؟
طركاعه العشكـ يلورطتني ..
شكرا يا كلب من بهذلتني ..
شلتك يا كلب ما بين الظلوع
وانته من الفرح للهم شلتني ..!!
شسولف يا كلب بهدومي حته جروح
شسولف يا كلب مو خبلتني

رن النقال حسيته ابتعد عني وفتح الخط
صار عندي فضول اسمع ضل واكف مكانه واني نزلت جنطه وكفت مكاني سويت نفسي ادور ع شغله حتى اسمع.... شني سالفه يمه اني مو كلت لا تدخلين... هسه همه وينهم... من خ... عليهم هسه عرفو عدهم اب وين جانو عنه من جان مريض سمعي يمه انتي مالج دخل واني جاي بطريق

جنت اسمع وهز بيدي وين اكو واحد يحب جده وهسه انته شعليك خلي يموت يولي طبه طوب الحمدلله وشكراً.... حسيته واكف ع راسي

عمار _ خلي نرجع للبيت
روى _ واني لازمتك ماترجع
عمار _ روى ولقران مالي خلكج امشي خلي نأجر تكسي ونرجع  تره كلش مستعجل
روى _ واذامستعجل شسويلك
عمار _ روى لاتعاندين امشي

روى _ شبيك انته ليش امشي وياك اعرفك تعرفني
عمار _ استغفرالله روى عوفي العناد ع صفحه والله حيل مستعجل
روى _ انته مريض شبيك شنو امشي وياك
عمار_ لا تخبليني امشي وياي ماكدر اخليج وامشي
روى _ والله لو سما ع الارض تنطبك ما امشي وياك انته شبيك صاحي
عمار _ هيج روى موو خوش خلي عنادج يفيدج وهذا راسج اليابس اذا ماكسرته الج خليج هنا واكفه احسلج لا تحركين من مكانج موزين ع رجلي طبج طوب