الاخوات السته

تكمله الاخير

والآن يا أُمي
ويا أبتي ويا وطني المعلّقُ في يد الأقدار
لي رمقٌ على الإسفَلّتِ سالْ
وتَفتّحتْ من صوتي المبتل بالبسطاء ِ
بالفقراءِ بالشهداءِ
أَرزاقٌ لتَبتَسمَ السِلالْ..
من ساحة َ التحرير.. حتى طينِ موطنِنا الحَلالْ.

يحجي واحس دخان يطلع مني كوتله.. انعل ابو عمها وحق الكعبه لو ع جثتي مخليها تزوج شهد عسى ما اخذها وانهزم بيها وين حنيتك وين دموعك انته مو ع فراش الموت وهم تريد تعذبنه هيه طفله كبرت بدونكم وهسه انتم جيتوها ع الحاظر تاخذوها .. وحق علي ابن أبي طالب اني وحده مخبله دنيا وارتها اشكال الأوان مثل ماكدرت انهزم منك مرتين اكدر هسه كلشي اسوي ماعندي شي اخسره عوفو طفله بحالها لو تريدها مثل فطومه تعذبها .. انتم شنو م بشر هيه طفله غير بناته اكبر منها لو لا شتعرف شتفهم وينها وين زواج هنوب تاخذ واحد بكد ابوها

بابا الى متى راح تضل تعذبنه شنوو ذنبه كول شنو ذنبنا لان احنه الله خلقنه بنات احنه شنو ذنبنا الله خلقنا مو أحنه خلقنه نفسنه تعبنه منكم

خليل _ ع كيفج بابا تعالي يمي

ريما كعدت ع حيلي بتعب وقهر احس حتى الهوه ديعذبني كوه اجره ... رحمنه ارحم بحالنه
خليل _ هوه طلب ايدها لزواج تره هذا شي مو حرام ولا عيب

ريما _ بس هيه طفله
خليل _ هاي حياتها هيه تختارها
ريما _ وهيه متريده اصلا من خياله تخاف مو هنوب تصير زوجته

خليل.. كومي جيبي تلفون واني احلها .. بسرعه انطيته تلفون وكال تصلي ع معتز ... اخذني الفضول اريد اعرف شنو يريد منه نفس الوقت خايفه لصار كله من وراي اذا زوجت والله مسامح نفسي طول عمري

وره نص ساعه دخل معتز
خليل _ امشي صيحي لاختج بسرعه
دخلت عليها ولكيتها تبجي
شهد _صار
ريما _ الله ياخذني ويخلصني سمعيني كل زين كوليلهم ماريده
شهد _ ولقران اخاف
ريما _ لاتخليني اطلع روحج بيدي والله ماخليهم يمسج بشي والله بس لاتكسريني ولاتوافقين شهد اروحلج فدوه والله البيه مكفيني رحمي بحالي والله اذا وافقتي راح شوفين عذاب طول عمرج مشفتي .. وبس تكولين ماريد اني ارجعج والله لاتخافين .. يلا امشي مثل موصيتج

مسحت دموعها وطلعنه لبابا
خليل _ شهد بابا هذا ابن عمج تعرفي طلب ايدج لزواج هوه ابن عمج
بلا هذا يحجي من كل عقله بس خلي نشوف الفرق بيناتهم والله حتى المخبل يكول هذا ضلم

معتز _ عمي شهوده موافقه صارت مرتي بس هذا سبوع نجيب سيد
كرصتها اريدها بس تحجي هاي الفاهيه
باوعلي ودمعه بعينها رجعت خزرتها

شهد _ اني ماريد ازوج هسه
معتز _ واني امشي بكيفج متزوجين هسه اني ابن عمج واكسر راسج ماكو عدنه وحده ترفض
ريما _ بابا احجي كلمه هيه طفله وينها وين زواج
خليل _ بابا شهوده فكري