رواية"مشاعر قاسيه"
الحلقه الثالثة عشر: الرابعة عشر
للكاتبه وسام أسـامه
....................................
وضعت ناردين كوب قهوتها جانبًا وهي تقول بصوت مرتفع نسبيا...
-غييث،سرحان في أيه بقالك كام يوم مش متظبط!
أستفاق غيث من شروده..ناظرا لملامحها المنتظره لأجابه،ليتنهد بتعب وهو يفرك جبينه..
-مفيش ياناردين أنا تمام..
هزت رأسها بنفي وأصرار لتقول..
-لا فيه شكلك شايل الهم..ومش مرتاح
ثم تابعت بأستفهام..
-شهد مزعلاك في حاجه
زاغت عيناه علي ذكر الحبيبه الجافيه..أقرب امرأه لقلبه المتعب..أنثاه الضعيفه التي تشك في اخلاص قلبه لها
وللحق..معها نصف الحق..بل كل الحق بعد كلماته السامه
رباه علي تلك الكلمات التي جعلتها أبعد مايكون عنه
نأت بقلبها وعقلها وأهتمامها عنه..لا تري سوا أطفالها..وعاقبت أكبر أطفالها بالجفاء
أعادت ناردين صياغة سؤالها من جديد وملامحها تتوتر..
-غيث..قولي بصراحه المشاكل الي في حياتك دي بسببي !
جف حلقه وهو ينظر لها بتعب ...
-بسببك أزاي !
-أنتا فاهم ياغيث..مراتك مش حباني أبدا..ودا واضح للعيان
دا غير أهراقك الدايم وشرودك وحزنك دا..مش أنتا غيث بتاع زمان،الي يشوفك يقول كبرت عشرين سنه
أشاح بوجهه عنها وهو يتمتم بخفوت..
-وايه دخلك انتي بس ياناردين
-دخلي أن مراتك بتغير عليك مني..صح !
أجابته بنبره لا تقبل التشكيك..لطالما كانت ذكيه وتتفهم صمته قبل كلماته..كالراحله ملك
تنهد وهو يمسك سيجار بين أصابعه قائلا...
-أي ست بتغير علي جوزها ياناردين..ملك الله يرحمها بردو كانت كدا ..وشهد لسه متعرفكيش كويس..فا متزعليش
رفعت كتفيها بلا مبالاه قائله..
-ومين قال أن دي حاجه تزعلني ياغيث..طبيعي أي ست تغير علي جوزها زي مابتقول..لكن مش تشك فيه
شعر غيث بالنفور فجأه..أرد أن يتركها ويهرب سريعا الي أقرب مكان يختلي بأفكاره بعيدا عنها..ولكن لوهله طرأ تساؤل علي عقله ليترجمه بالنطق قائلا...
-حد صورنا واحنا في المكتب ساعة ماكنتي منهاره..وبعتها لشهد في رأيك دي حاجه متشككهاش فيا ياناردين
عقدت ناردين حاجبها بحيره قائله..
-صور ايه!
تمتم غيث بأيجاز..
-لما حضنتيني وأنتي بتعيطي..تقريبا حد كان مراقبنا وصورنا..وبعتلها الصور
تلون وجه الأخري حرجا..وهي تجمع قبضتها بغضب
لتقول بضيق..
-وطبعا انا في عينيها دلوقتي عايزه أخطف منها جوزها
طب ومحاولتش تفهمها الموقف حصل ازاي!
هز رأسه نافيا ليقول..
-مش مدياني فرصه نهائي..
ثم تابع وهو يدعس سيجارته في المطفأه..
-المهم..عرفتي تجبيلي رقم جوزك أو حد من معارفه غشان أعرف أوصله..ونحل موضوع الولد ودي
أنت تقرأ
"مشاعر قاسيه"🍁
Romanceالمقدمه.. رغم أنه لم يكن منيع ضد الحب،ولكنها كانت كالنسمات البارده..تُثلج صدره ولا تدفئه..لم تساعده علي الشعور بها رغم أنوثتها وجمالها الزجاجي..كانت واجهه أجتماعيه،وشريكه ناجحه فقط..لم تكن كاحبيبه أو زوجه تُخمد شغفه المكبوت،تمني الشعور والتعايش،أو ا...
