الاخوات السته

بارت 19

مساء الخير

الاخوات السته
بقلم اختكم امونه
بارت 19

_ ريما شنوو هذا
_ باوعتلي بسرعه سحبته مني هاي مال صديقتي

_ شنوو هذا
_ ماعرف مال صديقتي
_ ريما احجي هذا شنو
_ كتلج ماعرف هذا مال صديقتي ورجعته بلجنطه

_ سحبته منها ريما لاتكذبين احجي شنو هذا

_ كتلج مال صديقتي
لزمتها من اذنها لاتكذبين عليه واحجي الحقيقه اذا ماتحجين هسه اروح اكول لبابا

_ عوفيني ودفعتني بيدها تعرفين هذا شنو هذا سم فار اخذتلي اسابيع واني اجمع ربع ربع او جبته لعلياء وبابا واطفالهم هسه عرفتي روحي كليله لان خليتلهم بلاكل وبلحليب مال الجهال عساهم ميتين
جانت تحجي بحركة گلب

اشوف الكره والحقد وين وصلها خلاه تجرئ تقتل وماتندم...

_ ولج تخبلتي ماكو براسج عقل
ركضت ع الباب افتحه بلكي الحك عليهم هاي تخبلت
فتحت الباب جرتني من ايدي
خليهم يموتون يطبهم مرض

ولج تخبلتي دفعتها اشوف علياء تباوع عليه مصدومه وترجع تباوع ع الممه البيدها

_ ولج تردين تسممين جهالي وتسممين ابوج ولك خليل الحك راحت تركض للغرفه

اباوع ع ريما وكفت يمي تباوع عليه وكأنما عيونها تتوسل تكولي ملك احميني من بابا لا تخلي يضربني.!

_ هسه ارتاحيتي من الي صار كليلي ارتاحيتي

تقربت مني ولزمت ايدي وجهه صار اصفر سحبت
ايدها كتله روحي صعدي فوك ركضي خطيه راحت تركض حتى تحمي روحه

جنه _ هاي منين طلعتنه ياربي

عاط بابا وينها هاي الخره جانت عيونه حمر من وره العصبيه

ملك _ بابا باابا
_ احجي خره وين

ولاوحده نطقت بكلمه رجع عاط وي عيطته دفعني من صدري دفعه قويه حيل وجعني
شهد من ااخوفه لبدت ورى رؤى وحضنت رجلي

ولج صاقطه تردين تسممين ابوج وتقتلين اخوانج بنت القندره
طلع من الغرفه ويدور ع ريما ووعياطه وين واصل   

وحده تباوع ع الثانيه بخوف لحد ماسمعته صعد الدرج

جنه غمضت عيونها وضغطي ع راسها بقوه من الالم

ملك _ لاطلعن من الغرفه جنه لاتخليهن فدوه

اني اعرف بس يشوفهن راح كلهن يضربهن خلال ماطلعت من الغرفه وركضت ع الدرج
واشوف ريما بيده تصرخ جان لازمها من شعره ويسحل بيها مثل الخروف شفته لو تخبلت ركضت عليه

_ بابا الله يخليك لبنيه راح تموت
اريد بس اساعدها توكف لان بابا جان يسحل بيها

لازمه ايده واتوسل بيه كون يعوفها دفعني وكعت ع رجلي اريد بس اكوم ماكدر صوت ريما وصريخها باذني