الاخوات السته

20

الاخوات السه

- مُحطمه ، مُنكسرة ، مُتعبة ، روحٌ بآتت لآ ترغب سوى آن يتركهآ آلجسداگلب صفحه صفحه
مكتوب الوجع، ايى بس الوجع ماكو ورقه بيها فرح
طلعت من البيت مثل الفصليه ،كلشى حلمت بيه راح أدراج الرياح ،كل أحلامى تبخرت برمشة عين
طلعت من بيت ابوى وأنى مكسوره ومهزوزه ومقهوره

طلعت من جهنم ابوى ودخلت جهنم حامد وعزيز
اول خطوه خطيتها بعتبت الباب، سمعت هاي الكلمات
_ اخ ياربي إنوب صارت مرت أبني ألفي ببيتى بس الكح... الله يعلم باجر شسوي إذا وحده كح..
عاط بيها جدي _ اشششش ماأسمعلج كلمه دخلي جوه لا بارك الله بيجن
فوتني خواته للغرفه محد موجود مشيت بهدوء وگعدت ع الچربايه ومنظر بشرى وهيه مدمايه گدام عيوني
_دمرتيني ،دمرتيني الله لا يسامحج،إنشاءالله بجه‍نم السوده ...
_حچيت هاذ الحجى من قهرى وعصبيتى سامحينى بشرى ،بس انتى كسرتينى وكسرتى خواتج ،ليش هيج سويتى ،ليش كسرتينا وبعتينه ،اخخخخخخخخ بشرى شسويتى بينا ...

غمضت عيوني واتخيل نفسي عروسه و لابسه البدله البيضه لحبيبي الطول عمرى حلمت بيه وبحياتنه وتفاصيلها ،حلمت شلون راح تكون ليلة عمرنا وإحنا بحضن بعض ،شلون وعدنى راح يطلعنى من جهنم ابوى ويعيشنى بعالم الأحلام ...بعدنى بقوقعة أحلامى
ما أحس إله ضربه ع رأسي رجعتنى للواقع

_اخخخخخ، رفعت رأسي وأشوفه إبليس، عزيز
جنت متوقعه منه هذا الشي، جرني من شعري ولفه ع ايده كال..
_ شفتي اختج الكح.. شسوت شفتيها الساقطه شلون جابتلنه العار ونزلت رووسنا

_ عزيز اني شنو ذنبي بشرى
_ اششش ماريد أسمع صوتج
شگك ملابسي عليه وشمرني ع السرير وهجم عليه مثل الوحش وأخذنى بكل وحشيه
شگد ترجيته بس يعوفني ديوجعني بس چان مستلذ بوجعي وتعذيبى
لحد ماتعب وشمرني عل گاع

_كومي مني ماريد اشوفج كبالي
_سحبت البطانيه وصرت وره الجربايه ارجف ودموعي تنزل مثل الشلال،غمضت عيونى وأحجى ويه نفسى ،هيه هاى ليلة الأحلام يفطوم ،صارتلج ليلة الكوابيس والعذاب ،فززنى من صفنتى

_كومي بنت القندره حضريلي عشه
_والله ماكدر موجوعه حيل حرام عليك ،دأتوجع
_ تكومين لو اكومج بطريقتي

_كمت اسحل بنفسي دخلت للحمام أسبح ،ويا فتحت الماى خليت إيدى على حلگى و ضليت أشهك وأصرخ من الألم والقهر و والحسره البصدرى ،أفرك بجسمى وأحس بعدنى قذره من وصاخة عزيز
اخ يابشرى وين وصلتيني الله لايسامحج الله ينتقم منج ،ليش هيجى سويتي

گلبت الورقه ع صفحة📃 الثانيه
_نايمه وما احس إله شخص دفرنى بخاصرتى وذبني بالكاع
_ شبيك عزيز تره أنى بشر مو حيوان ،هيج تعاملنى
_ اششش ماريد أسمع صوتج ،تستاهلين وأكثر ،انتى مثل أختج الكح..... كومي طلعي بره، ماريد أشوف وجهج گبال عينى
_ وين اروح
_روحي الجهنم السوده ، وين ماتولين ولي ماريد أشوف جهرتج گدامى
طلعت واشوف نبأ زوجة عزيز عيونها مغوركه بالدموع وتبچى
نبأ_ ارتاحيتي هسه من اخذتي زوجي لفيتن عليه انتى وأختج الكح...مثل الحيايه ..
ما حاجيتها عفتها ورحت للمطبخ وجتي وراي دفعتني الله ينتقم منج الله يعذبج مثل ماعذبتيني ،الله يحرگ كلبج مثل ماحرگتى كلبى
شلت ثوبي إلها بعصبيه شوفي أكثر من هذا العذاب الأني بي بعد أكثر من الضرب والإهانه ديعاملنى بيها
دأحجى وياهه حسيت شخص جرني من شعري
_ بنت الكلب جاي تشكين المرتى ......